taral yaantriki

taral yaantriki (angreji:Fluid Mechanics) taral padaartho ke svabhaav evam gati ke siddhaanton ko samajhaane waali yaantriki ki ek shaakha hai. taral, drav ya gas ho sakte hain aur unamein seemit maatra mein thos ke mile ya ghule rahane par bhi in siddhaanton ka prayog kiya ja sakta hai. taral padaarth bhi nyootan ke gati niyamon ka anusaran karte hain, par aakaar aasaani se badal jaane ke svabhaav ke kaaran inke gati niyamon ko vishesh roop diya jaata hai. neviyr-stoks sameekaran taral yaantriki ke sameekaranon ka sabse vistrut roop hai. taral yaantriki vaayavya, yaantriki, civil tatha raasaayanik yantaaon dvaara mukhya roop se prayukt hota hai.

jatil taral gatik prashnon ke hal ke liye sanganit taral yaantriki ka prayog kiya jaata hai.

taralayaantriki ganit ki vah shaakha hai, jismein (sthir athva pravahayukt) taralon ke vyavahaar ka adhyayan hota hai. yadi taral gatiheen hai to is adhyayan ko dravasthiti vigyaan (Hydrostatics) kehte hain aur yadi taral gatiyukt hai to use [[taral gatiki|dravagati vigyaan) (Hydrodynamics) kehte hain. donon upashaakhaaon mein maan liya jaata hai ki drav satat padaarth hai aur visran tatha prushthatanaav upekshaneeya hain. dravagati vigyaan mein saamaanyat: drav ka ghanatv achar maan liya jaata hai, kintu jab vipul dravapunj ki athva atyat drutagaami drav ki baat ho to ghanatv ki yeh maanyata anaupachaarik ho jaati hai.

pehle taral-yaantriki ke antargat gas-punj ki bhi santulanaavastha athva usaki gati ka adhyayan hota tha, kintu ab yeh vaayugativijnyaaan (erodaayanemiks) naam se alag vishay ki ban gaya hai.

taral yaantriki ke vividh upayog

inhein bhi dekhein