tirupati venkateshavar mandir

tirupati venkateshavar mandir
{{{varnan}}}

naam: tirupati venkateshavar mandir
nirmaan kaal :
vaastukala: kovil
sthaan: tirupati

13°a40′a59″aN 79°a20′a49″aE / 13.68306°aN 79.34694°aE / 13.68306; 79.34694

tirupati venkateshavar mandir tirupati me sthit ek prasiddh hindu mandir hai. tirupati Bhaarat ke sabse prasiddh teerthasthalon mein se ek hai. yeh Andhra pradesh ke chittoor jile mein sthit hai. prativrsh laakhon ki sankhya mein darshanaarthi yahaan aate hain. samudra tal se 3200 feet oonchaai par sthim tirumala ki pahaadiyon par bana shri vainkatesh‍aavar mandir yahaan ka sabse bada aakarshan hai. kai shataabdi poorv bana yeh mandir dakshin bhaarateeya vaastukala aur shilp kala ka adabhoot udaaharan hain.

tamil ke shuruaati saahitya mein se ek sangam saahitya mein tirupati ko triveingadam kaha gaya hai. tirupati ke itihaas ko lekar itihaasakaaron mein matabhed hain. lekin yeh spasht hai ki 5veen shataabdi tak yeh ek pramukh dhaarmik kendra ke roop mein sthaapit ho chuka tha. kaha jaata hai ki chol, hoyasal aur vijyanagar ke raajaaon ka aarthik rup se is mandir ke nirmaan mein khaas yogadaan tha.

anukram

anushrutiyaan

is mandir ke vishay mein ek anushruti is prakaar se hai. prabhu veinkateshvar ya Balaji ko Bhagwan vishnu ka avataar maana jaata hai. aisa maana jaata hai ki prabhu vishnu ne kuchh samay ke liye svaami pushkarani naamak taalaab ke kinaare nivaas kiya tha. yeh taalaab tirumaala ke paas sthit hai. tirumaala- tirupati ke chaaron or sthit pahaadiyaaain, sheshanaag ke saat fanon ke aadhaar par bani 'saptagir‍ai' kahalaati hain. shri veinkateshvaraiya ka yeh mandir saptagiri ki saataveen pahaadi par sthit hai, jo veinkataadri naam se prasiddh hai.

vaheen ek doosari anushruti ke anusaar, 11veen shataabdi mein sant raamaanuj ne tirupati ki is saataveen pahaadi par chadhaai ki thi. prabhu shreenivaas (veinkateshvar ka doosra naam) unke samaksh prakat hue aur unhein aasheervaad diya. aisa maana jaata hai ki prabhu ka aasheervaad praapt karne ke pashchaat ve 120 varsh ki aayu tak jeevit rahe aur jagah-jagah ghoomkar veinkateshvar Bhagwan ki khyaati failaai.

vaikunth ekaadashi ke avsar par log yahaaain par prabhu ke darshan ke liye aate hain, jahaaain par aane ke pashchaat unke sabhi paap dhul jaate hain. maanyata hai ki yahaaain aane ke pashchaat vyakti ko janm-mrutyu ke bandhan se mukti mil jaati hai.

itihaas

mandir ka mukhya pravesh dwaar- gopuram

maana jaata hai ki is mandir ka itihaas 9veen shataabdi se praarambh hota hai, jab kaaaincha‍aeepuram ke shaasak vansh pallavon ne is sthaan par apna aadhiptya sthaapit kiya tha, parantu 15 sadi ke vijyanagar vansh ke shaasan ke pashchaat bhi is mandir ki khyaati seemit rahi. 15 sadi ke pashchaat is mandir ki khyaati door-door tak failani shuroo ho gayi. 1843 se 1933 E. tak angrejon ke shaasan ke antargat is mandir ka prabandhan haateeraamaji math ke mahant ne sambhaala. 1933 mein is mandir ka prabandhan Madras sarkaar ne apne haath mein le liya aur ek svatantr prabandhan samiti 'tirumaala-tirupati' ke haath mein is mandir ka prabandhan saunp diya. Andhra Pradesh ke raajya banane ke pashchaat is samiti ka punargathan hua aur ek prashaasanik adhikaari ko Andhra Pradesh sarkaar ke pratinidhi ke roop mein niyukt kiya gaya.

