ushmaagatiki

bhautiki me ushmaagatiki (ushma+gatiki = ushma ki gati sambandhi) ke antargat oorja ka kaarya aur ushma mein roopaantaran, tatha iska taapamaan aur daab jaise sthool charon se sambandh ka adhyayan kiya jaata hai. ismein taap, daab tatha aayatan ka sambandh bhi samjha jaata hai.

Triple expansion engine animation.gif

anukram

kaaryakshetr

praarambh mein ushmaagatiki vigyaan ki vah shaakha thi jismein keval ushma ke kaarya mein parint hone athva kaarya ke ushma mein parint hone ka vivechan kiya jaata tha. parantu ab iska kshetr adhik vistrut ho gaya hai. ab ismein taap sambandhi lagbhag sabhi baaton ka adhyayan kiya jaata hai. udaaharanat: yadi ham nikal jaise kisi chunbakeeya padaarth ki ek chhad ko ek kundali ke bheetar rakhein aur is kundali mein bijli ki dhaara pravaahit karaakar ek chunbakeeya kshetr sthaapit karein to chhad ki lanbaai mein thoda antar aa jaaega, vah thoda garm ho jaaega aur usaki vishisht ushma mein bhi antar ho jaaega. aise hi yadi naaitrojan tatha haaidrojan ka mishran lekar ham usamein ek utprerak chhod dein to is mishran mein naaitrojan, haaidrojan tatha amoniya ek vishesh anupaat mein raheinge. taap mein parivartan hone se is anupaat mein bhi parivartan hota hai aur yeh parivartan us ushma se sambandhit hai jo amoniya ke sanshleshan ki kriya mein taap ko aparivrtit rakhane ke liye us mishran se nikaalani aavashyak hoti hai. aisi hi anya baaton ka adhyayan bhi ab ushmaagatiki ke antargat hota hai jisse iska kshetr bahut vistrut ho gaya hai.

ushmaagatiki ke siddhaant

19veen shataabdi ke madhya mein ushmaagatiki ke do siddhaanton ka pratipaadan kiya gaya tha, jinhein ushmaagatiki ke pratham evam dviteeya siddhaant kehte hain. 20veen shataabdi ke praarambh mein do anya siddhaanton ka pratipaadan kiya gaya hai jinhein ushmaagatiki ka shoonyavaaain tatha truteeya siddhaant kehte hain.

inhein bhi dekhein

  • ooshmaagatiki ke siddhaant

sandarbh granth

  • gugenahaaim : tharmodaainaimiks;
  • Wilson : tharmodaainaimiks aind staitistikl mikainiks;
  • somarafeld : tharmodaainaimiks aind staitistikl mikainikl mikainiks;
  • farmi : tharmodaainaimiks.