udayaveer shaastri

aachaarya udayaveer shaastri (6 January 1894 - 16 January 1991) bhaarateeya darshan ke udbhat vidvaan the . unhone Kapil muni ke praacheen saankhya, gotam muni ke nyaaya par bahut shodhaparak kaam kiya hai jiske liye san 1950 ke dashak mein unhein Bhaarat ke kai raajyon se puraskaar mile . apne jeevan ke teesare dashak me vo Lahore mein rahe the .

unke bhaashyon mein yaani teekaaon mein udaaharan paranparaaon se liye jaate the jo subodh hote the .

parichay

aachaarya udayaveer shaastri ka janm uttar pradesh ke bulandashahar jile ke banail gram mein hua. praarambhik shiksha gurukul sikndaraabaad mein hui. 1910 mein gurukul mahaavidyaalaya jvaalaapur se vidyaabhaaskar ki upaadhi praapt ki. 1915 mein Calcutta se 'vaisheshik nyaayateerth' tatha 1916 mein 'saankhya-yog teerth' ki parikshaaeain utteern ki. gurukul mahaavidyaalaya ne inke vaidushya tatha prakaand paanditya se prabhaavit hokar 'vidyaavaachaspati' ki upaadhi pradaan ki. jagannaath puri ke bhootapoorv shankaraachaarya svaami bhaarati Krishna teerth ne aapke praudh paanditya se mugdh hokar aapko 'shaastr-shevadhi' tatha ''vedaratn'' ki upaadhiyon se vibhushit kiya.

svashiksha sansthaan gurukul mahaavidyaalaya jvaalaapur mein adhyaapan praarambh kiya. tatpashchaat national college, Lahore mein aur kuchh kaal dayaanand braahm mahaavidyaalaya mein adhyaapak ke roop mein rahe. tatha Bikaner sthit shaardool sanskrut vidyaapeeth mein aachaarya pad par kaarya kiya. ant mein virjaanand vaidik shodh sansthaan mein aa gaye. yahaaain rah kar aapne utkrusht koti ke daarshanik granthon ka pranayan kiya.

16 January 1991 ko Ajmer mein aapka dehaavasaan hua.

krutiyaaain

  • nyaayadarshanam
  • meemaansaadarshanam
  • vaisheshikdarshanam
  • saankhyadarshanam