urvashi

saahitya aur puraan mein urvashi saundarya ki pratimoorti rahi hai. svarg ki is apsara ki utpatti Narayan ki jangha se maani jaati hai. padmapuraan ke anusaar inka janm kaamadev ke uru se hua tha. shreemadbhaagavat ke anusaar yeh svarg ki sarvasundar apsara thi. ek baar Indra ki raajasabha mein naachate samay vah raaja puru ke prati kshan bhar ke liye aakrusht ho gayi. is kaaran unke nrutya ka taal bigad gaya. is aparaadh ke kaaran raaja Indra ne rusht hokar use martyalok mein rahane ka abhishaap de diya. martya lok mein usane puru ko apna pati chuna kintu shart yeh rakhi ki vah puru ko nagn avastha mein dekh le ya pururava usaki ichksha ke pratikool samaagam kare athva uske do mesh sthaanaantarit kar diye jaaen to vah unase sambandh vichhed kar svarg jaane ke liye svatantr ho jaaegi. oorvashi aur pururava bahut samay tak pati patni ke roop mein saat-saath rahe. inke nau putr aayu, amaavasu, shrutaayu, drudhaayu, vishvaayu, shataayu aadi utpann hue. deergh avadhi beetane par gandharvon ko oorvashi ki anupasthiti apreeya prateet hone lagi. gandharvon ne vishvaavasu ko uske mesh churaane ke liye bheja. us samay pururava nagnaavastha mein the. aahat paakar ve usi avastha mein vishvaabasu ko pakadne daude. avsar ka laabh uthaakar gandharvon ne usi samay prakaash kar diya. jisse urvashi ne pururava ko nanga dekh liya. aaropit pratibandhon ke toot jaane par oorvashi shraap se mukt ho gayi aur pururava ko chhodkar svarg lok chali gayi. mahaakavi kaaleedaas ke sanskrut mahaakaavya vikramorvasheeya naatak ki katha ka aadhaar yahi prasang hai. aadhunik hindi saahitya mein raamadhaari Singh dinkar ne isi katha ko apne kaavyakruti ka aadhaar banaaya aur usaka sheershak bhi rakha oorvashi. mahaabhaarat ki ek katha ke anusaar ek baar jab arjun Indra ke paas astr vidya ki shiksha lene gaye to urvashi unhein dekhkar mugdh ho gayi. arjun ne oorvashi ko maatruvat dekha. at: usaki ichha poorti na karne ke kaaran. inhein shaapit hokar ek varsh tak punsatv se vanchit rahana pada.

sandarbh

hindi saahitya kosh, bhaag-2, prushth- 55