udagamandalam

ooti
உaaதaaகaaமaaணaa்aaடaaலaaமaa்
ಉaaದaaಕaaಮaaಂaaಡaaಲ
shahar
ऊटी का एक दृश्य
ooti ka ek drushya
samay mandal: IST (UTC+5:30)
desh Flag of India.svg Bhaarat
raajya Tamil Nadu
jila neelagiri
mahaapaur
saansad
janasankhya 93,921 (2001 tak )
kshetrafal
ooainchaai (AMSL)

• 2213 meter

Erioll world.svgnirdeshaank: 11°a23′aN 76°a54′aE / 11.38°aN 76.9°aE / 11.38; 76.9 ooti ya utakamandalam Tamil Nadu raajya ka ek shahar hai. Karnataka aur Tamil Nadu ki seema par basa yeh shahar mukhya roop se ek parvateeya sthal (hil station) ke roop mein jaana jaata hai. koyanbatoor yahaaain ka niktatam havaai adda hai. sadko dvaara yeh Tamil Nadu aur Karnataka ke anya hisson se achhi tarah juda hai parantu yahaaain aane ke liye kannoor se relagaadi ya tvaaya train kiya jaata hai. yeh Tamil Nadu praant mein neelagiri ki pahaadiyo mein basa hua ek lokapriya parvateeya sthal hai. udhagamandalam shahar ka naya aadhikaarik tamil naam hai. ooti samudra tal se lagbhag 7,440 feet (2,268 meter) ki oochaai par sthit hai.

anukram

itihaas

neelagiri cher saamraajya ka bhaag hua karte the. fir ve ganga saamaraajya ke haathon me chale gaye aur fir 12veen shataabdi mein hoyasal saamraajya ke raaja vishnuvardhan ke raajya me aa gaye. us ke baad neelagiri Mysore raajya ka hissa ban gaye jis ke teepoo sulataan ne unhein 18veen shataabdi mein angrejon ke havaale kar diya.

padosi Coimbatore jile ke Governor, John sulivaan ko yahaaain ki aabo-hava bahut pasand aane lagi aur usane sthaaneeya jaatiyon (toda, irumba aur badaaga) se jameen khareedani shuru kar di.

british raaj ke tahat in parvaton ka vikaas bahut teji se hone laga kyonki yahaaain ki jyaadaatar jameen yahaaain ke ameer angrejon ki niji sanpatti thi. baad mein ooti ko Madras preseedeinsi ki greeshmakaaleen rajdhani ka darja de diya gaya.

paryatan udyog

neelagiri ya neele parvaton ki parvatamaala me basa hua ooti prati varsh badi sankhya mein paryatako ko aakarshit karta hai. sardiyon ke alaava yahaaain saal bhar mausam suhaana hi bana rahata hai. sardi ke samay taapamaan shoonya degree celcius se neeche chala jaata hai. par aaj ye shahar adhikaadhik audyogikeekaran aur paryaavaran sambandhi samasyaaon se joojh raha hai.

ghani vanaspati, chai ke baagaan aur neelagiri ke ped yahaaain ke pahaadon ki visheshata hai. yahaaain ki praakrutik sundarata banaaye rakhane ke liye pahaadon ke kai hisson ko aarakshit van ka darja pradaan kiya gaya hai. is kaaran se shivir kshetr se baahar shivir lagaane ke liye khaas anumati leni padti hai. ooti ek bindoo ki tarah paryatakon ko aakarshit karta hai aur fir ve aaspaas bhi bhraman karte hain.

inhi pahaado mein doosare chhote shahar jaise kunnoo‍aar aur kotaagiri bhi hain. ye shahar ooti se sirf kuchh hi ghanton ki doori par hain aur in ka mausam bhi ooti jaisa hi hai par yahaaain kam paryatak hai aur daam bhi saste hain.

sthaaneeya arthavyavastha

ooti jila mukhyaalaya bhi hai. aise to yahaaain ki sthaaneeya arthavyavastha paryatan par hi tiki hai, ooti aaspaas ke shaharon ke liye bhi baajaar ka kaam karta hai. arthavyavastha moolat: krushi par nirbhar hai. thande mausam ki vajah se yahaaain "angreji sabjiyaaain" jaise aaloo, gaajar aur gobhi ugaai jaati hain. ooti myoonisipl baajaar mein rojaana in sabjiyon ki neelaami hoti hai.

paryatan aakarshan

vanaspati udyaan

वनस्पति उद्यान

is vanaspati udyaan ki sthaapana 1847 mein ki gayi thi. 22 hekteyar mein faile is khoobsoorat baag ki dekharekh baagavaani vibhaag karta hai. yahaan ek ped ke jeevaashm sanbhaal kar rakhe gaye hain jiske baare mein maana jaata hai ki yeh 2 karod varsh puraana hai. iske alaava yahaan ped-paudhon ki 650 se jyaada prajaatiyaan dekhne ko milti hai. prakruti premiyon ke beech yeh udyaan bahut lokapriya hai. May ke maheene mein yahaan greeshmotsav manaaya jaata hai. is mahotsav mein foolon ki pradarshani aur saanskrutik kaaryakram aayojit kiye jaate hain jismein sthaaneeya prasiddh kalaakaar bhaag lete hain.