varnan

svaami pushkarini sarovar

yahaan aane vaale pratyek vyakti ki sabse badi ichha Bhagwan vainkateshvar ke darshan karne ki hoti hai. bhakton ki lambi kataarein dekhkar sahaj ki is mandir ki prasiddhi ka anumaan lagaaya jaata hai. mukhya mandir ke alaava yahaan anya mandir bhi hain. tirumala aur tirupati ka bhaktimya vaataavaran man ko shraddha aur aastha se bhar deta hai.

mukhya mandir

shri veinkateshvar ka yeh pavitra va praacheen mandir parvat ki veinkataadri naamak saataveen choti par sthit hai, jo shri svaami pushkarani naamak taalaab ke kinaare sthit hai. isi kaaran yahaaain par Balaji ko Bhagwan veinkateshvar ke naam se jaana jaata hai. yeh Bhaarat ke un chuninda mandiron mein se ek hai, jiske pat sabhi dharmaanuyaayiyon ke liye khule hue hain. puraan va alvar ke lekh jaise praacheen saahitya sroton ke anusaar kala‍aiyug mein Bhagwan veinkateshvar ka aasheervaad praapt karne ke pashchaat hi mukti sambhav hai. pachaas hajaar se bhi adhik shraddhaalu is mandir mein pratidin darshan ke liye aate hain. in teerthayaatriyon ki dekharekh poornat: teeteedi ke sanrakshan mein hai.

shri vainkateshvar ka yeh praacheen mandir tirupati pahaad ki saataveen choti (vainkatachala) par sthit hai. yeh shri svaami pushkarini ke dakshini kinaare par sthit hai. maana jaata hai ki veinkat pahaadi ka svaami hone ke kaaran hi in‍aahein vainkatesh‍aavar kaha jaane laga. in‍aahein saat pahaadon ka Bhagwan bhi kaha jaata hai. mandir ke garbhagruh mein Bhagwan vainkateshchar ki pratima sthaapit hai. yeh mukhya mandir ke praangan mein hai. mandir parisar mein khoobsoorti se banaae gaye anek dwaar, mandapam aur chhote mandir hain. mandir parisar mein mukhsh darshaneeya sthal hain:padi kavali mahaadvaar sanpang pradakshinm, Krishna devarya mandapam, rang mandapam tirumala rai mandapam, aaina mahal, dhvajastanbh mandapam, nadimi padi kavili, vimaan pradakshinm, shri varadaraajasvaami shraain potu aadi.

kaha jaata hai ki is mandir ki utpatti vaishnav sanpradaaya se hui hai. yeh sanpradaaya samaanata aur prem ke siddhaant ko maanata hai. is mandir ki mahima ka varnan vibhinn dhaarmik granthon mein milta hai. maana jaata hai ki Bhagwan vainkatesh‍aavar ka darshan karne vaale harek vyakti ko unki vishesh krupa praapt hoti hai. haalaanki darshan karne vaale bhak‍aaton ke liye yahaan vibhin‍aan jagahon tatha bankon se ek vishesh‍aa parchi katati hai. isi parchi ke maadh‍aayam se aap yahaan Bhagwan vainkatesh‍aavar ke darshan kar sakte hai.

mandir ki chadhaai

tirumalaapar parvatamaala

paidal yaatriyon hetu pahaadi par chadhne ke liye tirumaala tirupati devasthaanam naamak ek vishesh maarg banaaya gaya hai. iske dvaara prabhu tak pahuainchane ki chaah ki poorti hoti hai. saath hi alipiri se tirumaala ke liye bhi ek maarg hai.

