tata samooh

Tata Group
prakaar Private
udmog Conglomerate
sthaapana 1868
sansthaapak Jamsetji Tata
mukhyaalaya Bombay House
Mumbai, India
kshetr Worldwide
pramukh vyakti Ratan Tata
(Chairman)[1]
utpaad Steel
Automobiles
Telecommunications
Software
Hotels
Consumer goods
raajasv US$ 67.4 billion (2009-10)[2]
kul sampatti Green Arrow Up Darker.svg US$ 52.8 billion (2009-10)
karmachaari 396,517 (2009-10)
sahaayak kanpaniyaaain Tata Steel
Tata Steel Europe
Tata Motors
Tata Consultancy Services
Tata Technologies
Tata Tea
Titan Industries
Tata Power
Tata Communications
Tata Teleservices
Tata AutoComp Systems Limited
Taj Hotels
website Tata.com

tata samooh ek niji vyavasaayik samooh hai jiska mukhyaalaya Mumbai mein sthit hai. vartamaan mein iske adhyaksh msaayaras mistri hain tata samuh ke cheyaramen ratan tata ne 28 December 2012 ko Cyrus mistri ko tata samooh ka uttaraadhikaari niyukt kiya. ratan tata pichhle 50 saalon se tata samooh se jude hain ve 21 saalon tak tata samooh ke adhyaksh rahe. ratan tata ne J aar di tata ke baad 1991 mein kaaryabhaar sambhaala. tata parivaar ka ek sadasya hi hamesha tata samooh ka adhyaksh raha hai. iska kaaryakshetr anek vyavasaayon va vyavasaaya se sambandhit sevaaon ke kshetr mein faila hua hai - jaise injiniyrang (engineering), soochana praudyogiki (information technology), sanchaar (communications), aatomobaail (automotive), raasaayanik udyog (chemicals), oorja (energy), saaftaveyar, hotel, ispaat (steel) evam upabhokta saamagri.

tata samooh ki safalta ko iske aankade bakhoobi bayaan karte hain. 2005-06 mein iski kul aay $967229 million thi. ye samast Bhaarat ki GDP ke 2.8 % ke baraabar hai. 2004 ke aankadon ke anusaar tata samooh mein kareeb 2 lakh 46 hajaar log kaam karte hain. market capitalization ka aankada $57.6 billion ko chhoota hai. tata samooh ki kul 96 companiyaan 7 alag alag vyavasaayik kshetron mein sakriya hain. in 96 mein se keval 28 publicly listed kampaniyaaain hain. tata samooh 6 mahaadveepon ke 40 se bhi adhik deshon mein sakriya hai. tata samooh duniya ke 140 se bhi adhik deshon ko utpaad va sevaaeain niryaat karta hai. iske kareeb 65.8% bhaag par tata ke Charitable Trust ka maalikaana hak hai.

tisko (TISCO), jise ab tata steel (Tata steel) ke naam se jaana jaata hai, ki sthaapana 1907 mein Bhaarat ke pehle loha va ispaat kaarkhaane ke taur par hui thi. iski sthaapana Jamshedpur mein hui thi jise log tata nagar bhi pukaarate hain. ispaat (steel) va lohe ka asal utpaadan 1912 mein shuroo hua. yeh duniya mein sabse kifaayati daron par ispaat ka nirmaan karta hai. iska mukhya kaaran hai ki samooh ki hi ek anya company ise kachcha maal, jaise koyala aur loha aadi, upalabdh karaati hai. 1910 mein tata jalavidyut shakti aapoorti company (Tata Hydro-Electric Power Supply Company) ki sthaapana hui. 1917 mein tata aayal mils (Tata Oil Mill) ki sthaapana ke saath hi samooh ne ghareloo vastuyon ke kshetr mein kadam rakha aur saabun, kapade dhone ke saabun, ditrjeints (detergents), khaana pakaane ke tel aadi ka nirmaan shuroo kiya. 1932 mein tata airlines (Tata Airlines) ki shuruaat hui. tata chemicals (Tata Chemicals) ka aagaman 1939 mein hua. telko (TELCO), jise ab tata motors (TataMotors) ke naam se jaana jaata hai, ne 1945 mein rel injanon aur anya masheeni utpaadon ka nirmaan shuroo kiya.

January 2007 ka maheena tata samooh ke itihaas mein sunahare aksharon mein darj kiya jaaega. tata steel ne United kingadam (UK) mein sthit koras samooh (Corus Group) ki safal boli laga kar use haasil kiya. koras samooh duniya ki sabse badi loha va ispaat nirmaan company hai. boli ke apratyaashit 9 daur chale jiske ant mein tata samooh ne koras ka 100 prati shat hissa 608 pound prati share (nakad) ke hisaab se kul 12. 04 billion dollar mein khareedne mein safalta pai. yeh kisi bhi bhaarateeya company ke dvaara kiya gaya sabse bada adhigrahan hai.