ooti jheel

ऊटी झील

is jheel ka nirmaan yahaan ke pehle kalaktar John suvilian ne 1825 mein karavaaya tha. yeh jheel 2.5 kimi. lambi hai. yahaan aane vaale paryatak boting aur machhali pakadne ka aanand le sakte hain. machhaliyon ke liye chaara khareedne se pehle aapke paas machhali pakadne ki anumati honi chaahiye. yahaan ek bageecha aur jetti bhi hai. inheen visheshataaon ke kaaran prativrsh 12 lakh darshak yahaan aate hain. boting ka samay: subah 8 baje-shaam 6 baje tak

dodaabetta choti

yeh choti samudra tal se 2623 meter oopar hai. yeh jile ki sabse oonchi choti maani jaati hai. yeh choti ooti se keval 10 kimi. door hai isliye yahaan aasaani se pahuncha ja sakta hai. yahaan se ghaati ka najaara adabhoot dikhaai padta hai. logon ka kehna hai ki jab mausam saaf hota hai tab yahaan se door ke ilaake bhi dikhaai dete hain jinmein kaayanbatoor ke maidaani ilaake bhi shaamil hain.

aaspaas darshaneeya sthal

madumalaai vanyajeev abhyaaranya

yeh vanyajeev abhyaaranya ooti se 67 kimi. door hai. yahaan par vanaspati aur jantuon ki kuchh durlabh prajaatiyaan pai jaati hain aur kai luptapraaya:jaanvaron bhi yahaan paae jaate hai. haathi, saanbhar, cheetal, hirn aasaani se dekhe ja sakte hain. jaanvaron ke alaava yahaan rangabirange pakshi bhi udte hue dikhaai dete hain. abhyaaranya mein hi bana theppaakkadu haathi camp bachchon ko bahut lubhaata hai.

kotaagiri

yeh parvateeya sthaan ooti se 28 kimi. poorv mein sthit hai. neelagiri ke teen hil stationon mein se yeh sabse puraana hai. yeh ooti aur koon‍aanoor ke samaan prasiddh naheen hai. lekin yeh maana jaata hai ki in donon ki apeksha kotaagiri ka mausam jyaada suhaavana hota hai. yahaan bahut hi sundar hil rijaurt hai jahaan chai ke bahut khoobsoorat baagaan hain. hil station ki sabhi khoobiyaan yahaan maujood lagti hain. yahaan ki yaatra aapko niraash naheen karegi.

kalahatti jalaprapaat

kalapatti ke kinaare sthit yeh jharana 100 feet ooncha hai. yeh jalaprapaat ooti se keval 13 kimi. ki doori par hai isliye ooti aane vaale paryatak yahaan ki sundarata ko dekhne bhi aate hain. jharane ke alaava kalahatti-masinaagudi ki dhalaanon par jaanvaron ki anek prajaatiyaan bhi dekhi ja sakti hain jismein cheete, saanbhar aur jangali bhaisa shaamil hain.

aavaagaman

udagamandalam railway station
vaayu maarg

niktatam havaai adda Coimbatore hai.

rel maarg

ooti mein udagamandalam railway station hai. mukhya jankshan Coimbatore hai.

sadak maarg

raajya raajamaarg 17 se maddur aur Mysore hote hue baandeepur pahuncha ja sakta hai. yeh aapko madumalaai reserve tak pahuncha dega. yahaan se ooti ki doori keval 67 kimi.hai.

khaanapaan

ooti mein kai cheeni restaurant (chaaineej restaurant) hain lekin sabse mashahoor hai neelagiri pustakaalaya ke paas sthit "shinkoj". kamarshiyl road par bane kurinji mein dakshin bhaarateeya bhojan milta hai.

khareedaari

ooti chai, haath se bani chaukalet, khushaboodaar tel aur masaalon ke liye prasiddh hai. kamarshiyl road par haath se bani chaukalet kai tarah ke svaadon mein mil jaaegi. yahaan har doosari dukaan par yeh chaukalet milti hai. hauspitl road ki King star kanfekshanari iske liye bahut prasiddh hai. kamarshiyl road ki big shaup se vibhinn aakaar aur design ke gahane khareede ja sakte hain. yahaan ke kaareegar paaramparik toda shaili ke chaandi ke gahanon ko sone mein bana dete hain. Tamil Nadu sarkaar ke hastashilp kendra punpuhaar mein badi sankhya mein log hastashilp se bane saamaan ki khareedaari karne aate hain.

inhein bhi dekhein

baahari kadiyaaain