anya aakarshan

shri padmaavati samovar mandir

tiruchanoor (ise alamelumangapuram bhi kehte hain) tirupati se paanch kimi. door hai. yeh mandir Bhagwan veinkateshvar ki patni shri padmaavati ko samarpit hai. kaha jaata hai ki tirumala ki yaatra tab poori naheen ho sakti jab tak is mandir ke darshan naheen kiye jaate. maana jaata hai ki Bhagwan veinkateshvar vishnu ke avataar the aur padmaavati swayam lakshmi ki avataar thi. tirumala mein subah 10.30 baje se dopahar 12 baje tak kalyaanotsav manaaya jaata hai. yahaan darshan subah 6.30 baje se shuru ho jaata hain. shukravaar ko darshan subah 8baje ke baad shuru hota hain. tirupati se tiruchanoor ke beech dinbhar basein chalti hain.

shri govindaraajasvaami mandir

shri govindaraajasvaami Bhagwan Balaji ke bade bhaai hain. yeh mandir tirupati ka mukh‍aaya aakarshan hai. iska gopuram bahut hi bhavya hai jo door se hi dikhaai deta hai. is mandir ka nirmaan sant raamaanujaachaarya ne 1130 isavi mein ki thi. govindaraajasvaami mandir mein hone vaale utsav aur kaaryakram vainkateshvar mandir ke samaan hi hote hain. vaarshik bahmot‍aasav vaisaakh maas mein manaaya jaata hai. is mandir ke praangan mein sangrahaalaya aur chhote-chhote mandir hain jinmein bhi paarthasaarathi, godaadevi aandal aur pundarikaavalli ka mandir shaamil hai. mandir ki mukhya pratima shayanamoorti (Bhagwan ki nindraaleen avastha) hai. darshan ka samay hai- praat: 9.30 se dopahar 12.30, dopahar 1.00 baje se shaam 6 baje tak aur shaam 7.00 se raat 8.45 baje tak

shri kodandaraamasvami mandir

yeh mandir tirupati ke madhya mein sthit hai. yahaan seeta, Ram aur Lakshman ki pooja hoti hai. is mandir ka nirmaan chol raaja ne dasveen shataabdi mein karaaya tha. is mandir ke theek saamane anjaneyasvaami ka mandir hai jo shri kodaadanramasvaami mandir ka hi upamandir hai. ugadi aur shri raamanavami ka parv yahaan bade dhoomadhaam se manaaya jaata hai.

shri kapileshvarasvaami mandir

yeh tirupati ka ekamaatr Shiv mandir hai. yeh tirupati se teen kimi.door uttar mein tirumala ki pahaadiyon ke neeche sthit hai. yahaan par kapila teertham naamak pavitra jharana bhi hai. ise alavar teertham ke naam se bhi jaana jaata hai. yahaan mahaabahmot‍aasav, maha shivraatri, skhand shashti aur annabhishekam bade dhoomadhaam se manaaya jaata hain. varsha ritu mein jharane ke aaspaas ka vaataavaran bahut hi manoram hota hai. Kapil teertham jaane ke liye bas aur auto riksha yaataayaat ka mukhya saadhan hain.

shri kalyaan veinkateshvarasvaami mandir

yeh mandir tirupati se 12 kimi.pashchim mein shreenivaas mangaapuram mein sthit hai. pauraanik kathaaon ke anusaar shri padmaavati se shaadi ke baad tirumala jaane se pehle Bhagwan veinkateshvar yahaan thahare the. yahaan sthaapit Bhagwan veinkateshvar ki patthar ki vishaal pratima ko reshami vastron, aabhooshanon aur foolon se sajaaya gaya hai. vaarshik brahmot‍aasav aur saakshaatkaar vaibhavam yahaan dhoomadhaam se manaaya jaata hai.

