tomar vansh

tomar ya tanvar uttar pashchim Bhaarat ka ek raajavansh tha.itihaasakaar A ef rudolf ke anusaar Delhi ke tomar gurjar jaati ke the.vaheen Colonel taad ne tomaron ko paandu putr arjun ka vanshaj bataaya hai.[1]tomaron ka maanana hai ki ve gurjar hai.tomar gotr gurjaro me aata hai.[2] jo gurjar pratihaaro ke adhin gurjar vansh the. inhone vartamaan Delhi ki sthaapana dihilika ke naam se ki . vartamaan me Delhi me kareeb 12 gaanv tanpar gurjaro ke hai. [3]

anukram

parichay

tomar vansh praacheen Bhaarat ke itihaas mein apna aham sthaan rakhata hai. puraanon se prateet hota hai ki aarambh mein tomaron ka nivaas himaalaya ke niktasth kisi uttari pradesh mein tha. kintu 10veen shataabdi tak ye karanaal tak pahuainch chuke the. thaaneshvar mein bhi inka raajya tha. us samay uttar Bhaarat mein kaanyakubj ke gurjar pratihaar raajavansh ka saamraajya tha. unheen ke saamant ke roop mein tanvaron ne dakshin ki or agrasar hona aarambh kiya.

Delhi mein unke adhikaar ka samay anishchit hai. Colonel taad ne 736 E. mein gurjar naresh anangapaal tanvar pratham dvaara Delhi ki sthaapana hona bataaya hai jo anangapaal dviteeya(1115i.) tak kul 19 peedhiyaaein dvaara shaasit rahi . kintu vikram ki 10veen aur 11veen shatiyon mein hamein saaainbhar ke chauhaanon aur tomaron ke sangharsh ka ullekh milta hai. tomar naresh rudr chauhaan raaja chandan ke haathon maara gaya. tantrapaal tomar chauhaan vaakpati se paraajit hua. vaakpati ke putr sinharaaj ne tomar naresh salavan ka vadh kiya. kintu chauhaan sinharaaj bhi kuchh samay ke baad maara gaya. bahut sambhav hai ki sinharaaj ki mrutyu mein tomaron ka kuchh haath raha ho. aisa prateet hota hai ki tomar is samay Delhi ke svaami ban chuke the.[krupaya uddharan jodein]

gajnavi vansh ke aaranbhik aakramanon ke samay Delhi-thaaneshvar ka tomar vansh paryaapt samunnat avastha mein tha. tomararaaj ne thaaneshvar ko Mehmood se bachaane ka prayatn bhi kiya, yadyapi use safalta na mili. san 1038 io (sano 1095) Mehmood ke putr masood ne haansi par adhikaar kar liya. masood ke putr majadood ne thaaneshvar ko hastagat kiya. Delhi par aakraman ki taiyaari hone lagi. aisa prateet hota tha ki musalmaan Delhi raajya ki samaapti kiye bina chain na leinge. kintu tomaron ne saahas se kaam liya. tomararaaj maheepaal ne keval haansi aur thaaneshvar ke durg hi hastagat na kiye; usaki veer vaahini ne kaaaingade par bhi apni vijyadhvaja kuchh samay ke liye fahara di. Lahore bhi tainvaron ke haathon se bhaagyavashaat hi bach gaya.

tomaron ki is vijay se keval vidveshaagni hi bhadki. tomaron par idhar udhar se anya gurjar raajyon ke aakraman hone lage. tainvaron ne inka yathaashakti uttar diya. sanvat 1189 (san 1132) mein rachit shreedhar kavi ke paarshvanaathacharit se prateet hota hai ki us samay tomaron ki rajdhani Delhi samruddh nagari thi aur tainvararaaj anangapaal apne shaurya aadi gunon ke kaaran sarvatr vikhyaat tha. dviteeya anangapaal ne meharoli ke lauh stambh ki Delhi mein sthaapana ki.bijliyaaain shilaalekh ke anusaar beesaladev(vigraharaaj chaturth) ne sanvat 1208 (san 1151 io) mein tomaron ko hara kar Delhi par adhikaar kar liya. iske baad tainvar chauhaanon ke saamanton ke roop mein Delhi mein raajya karte rahe. pruthveeraaj chauhaan ki paraajaya ke baad Delhi par musalmaanon ka adhikaar hua.

