tritv

tritv isaai dharm ka keindreeya tatha goodhtam dharmasiddhaant ishvar ke aabhyantar svaroop se sambandhit hai jise triniti arthaat tritv kehte hain. tritv ka arth hai ki ek hi ishvar mein teen vyakti hain -- pita, putr tatha pavitra aatma (father, san aind holi gost). ye teenon samaan roop se anaadi, anant aur sarvashaktimaan hain kyonki tark ke bal par maanav buddhi keval ek sarvashaktimaan srushtikrta ishvar ke astitv tak pahuainch sakti hai. vastut: tritv ke dharmasiddhaant par iseeliye vishvaas kiya jaata hai ki usaki shiksha isa ne di hai.

baaibil ke poorvaardh se pata chalta hai ki yahoodi dharm mein ekeshvaravaad par vishesh bal diya gaya tha. baaibil ke uttaraardh mein isa us ekeshvar ko banaae rakhate hue bhi yeh shiksha dete hain ki main aur param pita parameshvar ek hi hain (vaastav mein yahoodiyon ne isi kaaran se isa ko praanadand diya). iske atirikt vah apne shishyon se kehte hain ki main pavitra aatma ko bhej dooainga ja avyakt roop se tum logon ke saath rahega. us pavitra aatma ko bhi vah ishvareeya gunon se samanvit maanate hain. is prakaar isa ne spasht roop se bataaya hai ki ek hi parameshvar mein pita, putr aur pavitra aatma vidyamaan hain. baad mein tryek (triaek) ishvar ki is visheshata ko tritv ka naam diya gaya hai.

tritv ke is dharmasiddhaant ko isaai dharmapanditon ne yoonaani tatha laateeni darshan ke paaribhaashik shabdon ke sahaare is prakaar spasht karne ka prayaas kiya hai -- ek hi ishvareeya svabhaav (nechar) mein teen vyakti (parasans) vidyamaan hain. teenon tatvat: (sabstainshali) ek hain. at: teenon ki ek hi sankalpashakti tatha ek hi buddhi hai. fir bhi pita, putr aur pavitra aatma mein paarasparik bhinnata hai. pita kisi se utpann naheen hota. putr aadikaal se pita se paripoorn ishvaratv grahan karta hai. putr ki is utpatti ko prajanan (jenereshan) kehte hain. pavitra aatma ki utpatti ko prajanan (jenereshan) kehte hain. pavitra aatma ki utpatti pita tatha putr donon se maani jaati hai aur prasaran (proseshan) kahalaati hai. putr ke prajanan tatha pavitra aatma se prasaran se teenon vyaktiyon ki paarasparik bhinnata utpann hoti hai, kintu tatvat: teenon ek hain aur samaan roop se sabhi ishvareeya gunon se samanvit hain. (praachya church mein pavitra aatma ka prasaran pita se maana jaata hai).

shataabdiyon tak is dharmasiddhaant par chintan kiya gaya hai aur tatvasanbandhi anek dhaaranaaon ko bhraamak thaharaaya gaya hai. tridevataavaad, jo teen bhinn ishvareeya tatv maanata hai spashtataya bhraamak hai, kyoki is prakaar teen svatantr devataaon ka astitv sveekaar kiya jaata hai. modaalism ke anusaar pita, putr aur pavitra aatma ek hi ishvar ke teen pahaloo hain jo srushti ke kaaran utpann ho jaate hain -- pita srushtikrta hai, putr hamaara uddhaar karta hai tatha pavitra aatma hamako pavitra karta hai. church ne is vaad ko teesari tatha chauthi shataabdi mein thukaraakar yeh bataaya ki srushti se pehle hi ishvar mein teen vyakti vidyaan the. niseaa (325 idru) ki vishvasabha ne tritv vishyak un sabhi vyaakhyaaon ko bhraamak thaharaaya hai jinke anusaar putr athva pavitra aatma pita se gaun maane jaate hain. us sabha mein yeh spasht ghoshit kiya gaya hai ki pita aur putr tatvat: ek hi hain.

inhein bhi dekhein

  • ish‍avaraikyavaada‎

baahari kadiyaaain