shri kalyaan veinkateshvarasvaami mandir

yeh mandir tirupati se 40 kimi door, naaraayanavanam mein sthit hai. Bhagwan shri veinkateshvar aur raaja aakaash ki putri devi padmaavati yahi parinya sootr mein bandhe the. yahaan mukhya roop se shri kalyaan veinkateshvarasvaami ki pooja hoti hai. yahaan paanch upamandir bhi hain. shri devi padmaavati mandir, shri aandaal mandir, Bhagwan raamachandr ji ka mandir, shri rangaanaayakul mandir aur shri seeta Lakshman mandir. iske alava mukhya mandir se jude paanch anya mandir bhi hain. shri paraashareshvar svaami mandir, shri veerabhadr svaami mandir, shri shakti vinaayak svaami mandir, shri agasthishvar svaami mandir aur avanakshamma mandir. vaarshik brahmot‍aasav mukhya mandir shri veerabhadrasvaami mandir aur avanakshamma mandir mein manaaya jaata hai.

shri ved naaraayanasvaami mandir

nagalapuram ka yeh mandir tirupati se 70 kimi door hai. maana jaata hai ki Bhagwan vishnu ne mat‍aas‍aaya avataar lekar somakudu naamak raakshas ka yaheen par sanhaar kiya tha. mukhya garbhagruh mein vishnu ki matsya roop mein pratima s‍aathaapit hai jinke donon or shreedevi aur bhoodevi viraajamaan hain. Bhagwan dvaara dhaaran kiya hua sudarshan chakr sabse adhik aakarshak lagta hai. is mandir ka nirmaan vijyanagar ke raaja shri krushnadev rai ne karavaaya tha. yeh mandir vijyanagar ki vaastukala ke darshan karaata hai. mandir mein manaaya jaane wala mukhya utsav brahmotsav aur soorya pooja hai. yeh pooja faal‍aagun maas ki 12veen, 13veen aur 14veen tithi ko hoti hai. is dauraan soorya ki kiran praat: 6baje se 6.15 minute tak mukhya pratima par padti hain. aisa lagta hai maano soorya Dave swayam Bhagwan ki pooja kar rahe hon.

shri venugopaalasvaami mandir

yeh mandir tirupati se 58 kimi. door, kaaraveteenagaram mein sthit hai. yahaan mukhya roop se Bhagwan venugopaal ki pratima sthaapit hai. unke saath unki patniyaan shri rukmani ammavaru aur shri satsabhaama ammavaru ki bhi pratima s‍aathaapit hain. yahaan ek upamandir bhi hai.

shri prasanna vainkateshvarasvaami mandir

maana jaata hai ki shri padmaavati ammavaru se vivaah ke pashchaat shri vainkteshvarasvaami ammavaru ne yaheen, appalaayagunta par shri siddheshvar aur anya shish‍aayon ko aasheervaad diya tha. anjaneyasvaami ko samarpit is mandir ka nirmaan karaveteenagar ke raajaaon ne karavaaya tha. kaha jaata hai ki aanuvaanshik rogon se grast rogi agar yahaan aakar vaayudev ki pratima ke aage praarthana karein to Bhagwan jarur sunate hain. yahaan devi padmaavati aur shri andal ki moortiyaan bhi hain. saal mein ek baar brahmotsav manaaya jaata hai.

shri chennaakeshavasvaami mandir

tallapaka tirupati se 100 kimi. door hai. yeh shri annaamachaarya (sankeertan aachaarya) ka janmasthaan hai. annaamachaarya shri naaraayanasoori aur lakkaamaanba ke putr the. anooshruti ke anusaar kareeb 1000 varsh puraane is mandir ka nirmaan aur prabandhan matti raajaaon dvaara kiya gaya tha.

shri kariya manikyasvaami mandir

shri kariya manikyasvaami mandir (ise shri perumala svaami mandir bhi kehte hain) tirupati se 51 kimi. door neelagiri mein sthit hai. maana jaata hai ki yaheen par prabhu mahaavishnu ne makar ko maar kar gajeindr naamak haathi ko bachaaya tha. is ghatna ko mahaabhagavatam mein gajeindramoksham ke naam se pukaara gaya hai.

