tripur sundari mandir, hathiyaagadh

hathiyaagadh ka tripur sundari mandir jabalapur shahar se kareeb 14 ki॰amee॰ ki doori par bhedaaghaat maarg par "hathiyaagadh" naam ke sthaan mein sthit hai.[krupaya uddharan jodein]

mandir ke andar maata mahakaali, maata mahalakshmi aur maata sarasvati ki vishaal murti sthaapit hai.[krupaya uddharan jodein] kaha jaata raha hai ki raaja "karan", jo hathiyaagadh ke raaja the, ve devi ke saamane khaulate huye tel ke kadaahe mein swayam ko samarpit kar dete the aur devi prasann hokar unhein (raaja ko) unke vajan ke baraabar sona aasheervaad ke roop me deti theen.[krupaya uddharan jodein] maan tripur sundari jo sadiyon tak tevar sahit aaspaas ilaake mein badi kheramaai ya hathiyaagadh waali kheradaai ke naam se jaani jaati rahi hain aur ab bhi yahaan ke umradaraaj log isi naam se sambodhit karte hain. maan ki alaukik shakti evam chamatkaaron ki yahaan anek kahaaniyaan evam kivdantiyaan aaj bhi suni ja sakti hain. yahaan par aaj bhi manotiyaaain maangi jaati hain aur aisa dekha ja sakta hai ki yahaan manotiyaaain poorn hone ke uparaant bhandaare, vishesh poojan-archan tatha chadhaava ka silsila chalta hi rahata hai. aastha aur shraddha ke is sthal mein sadaiv chahal pahal rahati hai. log door-door se maaain ke darshanaarth daude chale aate hain. maan ki chamatkaari shaktiyon ki anek kathaaen hain. ve is pahaadi sthaan ko chhodkar aabaadi vaale kshetr mein aana hi naheen chaahati theen. suna gaya hai ki ek baar graameen log maata ji ko bailagaadi mein rakhakar tevar gaanv mein chhoti kheramaai mandir le kar aa gaye aur vahaan raat bhar bhajan keertan karte rahe. log jab doosare din subah snaan-dhyaan karne aur maan ke poojan ki taiyaari karne apne ghar gaye. iske baad jab vaapas mandir aae to maaain vahaan se antardhyaan ho chuki theen. log ghabara gaye. baad mein pata chala ki maan apne puraane sthaan par swayam pahunch gayi hain, aisi hain tevar ki maaain tripurasundari. ek katha aur sunane ko milti hai ki angrejon ke jamaane mein kuchh baahari anajaan log maan ko truck mein rakh kar le ja rahe the parantu kuchh hi doori par truck ke sabhi logon ko neend sataane lagi tab sabhi log truck ko khada kar so gaye aur jab neend khuli to truck mein devi maan naheen thi. fir gyaat hua ki ve apne sthaan par viraajamaan hain. jaisa main swayam jaanta hooain ki poorv mein maan keval ek shilaakhand ke sahaare pashchim disha ki or munh kiye adhaleti avastha mein thi. isi taaratamya mein ek anya baat aaj bhi bataai jaati hai ki tripuri kshetr ke aitihaasik-utkhanan ke samay kisi utkhanan adhikaari ne maan ko janjeeron ke sahaare khada karne ki koshish ki thi to us adhikaari ko svapn aaya ki mujhe khada mat karo parantu vah naheen maana. usane jab maan ko janjeeron ke sahaare khada kiya tabhi adhikaari ke ghar se uske achhe-bhale aur svasth putr ki achaanak tabiyat bigad gayi. baad mein usane devi maan ko poorv sthiti mein rakh kar unase kshama yaachana aur poojan archan kiya tab jaakar uske putr ko svaasthya laabh hua. inke atirikt is sambandh mein aur bhi kahaaniyaan prachalit hain, jinmein bataaya jaata hai ki daani raaja karn ne pooja ke baad sava pahar tak sona barasaaya tha aur yeh bhi kaha jaata hai ki ek baar khaulate tel ki kadhaai mein raaja ne apna mastak kaatkar jab devi maaain ko chadhaaya tab maaain ne swayam prakat hokar bhakt ko punarjeevit kiya tatha darshan diye.

yahaan par main sabse mahatvapoorn baat ka ullekh karna chaahoonga ki maan tripur sundari ki pooja hetoo tevar nivaasi mere chaacha shri ramesh dube niyamit roop se pehle bhedaaghaat jaakar snaan kar vahaan se narmada jal laate the fir aaspaas ke taalaabon se kamal ke foolon ki vyavastha karte karte the aur baad mein durgam raaste se kabhi saaikal aur kabhi paidal maan ke darbaar mein jaakar unka poojan archan kiya karte the. unke jaisi shraddha-bhakti aaj ke jamaane mein durlabh hai.80 ke dashak mein unhonne mujhe bataaya tha bataaya tha ki vijay mujhe ek svapn aaya ki maaain kah rahi hain ki mujhe uthaakar baitha do aur mera munh poorv disha ki or kar do. baad mein jab yeh baat sabhi ko pata chali ki maan ke is vishesh bhakt ko jab yeh svapn aaya hai to maan ko uthaana hi chaahiye. tab shraddhaaluon ne maan ko uthaaya aur unka poorv disha ki or munh karke sthaapana ki gayi. yahi vah din tha jab se maan ke darbaar ka nirmaan kaarya praarambh hua aur samay-samay aaj is roop mein hamaare saamane hai. 
shraddha, bhakti aur aastha ke is paavan sthal par aaj jo garima aur jo vaataavaran dikhaai deta hai usaka shreya yahaan aane vaale shraddhaaluon ko hi diya jaaega aur maan ko jisne jab aur jo bhi chaaha vahi hua.

- Dr vijay tivaari "kislaya" visulok, ukhari road, jabalapur mobile number 4 2 5 3 2 5 3 5 3 e-Mail: vijaytiwari5@gmail.com

inhein bhi dekhein

baahari kadiyaaain