tanjaavur

tanjaavur tanjaur
city
Thanjavur 02.jpg
samay mandal: IST (UTC+5:30)
desh Flag of India.svg Bhaarat
raajya tamil naadu
jila tanjaavur
Municipal Chairperson Thenmozhi Jayabalan[1]
janasankhya
ghanatv
215,725 (2001 tak )
• 7,700 /kimi2 (19,943 /varg meal)
kshetrafal
ooainchaai (AMSL)
36 km² (14 sq mi)
• 2 meter (7 fee॰)

Erioll world.svgnirdeshaank: 10°a48′aN 79°a09′aE / 10.8°aN 79.15°aE / 10.8; 79.15 Tamil Nadu ke poorvi tat par sthit tanjaavur ya tanjaur aitihaasik shahar hai. kaaveri ke upajaaoo delta kshetr mein hone ke kaaran ise dakshin mein chaaval ka katora ke naam se bhi jaana jaata hain. 850 E. mein chol vansh ne mutharayaar pramukhon ko paraajit karke tanjaavar par adhikaar kiya aur ise apne raajya ki rajdhani banaaya. chol vansh ne 400 varsh se bhi adhik samay tak Tamil Nadu par raaj kiya. is dauraan tanjaavur ne bahut unnati ki. iske baad naayak aur maraathon ne yahaan shaasan kiya. ve kala aur sanskruti ke prashansak the. kala ke prati unka lagaav ko unke dvaara banvaai gayi ut‍aakrush‍aat imaaraton se saaf jhalakata hai.

anukram

mukhya aakarshan

bruhadeeshvar mandir

bruhadeshvar mandir

is mandir ka nirmaan mahaan chol raaja raajaraaj chol ne karavaaya tha. yeh mandir bhaarateeya shilp aur vaastu kala ka adabhoot udaaharan hai. mandir ke do taraf khaai hai aur ek or anaaikat nadi bahti hai. anya mandiron se alag is mandir mein garbhagruh ke oopar badi meenaar hai jo 216 foot oonchi hai. meenaar ke oopar kaanse ka stoop hai. mandir ki deevaaron par chol aur naayak kaal ke chitr bane hain jo ajanta ki gufaaon ki yaad dilaate hain. mandir ke andar nandi bail ki vishaalakaaya pratima hai. yeh moorti 12 feet oonchi hai aur iska vajan 25 tan hai. naayak shaasakon ne nandi ko dhoop aur baarish se bachaane ke liye mandap ka nirmaan karaaya tha. mandir mein mukhya roop se teen utsav manaae jaate hain- masi maah (February-March) mein shivraatri, purattasi (September-October) mein navaraatri aur aipassi (November-December) mein raajaraajan utsav. is jile mein kai shahar viksit hue hain, jinmein tanjaavur, kunbakonam aur naagaapattim bade shahar hain.

sarasvati mahal pustakaalaya

is pustakaalaya mein paandulipiyon ka mahatvapoorn sangrah hai. iski sthaapana 1700 isavi ke aas-paas ki gayi thi. is sangrahaalaya mein bhaarateeya aur yooropeeyan bhaashaaon mein likhi hui 44000 se jyaada taamrapatr aur kaagaj ki paandulipiyaan dekhne ko milti hain. inmein se 80 pratishat se adhik paandulipiyaan sanskrut mein likhi hui hain. kuchh paandulipiyaan to bahut hi durlabh hain. inmein tamil mein likhi aushadhi vigyaan ki paandulipiyaan bhi shaamil hain.

mahal

sundar aur bhavya imaaraton ki is shrrunkhala mein se kuchh ka nirmaan naayak vansh ne 1550 E. ke aaspaas karaaya tha aur kuchh ka nirmaan maraathon ne karaaya tha. dakshin mein aath manjila gudaapuram hai jo 190 feet ooncha hai. iska prayog aaspaas ki gatividhiyon par najar rakhane ke liye kiya jaata tha. gudaapuram ke aage mahal ki chhat par madaamalagaai naamak imaarat banaai gayi thi jo chh: manjila hai.

svaartj church

svaartj church ya kraaist church tanjaur mein aupaniveshik shaasan ki yaad dilaata hai. yeh shivganga kund ke poorv mein sthit hai. iski sthaapana ravareind fraidarik krishchiyn svaartj ne 1779 mein ki thi. 1798 mein unki mrutyu ke pashchaat maraatha samraat safaroji ne unki yaad mein church ke pashchimi chhor par sangamaramar ka shilaakhand lagavaaya tha.

