upasaur aur apasaur

1- grah apasaur par, 2- grah upasaur par, 3- soorya

upasaur aur apasaur (Perihelion and Aphelion), kisi grah, kshudragrah ya dhoomaketu ki apni kaksha par soorya se kramash: nyoonatam aur adhiktam doori hai.

sauramandal mein grah soorya ki parikrama karte hai, kuchh grahon ki kakshaaen kareeb-kareeb poorn vruttaakaar hoti hai, lekin kuchh ki naheen.| kuchh kakshaaon ke aakaar andaakaar jaise jyaada hai ya ise ham ek kheencha ya tana hua vrutt bhi kah sakte hai. vaigyaanik is andaakaar aakaar ko "deerghavrutt" kehte hai. yadi ek grah ki kaksha vrutt hai, to soorya us vrutt ke kendra par hai. yadi, iske bajaay, kaksha deerghavrutt hai, to soorya us bindu par hai jise deerghavrutt ki "naabhi" kaha jaata hai, yeh iske kendra se thoda alag hai. ek deerghavrutt mein do naabheeyaan hoti hai. chooainki soorya deerghavrutt kaksha ke kendra par naheen hai, grah jab soorya ka chakkar lagaate hai, kabhi soorya ki taraf kareeb chale aate hai to kabhi usase pare door chale jaate hai. vah sthaan jahaan se grah soorya se sabse najadeek hota hai upasaur kahalaata hai. jab grah soorya se pare sabse door hota hai, yeh apasaur par hota hai. jab pruthvi upasaur par hoti hai, yeh soorya se lagbhag 14.7 karod ki॰mee॰ (9.1 karod meal) door hoti hai. jab apasaur par hoti hai, soorya se 15.2 karod ki॰mee॰ (9.5 karod mil) door hoti hai. pruthvi, apasaur par upasaur par ki apeksha soorya se 50 lakh ki॰mee॰ (30 lakh meal) jyaada door hoti hai.[1]

shabdaavali

yadi nikaaya soorya ke alaava kisi anya ki parikrama karta hai, tab upasaur aur apasaur shabdon ka prayog naheen karte hai. pruthvi ka chakkar lagaate krutrim upagrah (saath hi chandrama bhi) ka najadeeki bindu upabhoo (perigee) aur doorasth bindu apabhoo (apogee) kahalaata hai. anya pindon ka chakkar lagaate nikaaya ke liye is sambandh mein prayogaatmak shabd is prakaar hai :-

pind niktatam pahuainch doorasth pahuainch
saamaanya Periapsis/Pericentre Apoapsis
aakaashaganga Perigalacticon Apogalacticon
taara upataarak (Periastron) apataarak (Apastron)
shyaam vivr Perimelasma/Peribothra/Perinigricon Apomelasma/Apobothra/Aponigricon
soorya upasaur (Perihelion) apasaur (Aphelion)
budh Perihermion Apohermion
shukr Pericytherion/Pericytherean/Perikrition Apocytherion/Apocytherean/Apokrition
pruthvi upabhoo (Perigee) apabhoo (Apogee)
chandrama Periselene/Pericynthion/Perilune Aposelene/Apocynthion/Apolune
mangal Periareion Apoareion
bruhaspati Perizene/Perijove Apozene/Apojove
shani Perikrone/Perisaturnium Apokrone/Aposaturnium
Arun Periuranion Apouranion
varun Periposeidion Apoposeidion
plooto Perihadion Apohadion

sandarbh

inhein bhi dekhein