shri annapoorna-kaashi vishveshvarasvaami

kushasthali nadi ke kinaare bana yeh mandir tirupati se 56 kimi. ki doori par,bagga agraharam mein sthit hai. yahaan mukhya roop se shri kaashi vishveshvar, shri annapoorna ammavaru, shri kaamaakshi ammavaru aur shri devi bhoodevi samet shri prayaag maadhav svaami ki pooja hoti hai. mahaashivraatri aur kaartik somvaar ko yahaan vishesh‍aa aayojan kiya jaata hai.

svaami pushkarini

is pavitra jalakund ke paani ka prayog keval mandir ke kaamon ke liye hi kiya ja sakta hai. jaise Bhagwan ki pratima ke snaan ke liye, mandir ko saaf karne ke liye, mandir mein rahane vaale parivaaron (pandit, karmachaari) dvaara aadi. is paani ka upayog mukhya roop se yahaan aane vaale shraddhaaluon dvaara kiya jaata hai jo is kund ke pavitra paani mein dubaki lagaate hain. kund ka jal poori tarah svachh aur keetaanurahit hai. yahaan ise pun:chakrit kiye jaane vyavastha ki bhi v‍aayavas‍aatha ki gayi hai.

maana jaata hai ki vaikunth mein vishnu push‍aakarini kund mein hi s‍aanaan kiya karte the. isliye garud shri vainkateshvar ke liye ise dharati par lekar aae the. yeh jalakund mandir se sata hua hai. yeh bhi kaha jaata hai ki pushkarini mein snaan karne se vyakti ke saare paap dhul jaate hain aur bhakt ko sabhi sukh praapt hote hain. mandir mein pravesh karne se poorv bhakt yahaan dubaki lagaate hain. aisa karne se shareer va aatma donon pavitra ho jaate hain.

aakaashaganga jalaprapaat

aakaashaganga jalaprapaat tirumala mandir se teen kimi. uttar mein sthit hai. iski prasiddhi ka mukhya kaaran yeh hai ki isi jal se Bhagwan ko s‍aanaan karaaya jaata hai. pahaadi se niklata paani teji se neeche dhaati mein girta hai. baarish ke dinon mein yahaan ka drush‍aaya bahut ki manamohak lagta hai.

shri varaahasvaami mandir

tirumala ke uttar mein sthit shri varaahasvaami ka prasiddh mandir pushkirini ke kinaare sthit hai. yeh mandir Bhagwan vishnu ke avataar varaah svaami ko samarpit hai. aisa maana jaata hai ki tirumala mool roop se aadi varaah kshetr tha aur varaah svaami ki anumati ke baad hi Bhagwan vainkateshvar ne yahaan apna nivaas sthaan banaaya. brahm puraan ke anusaar naivedyam sabse pehle shri varaahasvaami ko chadhaana chaahiye aur shri vainkateshvar mandir jaane se pehle yahaan darshan karne chaahiye. atri samahit ke anusaar varaah avataar ki teen roopon mein pooja ki jaati hai: aadi varaah, pralaya varaah aur yajana varaah. tirumala ke shri varaahasvaami mandir mein inke aadi varaah roop mein darshan hote hain.

shri bedi anjaneyasvaami mandir

svaami pushkirini ke uttar poorv mein sthit yeh mandir shri varaahasvaami mandir ke theek saamane hai. yeh mandir hanumaan ji ko samarpit hai. yahaan sthaapit Bhagwan ki pratima ke haath praarthana ki avastha hain. Abhishek ravivaar ke din hota hai aur yahaan hanumaan jayanti bade dhoomadhaam se manaai jaati hai.

teeteedi garden

is garden ka kul kshetrafal 460 ekad hai. tirumala aur tirupati ke aas-paas bane in khoobsoorat bageechon se tirumala ke mandiron ke sabhi jaruraton ko pura kiya jaata hai. in foolon ka prayog Bhagwan aur mandap ko sajaane, pandaal nirmaan mein kiya jaata hai.