Ferozshah tugalak ke samay gvaaliyr par tainvar gurjaro (tomar) ki ek doosari shaakha ne adhikaar kiya. isne yahaaain lagbhag 150 varsh tak raajya kiya. gvaaliyr ke gurjar tainvaron(tomaron) ne kala, saahitya aur sanskruti ke sarankshan ka paryaapt kaarya kiya hai.raaja Mansingh tomar (1486i.) gvaaliyr ka prataapi gurjar raaja tha jiske samay mein gvaaliyr ka vaibhav charam par tha.maanamandir mahal ,goojari mahal,Vikramjeet mahal hindu sthaapatya shaili ke anupam udaaharan hain.vaheen sangeet ki dhrupad gaayan shaili ka janmadaata bhi 'raaja Mansingh tomar ' hi tha.praacheen gvaaliyr sangeet mahaavidyaalaya ki neenv usi ke shaasanakaal mein rakhi gayi.taanasen, baijoobaavara, haridaas aadi ne yaheen shiksha praapt ki thi .

Delhi me tanvar/tomar ke pramukh gaaainv

  • chandan hol
  • asola
  • fatehapur beri
  • maandi
  • dere
  • bhaati maains
  • chhoti bhaati
  • baans

vartamaan mein tanvar

dehali mein tomaro ke patan ke baad tomar vibhinn dishaao mein fail gaye. ek shaakha ne uttari Rajasthan ke paatan mein jaakar apna raaj sthaapit kiya . Delhi, uttar pradesh aur Haryana mein jahaan tanvaro ka shaasan tha vahaaain aaj bhi tanvar badi sankhya mein milte hain. Delhi,Haryana aur faridaabaad kshetr mein badi sankhya mein tanvar gurjar milte hai

tanvar gotr

gooainjaro mein tomar hai. khataana goojar tomar hai.dakshini Delhi mein bhi tainvar goojaron ke gaaainv milte [4] harayaana ke ahiro mein bhi dayaar gotr milti hai jo apne ko tomar se nikla hua maanate hai.[5]

Delhi ke tanvar gurjar raaja

Delhi ke tanvarashaasak (736-1193 E)

