tirhut pramandal

Bihar mein ganga ke uttari bhaag ko tirhut kshetr kaha jaata tha. ise turk-Afghan kaal mein svatantr prashaasanik ikaai banaaya gaya. kisi samay mein yeh kshetr Bengal raajya ke antargat tha. san 1875 mein yeh Bengal se alag hokar mujaffarapur aur darabhanga naamak do jilon mein baint gaya. ye donon jile ab Bihar raajya ke antargat hai. vaise ab tirhut naam ka koi sthaan naheen hai, lekin mujaffarapur aur darabhanga jilon ko hi kabhi kabhi tirhut naam se vyakt kiya jaata hai.

britis Bhaarat mein san 1908 mein jaari ek aadesh ke tahat tirhut ko Patna se alag kar pramandal banaaya gaya.


tirhut Bihar raajya ke 9 pramandalon mein savase bada hai. iske antargat 6 jile aate hain:

parichay

Bhaarat mein gandak tatha ganga nadiyon se ghira Bihar ka uttari maidaani hissa tirhut kahalaata hai. iske antargat pashchimi champaaran, poorvi champaaran, mujaffarapur, seetaamadhi, shivhar tatha vaishaali jila shaamil hai. tirhut shabd teerabhukti arthaat nadi ka kinaara se vyutpann hai. ateet mein raajarshi janak dvaara shaasit videh pradesh jismein himaalaya ki taraai mein poorvi Nepal se lekar ganga ke uttar ka saara maidaani bhaag shaamil tha, tirhut kahalaaya. baad mein vaishaali mahaajanapad yahaaain ke gauravashaali itihaas mein jud gaya. jain dharm ke teerthankar Bhagwan mahaaveer tatha bauddh dharm ke sansthaapak mahaatma buddh ki charanadhooli se yeh bhoomi aapt hai.

ganga, gandak tatha koshi nadiyon se ghira saghan aabaadi wala maidaani hissa san 1856 tak Bengal praant mein Bhaagalpur pramandal ka ang tha. santhaal vidroh ke pashchaat tirhut ko Patna pramandal mein mila diya gaya. 1875 mein darabhanga ko tirhut se alag kar svatantr jila bana diya gaya. 19 veen sadi ke uttaraarddh mein is kshetr mein akaal padane ke baad Bengal ke lieutenant Governor sar endroo frejar ko tirhut ko alag prashaasanik ikaai banaane ki aavashyakta mahasoos hui. January 1908 mein Bhaarat ke tatkaalin Governor jenaral ki manjoori milne ke pashchaat tirhut pramandal bana jismein saaran, champaaran, mujaffarapur tatha darabhanga jilon ko rakhate hue mujaffarapur ko mukhyaalaya banaaya gaya.
vartamaan mein tirhut pramandal Bhaarat mein sabse jyaada janasankhya ghanatv wala kshetr hai. lagbhag samoocha bhaugolik kshetr maidaani hai jismein himaalaya se utarakar ganga mein milne waali nadiyon ka jaal bichha hai. jameen kaafi upajaaoo hai isliye sheetoshn katibandh mein ugane vaale lagbhag sabhi fasal yahaaain upajaae jaate hai. aam, leechi, kela tatha shahad ke utpaadan mein tirhut ka sthaan adviteeya hai. udyogon ka naganya vikaash tatha rojagaar ke seemit avsar ke chalte yahaaain se desh ke anya hisson man kaam ke liye logon ka palaayan dar adhik hai. nimn aarthik star ke baavajood yeh kshetr bauddhik drushtkon se jaagrat tatha saanskrutik rup se chetan hai.