upapatti
prakaran se pratipaadit arth ke saadhan mein jo yukti prastut ki jaati hai use upapatti kehte hain-
- prakaran pratipaadyaarthasaadhane tatr tatr shrooyamaana yukti: upapatti:.
gyaan ke saadhan mein upapatti ka mahatvapoorn sthaan hai. aatmajnyaaan ki praapti mein jo teen kramik shreniyaaain upanishdon mein batalaai gayi hain unamein manan ki siddhi upapatti ke hi dvaara hoti hai. ved ke upadesh ko shrutivaakyon se prathamat: sunana chaahiye (shravan) aur tadanantar unka manan karna chaahiye (manan). yuktiyon ke sahaare hi koi tatv drudh aur hrudayangam bataaya ja sakta hai. bina yukti ke manan niraadhaar rahata hai aur yeh aatmavishvaas naheen utpansan kar sakta. manan ki siddhi ke anantar nididhyaasan karne par hi aatma ki poorn saadhana nishpann hoti hai. "mantavyashchopapattibhi:" ki vyaakhya mein maathuri upapatti ko hetu ka paryaaya maanati hai.
ganesh daivajnya apni buddhivilaasini ke praakkathan mein likhte hain:
- vyaktevaavyaktasanjnyae yaduditmakhilan nopapattin bina tannirbhraanto
- va rite taan suganakasadasi praudhtaan naiti chaayan
- pratyakshan drushyate sa karatalakalitaadarshavat suprasanna
- tasmaadagrayopapattin nigditumakhilan utsaahe buddhivruddhyai..
- arth
vyaktaganit ya avyaktaganit mein jo kuchh bhi kaha jaata hai vah bina upapatti ke nirbhraant naheen hoga.
praudh ganitjnyaon ki sabha mein usaka koi moolya naheen hoga.
upapatti haath mein rakhe darpan ke samaan pratyaksh dikhti hai.
isliye, tatha buddhivruddhi ke liye, main poori upapattiyaaain dene ke liye agrasar hooain.