  1. anagapaal tanvar gurjar pratham (736-754 E)-Delhi ke sansthaapak raaja the jinke anek naam milte hain jaise beelanadev, jaaool ityaadi.
  2. raaja vaasudev (754-773)
  3. raaja gangadev (773-794)
  4. raaja pruthveemal (794-814)-Bengal ke raaja dharm paal ke saath yuddh
  5. jayadev (814-834)
  6. raaja narapaal (834-849)
  7. raaja udayapaal (849-875)
  8. raaja aapruchhadev (875-897)
  9. raaja peepalaraajadev (897-919)
  10. raaj raghupaal (919-940)
  11. raaja tilhanapaal (940-961)
  12. raaja gopaal Dave (961-979)-inke samay saambhar ke raaja sihraaj aur lavanakheda ke tomar saamant salavan ke madhya yuddh hua jismein salavan maara gaya tatha uske pashchaat Delhi ke raaja gopaal Dave ne sinharaaj par aakraman karke unhein yuddh mein maara
  13. sulakshanapaal tomar (979-1005)-Mehmood gajanavi ke saath yuddh kiya
  14. jayapaaladev (1005-1021)-Mehmood gajanavi ke saath yuddh kiya, Mehmood ne thaaneshvasar or Mathura ko loota
  15. kumaarapaal (1021-1051)-masood ke saath yuddh kiya aur 1038 mein haaainsi ke gadh ka patan hua, paach varsh baad kumaarapaal ne haasi, thaaneshvasar ke saath saath kaangada bhi jeet liya
  16. anagapaal dviteeya (1051-1081)-laalakot ka nirmaan karavaaya aur loh stambh ki sthaapana ki, anangapaal dviteeya ne 27 mahal aur mandir banavaaye the.Delhi samraat anagapaal dviteeya ne turk ibaraaheem ko paraajit kiya
  17. tejapaal pratham(1081-1105)
  18. mahipaal(1105-1130)-mahilaapur basaaya aur Shiv mandir ka nirmaan karavaaya
  19. vijyapaal (1130-1151)-Mathura mein keshavadev ka mandir
  20. madanapaal(1151-1167)-madanapaal athva anangapaal truteeya ke samay Ajmer ke prataapi shaasak vigraharaaj chauhaan urf beesaladev ne Delhi raajya par apna adhikaar kar liya aur sandhi ke kaaran madanapaal ko hi Delhi ka shaasak bana rahane diya,madanapaal ne beesaladev ke saath milkar turkon ke hamalo ke viruddh yuddh kiya aur unhein maar bhagaaya,madalapaal tomar ne vigraharaaj chauhaan urf beesaladev ke shorya se prabhaavit hokar usase apni putri desaladevi ka vivaah kiya,pruthveeraaj raaso mein baad mein kisi ne kaalpanik kahaani jod di hai ki Delhi ke raaja anangapaal ne apni do putriyon ki shaadi ek kannauj ke jayachand ke saath aur doosari kamala devi ka vivaah pruthveeraaj chauhaan ke saath ki,jisse pruthveeraaj chauhaan ka janm hua,jabki sabse pramaanik granth pruthveeraaj vijay ke anusaar sachchaai ye hai ki pruthveeraaj chauhaan ki maata chedi raajya ki karpoori devi thi,aur pruthveeraaj chauhaan na to anangapaal tomar ka dhevata tha na hi jayachand usaka mausa tha,ye saari kahaani kaalpanik thi
  21. pruthveeraaj tomar(1167-1189)-Ajmer ke raaja someshvar aur pruthveeraaj chavhaan inke samakaaleen the
  22. chaahaadapaal/govindaraaj (1189-1192)-pruthveeraaj chauhaan ke saath milkar gori ke saath yuddh kiya,taraain dusare yuddh me maare gaye.pruthveeraaj raaso ke anusaar taraain ke pehle yuddh mein mauhammad Gauri aur govindaraaj tomar ka aamana saamana hua tha,jisme donon ghaayal hue the aur Gauri bhaag raha tha. bhaagte hue Gauri ko dheerasinh pundeer ne pakadakar bandi bana liya tha. jise udaarata dikhaate hue pruthveeraaj chauhaan ne chhod diya. haalaaainki Gauri ke muslim itihaasakaar is ghatna ko chhipaate hain
  23. tejapaal dviteeya (1192-1193 E)-Delhi ka antim tomar raaja , jinhonne svatantr 15 din tak shaasan kiya, aur kutubuddeen ne Delhi par aakraman kar hamesha ke liye Delhi par kabja kar liya.

sandarbh

  • dasharath sharma : Delhi ka tomar raajya, Rajasthan bhaarati, bhaag 3, ank 3, 4, pruo 1726;
  1. A. F. Rudolf Hoernle. Some Problems of Ancient Indian History. No. III: The Gurjara Clans(Concluded from p. 662, October, 1904)
  2. Susan Visvanathan, san (2013). Readings in Indian Sociology: Volume IX: Culture and Society. SAGE Publications India. pa॰ 168. aai॰aऍsa॰abee॰aऍna॰ 978-81-321-1879-4. https://books.google.co.in/books?id=ErOICwAAQBAJ&pg=PA168&dq=Tomar+clan+Of+gurjar&hl=en&sa=X&ved=0ahUKEwj_wfCok7HLAhXUA44KHeAFC_cQ6AEIGjAA.
  3. Rahul Khari (5 January 2007). Jats and Gujars: origin, history and culture. Reference Press. aai॰aऍsa॰abee॰aऍna॰ 978-81-8405-031-8. http://books.google.com/books?id=1lGgAAAAMAAJ. abhigman tithi: 28 September 2011. "In the contemporary Delhi, there are about 75 villages inhabited by the Gujars out of which 12 villages happened to be in Mehrauli where Gurjar belonging to Tomar clan dwell, who call themselves 'Tanwar'."
  4. http://www.southasiaarchive.com/Content/sarf.100009/223005
  5. https://archive.org/details/glossaryoftribes03rose