tyaagaraaj

tyaagaraaj
prushthabhoomi ki jaankaari
janmanaam kakarla tyaagabrahman
janm 4 May 1767
tiruvaaroor,[1] Thanjavur district, Tamil Nadu
mrutyu 6 January 1847(1847-01-06) (umr 79)
Thiruvayaru,[1]Thanjavur district, Tamil Nadu
shaili Carnatic music
vyavasaaya Carnatic composer

tyaagaraaj (telugu: శaa్aaరaaీ తaa్aaయaaాaaగaaరaaాaaజ; tamil தaaிaaயaaாaaகaaரaaாaaஜ சaaுaaவaaாaaமaaிaaகaaளaa் ; 4 May, 1767 – 6 January, 1847) bhaktimaargi kavi evam karnaatak sangeet ke mahaan sangeetajnya the. unhone samaaj evam saahitya ke saath-saath kala ko bhi samruddh kiya. ve bahumukhi pratibha ke dhani the. unhonne sainkadon bhakti geeton ki rachana ki jo Bhagwan Ram ki stuti mein the aur unke sarvashreshth geet pancharatn kruti aksar dhaarmik aayojanon mein gaae jaate hain.

jeevani

tanjaavur jile ke tiroovaroor mein chaar May 1767 ko paida hue tyaagaraaj ki maan ka naam seetaamma aur pita ka raamabrahmam tha. vah apni ek kruti mein kehte hain - "seetaamma maayaamma shri raamudu ma tandri" (seeta meri maan aur shri Ram mere pita hain). iske geet ke jariye shaayad vah do baatein kehna chaahate hain. ek or vaastavik maata-pita ke baare me bataate hain doosari or prabhu Ram ke prati apni aastha pradarshit karte hain. ek achhe susanskrut parivaar mein paida hue aur pale badhe tyaagaraaj prakaand vidvaan aur kavi the. vah sanskrut jyotish tatha apni maatrubhaasha telugu ke jnyaaata the.

tyaagaraaj ke liye sangeet ishvar se saakshaatkaar ka maarg tha aur unke sangeet mein bhakti bhaav vishesh roop se ubhar kar saamane aaya hai. sangeet ke prati unka lagaav bachapan se hi tha. kam umr mein hi vah veinkataramanaiya ke shishya ban gaye aur kishoraavastha mein hi unhonne pehle geet 'namo namo raaghav' ki rachana ki.

dakshin bhaarateeya shaastreeya sangeet ke vikaas mein prabhaavi yogadaan karne vaale tyaagaraaj ki rachanaaen aaj bhi kaafi lokapriya hain aur dhaarmik aayojanon tatha tyaagaraaj ke sammaan mein aayojit kaaryakramon mein unka khoob gaayan hota hai. tyaagaraaj ne muttusvaami Dixit aur shyaamaashaastri ke saath Karnataka sangeet ko nayi disha di aur unke yogadaan ko dekhte hue unhein trimoorti ki sanjnyaa di gayi.

unki sangeet pratibha se tanjaavur naresh kaafi prabhaavit the aur unhein darbaar mein shaamil hone ke liye aamantrit bhi kiya tha. lekin prabhu ki upaasana mein doobe tyaagaraaj ne unke aakarshak prastaav ko asveekaar kar diya. unhonne raaja ke prastaav ko asveekaar kar prasiddh kruti 'nidhi chal sukham yaani kya dhan se sukh ki praapti ho sakti hai' ki rachana ki thi. kaha jaata hai ki tyaagaraaj ke bhaai ne Bhagwan Ram ki vah moorti paas hi kaaveri nadi mein feink di thi jiski vah archana karte the. tyaagaraaj apne isht se alagaav ko bardaasht naheen kar sake aur ghar se nikal pade. is kram mein unhonne dakshin Bhaarat ke lagbhag sabhi pramukh mandiron ki yaatra ki aur un mandiron ke devataaon ki stuti mein geet banaae. tyaagaraaj ne kareeb 600 krutiyon ki rachana karne ke alaava telugu mein do naatak prahlaad bhakti vijay aur nauka charitm bhi likha. prahlaad bhakti vijay jahaan paanch drushyon mein 45 krutiyon ka naatak hai vaheen nauka charitm ekaanki hai aur ismein 21 krutiyaan hain.

tyaagaraaj ki vidvata unki har kruti mein jhalakati hai haalaanki pancharatn kruti ko unki sarvashreshth rachana kaha jaata hai. sainkadon geeton ke alaava unhonne utsav sanpradaaya keertanam aur divyanaam keertanam ki bhi rachanaaen ki. unhonne sanskrut mein bhi geeton ki rachana ki haalaanki unke adhiktar geet telugu mein hain. tyaagaraaj ki rachanaaon ke baare mein kaha jaata hai ki unamein sab kuchh apne sarvashreshth roop mein hai. usamein koi bhi hissa anaavashyak naheen hai chaahe sangeet ho ya bol. iske alaava usamein pravaah bhi aisa hai jo sangeet pemiyon ko apni or kheench leta hai.

aadhyaatmik roop se vah un logon mein the jinhonne bhakti ke saamane kisi baat ki paravaah naheen ki. unhein sirf sangeet evam bhakti se lagaav tha aur ye donon unke liye paryaayavaachi the. unke jeevan ka koi bhi pal Ram se juda naheen tha. vah apni krutiyon mein Bhagwan Ram ko mitr maalik pita sahaayak bataate hain. apni bhakti ke beech hi unhonne chhah January 1847 ko samaadhi le li.

sandarbh

baahari kadiyaaain