twitter

twitter, ink.
twitter prateek chinh
prakaar niji
sthaapana March 21, 2006; 10 varsh pehle (2006-03-21)[1]
mukhyaalaya sain Francisco, kaileeforniya, sanyukt raajya
ganamaanya vyakti dorsi, adhyaksh
ivaan Williams (chitthaakaar), si.E.O
bij ston, kriyetiv nideshak
udyog mobile saamaajik network, micro blogging
revenyu Green Arrow Up Darker.svg $4,00,000 Q3 (2009) (anumaanit)[2]
karmachaari 3,900 (2015)[3]
jaalasthal www.twitter.com
aileksa shreni Straight Line Steady.svg 9 (January 2016) tak [4]
jaalasthal ka prakaar mobile saamaajik network, micro blogging
panjeekaran aavashyak
upalabdh bahubhaashi
chaaloo hui 2006
vartamaan sthiti sakriya

twitter va chirvir ek mukt saamaajik sanjaal va sookshm chitthaakaari seva hai jo apne upayogakartaaon ko apni adyatan jaanakaariyaan, jinhein tveets va chirvir vaakya kehte hain, ek doosare ko bhejane aur padhne ki suvidha deta hai. tveets 140 aksharon tak ke paathya-aadhaarit post hote hain aur lekhak ke rooparekha prushth par pradarshit kiye jaate hain, tatha doosare upayogakarta anuyaayi (fauloar) ko bheje jaate hain.[5][6] preshak apne yahaan upasthit mitron tak vitran seemit kar sakte hain, ya difault vikalp mein mukt upayog ki anumati bhi de sakte hain. upayogakarta twitter website ya laghu sandesh seva (SMS), ya baahya anuprayogon ke maadhyam se bhi tvits bhej sakte hain aur praapt kar sakte hain.[7] Internet par yeh seva ni:shulk hai, lekin S.M.S ke upayog ke liye phone seva pradaata ko shulk dena pad sakta hai. twitter seva Internet par 2006 mein aarambh ki gayi thi aur apne aarambh hone ke baad tech-sevi upabhoktaaon, visheshakar yuvaaon mein khaasi lokapriya ho chuki hai. twitter kai saamaajik network jaalasthalon jaise maaispes aur Facebook par kaafi prasiddh ho chuka hai.[5] twitter ka mukhya kaarya hota hai yeh pata karna hota ki koi nishchit vyakti kisi samay kya kaarya kar raha hai. yeh micro-blogging ki tarah hota hai, jis par upayokta bina vistaar ke apne vichaar vyakt kar sakta hai. aise hi twitter par bhi maatr 140 shabdon mein hi vichaar vyakt ho sakte hain.[6][8]

anukram

upayog

twitter upayokta vibhinn tareekon se apna khaata adyatan update kar sakte hain. ve web braaujr se apna paath sandesh bhejkar apna twitter khaata adyatit kar sakte hain aur imel ya Facebook jaise vishesh antarajaal anuprayogon (web epleekeshans) ka bhi prayog kar sakte hain. sansaar bhar mein kai log ek hi ghante mein kai baar apna twitter khaata adyatan karte rahate hain.[5] is sandarbh mein kai vivaad bhi uthe hain kyonki kai log is atyadhik sanyojakata (ovarakanektiviti) ko, jis kaaran unhein lagaataar apne baare mein taaja soochana dete rahani hoti hai; bojh samajhne lagte hain.[6] pichhle varsh se sansaar ke kai vyavasaayon mein twitter seva ka prayog graahako ko lagaataar adyatan karne ke liye kiya jaane laga hai. kai deshon mein samaajasevi bhi iska prayog karte hain. kai deshon ki sarkaaron aur bade sarkaari sansthaanon mein bhi iska achha prayog aarambh hua hai. twitter samooh bhi logon ko vibhinn aayojanon ki soochana pradaan karne laga hai. America mein 2008 ke raashtrapati chunaavon mein donon dalon ke raajaneetik kaaryakartaaon ne aam janta tak iske ke maadhyam se apni pahunch banaai thi. maaikroblauging vikhyaat hastiyon ko bhi lubha rahi hai. iseeliye blog adda ne Amitabh Bachchan ke blog ke baad visheshakar unke liye maaikroblauging ki suvidha bhi aarambh ki hai. BBC[9] va al jjeera[10] jaise vikhyaat samaachaar sansthaanon se lekar amareeka ke raashtrapati pad ke pratyaashi Barack Obama[11] bhi twitter par milte hain.[12] haal ke samaachaaron mein shashi tharoor, Hritik roshan, sachin Tendulkar, Abhishek Bachchan, Shahrukh Khan, aadi bhi saaiton par dikhaai diye hain. abhi tak yeh seva angreji mein hi upalabdh thi, kintu ab ismein anya kai bhaashaaen bhi upalabdh hone lagi hain, jaise Spanish, Japani, jarman, French aur itaalavi bhaashaaen ab yahaan upalabdh hain.