dhyaan mandirm

mool roop se yeh shri vainkateshvar sangrahaalaya tha. jiski sthaapana 1980 mein ki gayi thi. patthar aur lakdi ki bani vastuen, pooja saamagri, paaramparik kala aur vaastushilp se sambandhit vas‍aatuon ka pradarshan kiya gaya hai.


khaanapaan

tirumala mein

nitya anna daana hall (mandir se ek kimi door, shopping complex ke paas) mein shaakaahaari khaana, chatani, chaaval, saanbhar, rasam ni:shulk milta hai. rojaana 25 hajaar log yahaan khaana khaate hain. dakshin bhaarateeya bhojan ke liye saptagiri vudalainds restaurant (saptagiri gestahaaus ke paas) ek achha vikalp hai. saste khaane ke liye aap svaameepushkarni teerth ke paas sthit dhaabon ka maja le sakte hai. tirumala ke sabhi restoreints mein khaane ki keemat teeteedi dvaara nirdhaarit ki jaati hai.

tirupati mein

raami gestalaain hotel ke restaurant mein shaakaahaari aur maansaahaari donon prakaar ka bhojan milta hai. tirupati railway station ke paas self service upalabdh karaane wala deepam food plaaja mein badi sankhya mein yaatri aate hain. yahaan safaai ka khaas dhyaan rakha jaata hai. epeeteedeesi dvaara sanchaalit punnami restaurant mein sasta, svaadisht aur s‍aavach‍aachh bhojan milta hai.

khareedaari

tirupati mein chandan ki lakdi se banaai gayi Bhagwan veinkateshvar aur padmaavati ki moortiyaan prasiddh hain. yahaan par vaise kalaakaar bhi hai jisse aap chaaval ke daanon par apna naam likhva sakte hai. yeh vaastav mein ek anokhi cheej hai jise yaadagaar ke taur par apne paas rakha ja sakta hai. Andhra pradesh sarkaar ke lipaakshi inporiym mein paaramparik hastashilp aur vastron ki bunaai ke vibhinn roop dekhne ko milte hain. mandir mein Bhagwan vainkateshvar ki tasveer vaale sone se sikke bhi beche jaate hain.

keshadaan

iske antargat shraddhaalu prabhu ko apne kesh samarpit karte hain jisse abhipraaya hai ki ve keshon ke saath apna danbh va ghamand ishvar ko samarpit karte hain. puraane samay mein yeh sanskaar gharon mein hi naai ke dvaara sampann kiya jaata tha, par samay ke saath-saath is sanskaar ka bhi keindreekaran ho gaya aur mandir ke paas sthit 'kalyaan katta' naamak sthaan par yeh saamoohik roop se sampann kiya jaane laga. ab sabhi naai is sthaan par hi baithate hain. keshadaan ke pashchaat yaheen par snaan karte hain aur fir pushkarini mein snaan ke pashchaat mandir mein darshan karne ke liye jaate hain.

sarvadarshanam

sarvadarshanam se abhipraaya hai 'sabhi ke liye darshan'. sarvadarshanam ke liye pravesh dwaar vaikuntham kaampleks hai. vartamaan mein ticket lene ke liye yahaaain kampyootareekrut vyavastha hai. yahaaain par ni:shulk va sashulk darshan ki bhi vyavastha hai. saath hi viklaang logon ke liye 'mahaadvaaram' naamak mukhya dwaar se pravesh ki vyavastha hai, jahaaain par unki sahaayata ke liye sahaayak bhi hote hain.

prasaadam

aadivaaraah mandir

yahaaain par prasaad ke roop mein ann prasaad ki vyavastha hai jiske antargat charanaamrut, meethi pongal, dahi-chaaval jaise prasaad teerthayaatriyon ko darshan ke pashchaat diya jaata hai.

