tirumantram

tirumantram shaiv stotr granth hai jiskeke rachiyta shaiv sant tirumoolar the.

parichay

shaiv bhaktisaahitya do bhaagon mein vibhaajit kiya ja sakta hai : 'stotr granth aur 'shaastr granth'. shaiv santon dvaara rachit bhakti saahitya ko 'stotr granth' kehte hain. inki sankhya 12 hai. shaiv dharm ke daarshanik aachaaryo dvaara rache gaye granth 'shaastr granth' kahalaate hain. in shaastr granthon mein aatma, paramaatma, panchabhooton tatha karm aadi ka vivechan kiya gaya hai. stotr granthon ko shaiv tirumurai bhi kehte hai. teraaram‌, tiruvaachaagam‌ tirumangam‌ aadi tirumure ke antargat aate hai. is lekh mein tirumantram‌ ka parichay diya ja raha hai.

tirumantram‌ ke rachiyta shaiv sant tirumoolar the. inhonne is granth mein 3000 padya likhe hain. samast granth nau tantron mein vibhaajit hain. granth ka pramukh vishay bhakti hai. kintu ismein bhakti ke saath saath daarshanik tatvon ka bhi vishd vishleshan kiya gaya hai. tamil ki suprasiddh bhakt kavayitri auvayaar ne tirukkular, tevaaram‌ aur tiruvaachagam‌ ke varg mein tirumoolar ke tirumantram‌ ko bhi mahatvapoorn sthaan diya hai. shaiv siddhaanton ki drushti se is chaaron granthon mein ekavaakyata pai jaati hai.

tirumoolar ne prem aur bhagavaan‌ ko ek hi tatv maana hai. Shiv or shakti ko ve bhinn naheen maanate. ve shakti ko Shiv ka anugrah maanate hai. shaiv siddhaanton ke anusaar mool tatv teen hain - pati, pashu or paash. inheen ka doosra naam paramaatma, jeevaatma aur prakruti hai. ye teenon tatv satogun, rajogun aur tamogun ke kramash: prateek hain. akshar, pad, mantra, kala, tatv aur bhuvan in chh: padaartho mein sant tirumoolar ne param Shiv ko vyaapak maana hai. tirumoolar ne bhagavaan‌ ko ravi, som, mangal, budh, shukr, shani aadi jyetishk pindo ke ativrti ke roop mein varnan kiya hai. ve Shiv ko shreshthatam upaasya Dave maanate hain. unhone logon ko ved ke maarg se chalne ki prerana di hai.

tirumoolar ke pratham tantr mein bhakt ke liye aavashyak sheel ki vyaakhya gayi hai. dviteeya tantr mein agantiyr ka dakshinpath mein aagaman aur Shiv ke veerataapoorn krutyon ka varnan hai. pralaya sambandhi kathaaon, srushti, paalan, sanhaar, tirodhaan aur anugrah in paaainch krutyon tatha Shiv aur shakti ki leelaaon ka varnan bhi isi tantr mein hai. truteeya tantr mein ashtaang yog aur uske abhyaas ki vyaakhya hai. chaturth tantr mein hathayog ke saadhanon ka vivechan hai. pancham tantr mein charya, kriya, yog aur gyaan naamak chaar bhaagon ka varnan hai. shashth tantr mein Shiv guru darshan ki mahima ka varnan hai, guru aur Shiv ko ek hi bataaya gaya hai. saptam tantr mein andaling, rpidling, sadaashiv ling, aatmaling, jnyaaanaling aur shivling ke chh: aadhaaron ka kathan hai. dharmaacharan, shivopaasana, santamahima, yogamudra aadi ka vivran bhi isi tantr mein hain. ashtam tantr mein shareerarachana, Shiv mein leen hone ke liye shareer tyaag karne ki paddhati, pati, pashu aur paash ki vyaakhya aadi ka vivechan hai. navam aur antim tantr mein guru, gurumath, gurudarshan shivaanand nrutya, chidanbar nrutya, aashcharya nrutya, jnyaaanodaya, shivdarshan aur samaadhidsha aadi ka vistrut vivechan hai.

tirumantram‌ ka aadar Tamil Nadu mein upanishdon ke samaan hi hota raha hai aur ab bhi hota hai.

inhein bhi dekhein

baahari kadiyaaain