tata power Bhaarat mein niji kshetr ki sabse badi companyon mein se ek hai. yeh Mumbai evam Delhi ke kuchh hisson ko bijli pradaan karti hai. tata chemicals aur tata pigments (Tata Pigments) ka bhi apne apne kshetron mein kaafi naam hai. seva kshetr mein bhi tata samooh ki kai companiyaan hotel, beema va jeevan beema udyog mein sakriya hain. tata samooh prabandhan va aarthik salaahakaar sevaaon mein bhi kaafi safal saabit hua hai. sheyaron va nivesh ki duniya mein bhi tata ka khaasa naam hai. jahaaain tak shiksha ka savaal hai, to is ke liye to keval tata maikgra (Tata Mcgraw) ka naam lene maatr se hi is kshetr mein tata samooh ki safalta ko bayaan kiya ja sakta hai. par tata ka shiksha se judaav keval is mashahoor prakaashan company tak hi seemit nahi hai. anek sarkaari sansthaanon va companyon ki sharuaat tata dvaara hi ki gayi, jaise - bhaarateeya vijnyaaana sansthaan (Indian Institute of Science), tata moolabhoot anusandhaan kendra (Tata Institute of Fundamental Research), tata samaaj vigyaan sansthaan (Tata Institute of Social Sciences) aur tata oorja anusandhaan sansthaan (Tata Energy Research Institute). yahaaain tak ki Bhaarat ki aadhikaarik vimaan seva air indiya ka bhi janm tata airlines ke roop mein hua tha. iske alaava tata mainejament training sentar, Pune aur national sentar faar parfaarming Arts bhi aise sansthaan hain jinka shreya tata samooh ko diya jaana chaahiye.

tata ka naam chai mein tata chai (Tata Tea) aur ghadiyon mein taaitan (Titan) se juda hai. Tata Trent (Westside) aur tata skaaya (Tata Sky) bhi apne apne kshetron ke aise naam hain jo tata samooh ka hi hissa hain.

soochana va sanchaar ke kshetr mein bhi tata ka naam INCAT, Nelco, Nelito Systems, TCS aur Tata Elxsi se juda hai. iske alaava saaftaveyar banaane waali bhi companiyaan hain jo tata ka hissa hain- jaise - tata intaraiktiv sistams (Tata Interactive Systems), tata infotek (Tata Infotech), tata tateknaalojeej li (Tata Technologies Ltd), tata teleesarvises, taataanet (Tatanet) aadi. tata ne 2005 mein baramooda se sanchaalit kanediyn company teleeglob (Teleglobe) se bhaarateeya doorasanchaar kshetr ki vishaal company videsh sanchaar nigam limited (VSNL) ko haasil kiya.

tata samooh ka uddeshya samajhadaari, jimmedaari, ekta aur behatareen kaam se samaaj mein jeevan ke star ko uncha uthaana hai. tata samooh (Tata Group) ke naam se jaane jaane vaale is parivaar ka har sadasya in moolyon ka anusaran karta hai. Bhaarat ke shiksha, vigyaan aur takaneeki kshetr mein tata ka yogadaan ati mahatvapoorn hai. iske baare mein vistaar se likha ja chuka hai aur lagbhag har bhaarateeya is baat ka sammaan karta hai. tata ka neele rang ka chinh (Logo) nirantar pravaah ki aur to ishaara karta hi hai, yeh kalp-taru ya bodhi vruksh (Tree of Knowledge) ka bhi prateek hai. ise ek aisa vruksh bhi maana ja sakta hai jiske neeche har koi sharan pa sakta hai, sakoon pa sakta hai.

anukram

tata parivaar ka videshon mein prasaar

  • March 2008 tata motors ne Ford se jaiguaar aur land rovar ko khreeda.
  • January 20007 tata steel ne koras steel ko khreeda.
  • June 2006 Amreeki company 8 oklauk kaufi company ka kreeb 1000 karod rupae mein adhigrahan kiya.
  • August 2006 Amreeki company glesau (urja company) ke 30 pratishat share khareede
  • July 2005 teleeglob international ko 23.9 karod dollar mein adhigrahit kiya.
  • October 2005 tata ti ne teen karod 20 lakh dollar mein gud arth kraap ka adhigrahan kiya.
  • October 2005 Britain ke aaienaseeeti international ko 411 karod rupae mein khareeda.
  • October 2005 Sydney sthit company efaenaes ko adhigrahit kiya.
  • November 2005 bijnes proses aautasorsing company komeekaurn ko kreeb 108 karod mein khareeda.
  • December 2005 Thailand ki mileniym steel ka adhigrahan 1800 karod rupae mein kiya.
  • December 2005 Britain ki broonar mond group ke 63.5 pratishat share 508 karod rupae mein liye.
  • March 2004 Koreai company devoo kamarshiyl vehikls ka 459 karod rupae mein adhigrahan kiya.
  • August 2004 Singapore ki naitasteel ko 1300 karod rupae mein khareeda.
  • February 2000 1870 karod rupae mein Britain ki tetali ti ko khareeda[3].

srot

yeh bhi dekhein

baahari kadiyaaain