rainkings

sain Francisco, kaileeforniya mein 795, faulsam street sthit twitter mukhyaalaya bhavan

twitter, aleksa Internet ke web yaataayaat vishleshan ke dvaara sansaar bhar ki sabse lokapriya website ke roop mein 26veen shreni par aayi hai.[13] vaise anumaanit dainik upayoktaaon ki sankhya badalti rahati hai, kyonki company sakriya khaaton ki sankhya jaari naheen karti. haalaanki, February 2009 compete.com blog ke dvaara twitter ko sabse adhik prayog kiye jaane vaale saamaajik network ke roop mein teesara sthaan diya gaya.[14] iske anusaar maasik naye aagantukon ki sankhya mote taur par 60 lakh aur maasik nireekshan ki sankhya 5 karod 50 lakh hai[14], haalaanki keval 40% upayogakarta hi bane rahate hain. March 2009 mein Nielsen.com blog ne twitter ko sadasya samudaaya ki shreni mein February 2009 ke liye sabse teji se ubharati hui site ke roop mein kramit kiya hai. twitter ki maasik vruddhi 1382%, jimbiyo ki 240% aur uske baad Facebook ki vruddhi 228% hai.[15]

suraksha

twitter par tveets ki saamagri ka aarekhan

haal ke dinon mein twitter par bhi kuchh asuraksha ki khabarein dekhne mein aayi hain. twitter ek hafte ke bheetar doosari baar fishing skaim ka shikaar hui thi. is kaaran twitter dvaara upayoktaaon ko chetaavani di gayi ve daayarekt mesej par aae kisi sandigdh link ko klik na karein. cyber aparaadhi upayokta logon ko jhaansa dekar unke upayokta naam aur paasavard aadi ki chori kar lete hain.[16] inke dvaara upayokta ko twitter par apne mitron ki or se daayarekt mesej ke bheetar chhota sa link mil jaata hai. is par klik karte hi upayokta ek farji website par pahunch jaata hai. yeh theek twitter ke hom pej jaisa dikhta hai. yaheen par upayokta ko apni laug-in byaure entar karne ko kaha jaata hai, theek vaise hi jaise twitter ke mool prushth par hota hai. aur is prakaar ye byaure chura liye jaate hain. ek upayokta, David Cameron ne apne twitter par jaise hi entar ki kunji dabaai, vah kharaab sandesh unki twitter mitr-soochi mein shaamil sabhi upayoktaaon tak pahunch gaya. isse yeh skaim duniya bhar ke Internet tak pahunch gaya. suraksha visheshagyon ke anusaar cyber aparaadhi churaai gayi satraaranbh jaankaari ka prayog shesh khaaton ko bhi haik karne mein kar sakte hain, ya fir isse kisi door ke computer mein saheji jaankaari ko haik kar sakte hain.