laddoo

panayaaram yaani laddoo mandir ke baahar beche jaate hain, jo yahaaain par prabhu ke prasaad roop mein chadhaane ke liye khareede jaate hain. inhein khareedne ke liye panktiyon mein lagkar tokan lena padta hai. shraddhaalu darshan ke uparaant laddoo mandir parisar ke baahar se khareed sakte hain.

utsav

chitr:Tirumala.jpg
brahmotsav ke samay raatri mein mandir parisar ka jagamagaata drushya

brahmotsav

tirupati ka sabse pramukh parv 'brahmotsavam' hai jise moolat: prasannata ka parv maana jaata hai. nau dinon tak chalne wala yeh parv saal mein ek baar tab manaaya jaata hai, jab kanya raashi mein soorya ka aagaman hota hai (September, October). iske saath hi yahaaain par manaae jaane vaale anya parv hain - vasantotsav, tapotsav, pavitrotsav, adhikaamaasam aadi.

vivaah sanskaar

yahaaain par ek 'purohit sangham' hai, jahaaain par vibhinn sanskaaron auऱ rivaajon ko sampann kiya jaata hai. ismein se pramukh sanskaar vivaah sanskaar, naamakaran sanskaar, upanayan sanskaar aadi sampann kiye jaate hain. yahaaain par sabhi sanskaar uttar va dakshin Bhaarat ke sabhi rivaajon ke anusaar sampann kiye jaate hain.

rahane ki vyavastha

tirumaala mein mandir ke aaspaas rahane ki kaafi achhi vyavastha hai. vibhinn shreniyon ke hotel va dharmashaala yaatriyon ki suvidha ko dhyaan mein rakhakar banaae gaye hain. inki pehle se booking teeteedi ke keindreeya kaaryaalaya se karaai ja sakti hai. saamaanyat: poorv booking ke liye agrim dhanaraashi ke saath ek patra va sau rupae ka ek draft yahaaain par bhejana padta hai.

bhaasha

yahaan ke log mukhyat:telugu bolte hain. lekin hindi, tamil kannad aur angreji samajhne vaale logon ki bhi badi sankhya hain.

taapamaan

garmiyon mein adhiktam 43 di. aur nyoonatam 22 di., sardiyon mein adhiktam 32 di. aur nyoonatam 14 di. taapamaan rahata hai.

mausam

tirupati mein aamtaur par varshabhar garmi hoti hai. tirumala ki pahaadiyon mein vaataavaran thanda hota hai.

aavaagaman

havaai maarg

yahaan se niktatam havaai adda tirupati hai. Indian airlines ki Hyderabad, Delhi aur tirupati ke beech pratidin seedhi udaan upalab‍aadh hai. tirupati par ek chhota-sa havaai adda bhi hai, jahaaain par mangalvaar aur shanivaar ko Hyderabad se flight mil sakti hai. tatpashchaat epeeesaaarateesi ki bas seva bhi upalabdh hai jo parisar tak pahuainchaane mein kevala20 minute leti hai.

rel maarg

yahaan se sabse paas ka railway jankshan tirupati hai. yahaan se Bangalore, chennai aur Hyderabad ke liye har samay train upalab‍aadh hai. tirupati ke paas ke shahar renigunta aur gutoonr tak bhi train chalti hai.

sadak maarg

raajya ke vibhinn bhaagon se tirupati aur tirumala ke liye epeeesaaarateesi ki basein niyamit roop se chalti hain. teeteedi bhi tirupati aur tirumala ke beech ni:shulk bas seva upalabdh karaati hai. yahaan ke liye taxi bhi milti hai.

bhraman samay

yahaan aane ka sahi samay September se February ke beech hai.

vainkateshvar mandir ki shrankhala

Bhaarat mein

  • kurukshetr ( harayaana )
  • deharaadoon (uttaraakhand )
  • chennai (Tamil Nadu )
  • nai Delhi [1]

videsh mein

  • ohiyo (you 0 S 0 )[2]

sandarbh

baahari kadiyaaain