isse bachane hetu upayoktaaon ko apne khaate ka paasavard koi kathin shabd rakhana chaahiye aur sabhi jagah ek hi ka prayog na karein. yadi unhein yeh mahasoos hota hai ki unke twitter khaate se sandigdh sandesh bheje ja rahe hain to apne paasavard ko turant badal lein.[16] isi tarah apne twitter khaate ki seintings ya kanekshan area bhi jaanchein. yadi vahaan kisi thard party ki aiplikeshan sandigdh lagti hai to khaate ko ekses karne ki anumati na dein.

twitter par fail vhel truti sandesh

twitter ne bhi suraksha kadi karne hetu paasavard ke roop mein prayog hone vaale 370 shabdon ko nishedh kar diya hai. unke anusaar paasavard ke in shabdon ke baare mein anumaan lagaana saral hai. the teleegraaf ki report ke anusaar, twitter ne '12345' aur 'Password' jaise shabdon ke paasavard ke roop mein prayog ko rok diya hai. inka anumaan laga atyant saral hota hai aur fir upayoktaaon ki jaankaari ko khatra ho sakta hai. paasavard ke roop mein 'paurshe' aur 'feraari' jaisi prasiddh kaaron aur 'Chelsea' va 'aarsanel' jaisi football teemon ke naam bhi nishedh kar diye hain. isi prakaar vigyaan kalpana (science fikshan) ke kuchh shabdon par bhi pratibandh lagaaya gaya hai.[17]

yeh bhi dekhein

sandarbh

  1. sandarbh truti: <ref> ka galat prayog; Dorsey2006 naam ke sandarbh mein jaankaari naheen hai.
  2. "haikar ekspoj private twitter daukyumeints". the new yaurk times. 15 July< 2009. http://bits.blogs.nytimes.com/2009/07/15/hacker-exposes-private-twitter-documents/?hpw.. abhigman tithi: 15 July 2009.
  3. "Twitter Company Info". Twitter. February 6, 2015. https://about.twitter.com/company. abhigman tithi: May 2, 2014.
  4. "Twitter.com – traifik data fraum ऍleksa". eleksa Internet. http://www.alexa.com/siteinfo/twitter.com. abhigman tithi: 16 January 2016.
  5. a aa i twitter|Hindustan live. 28 April 2010
  6. a aa i kissa A twitter. mera panna. jeetoo.
  7. ab twitter par seedhe sandesh bhejein apne pitaara toolabaar se. hindu toolabaar - pitaara. 28 May 2008
  8. twitter ke jariye chahakiye aur saath mein muft ke samose bhi bhejiye aur paaie. devanaagari.net
  9. bi.bi.si twitter par
  10. al jajeera twitter par angreji mein
  11. Barack Obama twitter par
  12. 140 aksharon ki duniya: maaikroblauging. nirantar. 15 July 2008. debaasheesh chakravarti
  13. "twitter.com - traffic data fraum ऍleksa". ऍleksa Internet. 13 July 2009. http://www.alexa.com/siteinfo/twitter.com. abhigman tithi: 13 July 2009.
  14. a aa kaijeniyaik, ऍndi (9 fravari 2009). "social netavarks: fesabuk teks over top spot, twitter klaaimbs". Compete.com. http://blog.compete.com/2009/02/09/facebook-myspace-twitter-social-network/. abhigman tithi: 17 fravari 2009.
  15. maikjiboni, Michelle (19 maach, 2009). "twitter's tweet smail of sakses". neelasen. http://blog.nielsen.com/nielsenwire/online_mobile/twitters-tweet-smell-of-success/. abhigman tithi: 5 April 2009.
  16. a aa ek hafte mein doosari baar twitter par ataik. navabhaarat times. 2 March 2010
  17. twitter paasavard ke liye 370 shabd ban. navabhaarat times. 2 January 2010. PTI

baahari kadiyaaain