royal sangrahaalaya

tanjaavur Tamil Nadu ka ek pramukh saanskrutik kendra raha hai. is sangrahaalaya mein pallav, chol, pandya aur naayak kaaleen paashaan pratimaaon ka sangrah hai. ek anya deergha mein tanjaur ki glaas peintings pradarshit ki gayi hain. lakdi par banaai gayi in tasveeron mein rang-sanyojan dekhte hi banta hai. yeh sangrahaalaya apne kaansya shilp ke sangrah ke liye prasiddh hai.

shivganga kila

is kile ka nirmaan naayak shaasak sevappa naayak ne 16veen shataabdi ke madhya mein karavaaya tha. 35 ekad mein bane is kile ki deevaarein patthar ki bani hain jo sambhavat: aakramanakaariyon se bachane ke liye banaai gayi theen. kile mein sthit vargaakaar shivganga kund shahar mein peene ke paani ki aapoorti ke liye banaaya gaya tha. is kile mein brahadeeshvarar mandir, svaartj church aur saarvajanik manoranjan park bhi hai.

niktavarti darshaneeya sthal

sikkal singaravelavar mandir

yeh mandir tanjaavur se 80 kimi. door naagaapattanam tiruvaroor mukhya maarg par sthit hai. maana jaata hai ki Bhagwan murugan ne yaheen par paarvati se shakti vel praapt kiya tha aur sooran ka vadh kiya tha. yeh mandir Tamil Nadu ke un kuchh mandiron mein se ek hai jahaan Shiv aur vishnu ki moorti ek saath ek hi mandir mein s‍aathaapit hain. tamil pachaang ke anusaar lippasi maah mein vel vainkunthal utsav yahaan dhoomadhaam se manaaya jaata hai.

svaameemalai

tanjaavur se 32 kimi. door svaameemalai un chh: mandiron mein se ek hai jo Bhagwan murugan ko samarpit hai. Bhagwan murugan ne oon mantra ka uchchaaran kiya tha aur isliye unka naam svaameenaatham pad gaya. mandir ki 60 seedhiyaan tamil panchaang ke 60 varsho ki parichaayak hain. pratyek guruvaar, svaameenaath ko vishesh prakaar se sajaaya jaata hai.

tiruvayaru

tanjaavur se 13 kimi. door is sthaan par sant tyaagaraaj ne apna jeevan bitaaya tha aur yaheen par unhonne samaadhi li thi. tiruvaiyaru ka prasiddh mandir Bhagwan Shiv ko samarpit hai. sant tyaagaraaj ki yaad mein yahaan har saal January mein aath din ka sangeet samaaroh aayojit kiya jaata hai.

tyaagaraajasvaami mandir

tanjaavur se 55 kimi. door tiruvarur sthit tyaagaraajasvaami mandir Tamil Nadu ka sabse bada rath shaili ka mandir hai. yahaan tyaagaraaj, kamalanba aur vanamik nathar ka nivaas hai. mandir ke stambh aur kamarein bahut hi sundar hain. raajaraaj cholan tyaagaraajasvaami ke param bhakt the. tiruvarur sant tyaagaraaj ka janmasthaan bhi hai.

vaitheeshvaran kovali

yeh praacheen mandir Shiv ko samarpit hai. is mandir ka gunagaan anek sant kaviyon ne apni rachanaaon mein kiya hai. iske stambhon aur mandapon ki sundarata se aakarshit hokar anek shraddhaalu yahaan aate hain. kaha jaata hai ki mangal, kaartikeya aur jataayu ne yahaan Bhagwan Shiv ki stuti ki thi. is mandir ko agarakasthaanam bhi maana jaata hai.

utpaad

chitr:Tanjore painting krishna.jpg
tanjaur chitrakala ka namoona

tanjaavur peintings apni vishesh shaili ke liye prasiddh hain. paryatak inhein khareedna pasand karte hain. sahi keemat aur achhi kvaaliti ke liye Gandhi road par punpuhar ki enteek shaup se peintings khareedi ja sakti hain. iske alaava tanjaur plets, panchaloha pratimaaen, pooja saamagri bhi yahaan se li ja sakti hain.

aavaagaman

havaai maarg

yahaan tanjaavur vimaanakshetr bhi hai. kintu vahaan se udaanein naheen hain. yahaan ka niktatam havaai adda tiruchiraapalli vimaanakshetr hai jo yahaan se 65 kimi. door hai. iske alaava chainnai ke raaste bhi yahaan pahunch sakte hain.

sadak maarg

tanjaavur Tamil Nadu ke sabhi pramukh shaharon se juda hua hai. iske atirikt kochchi, ernaakulam, tiruvanantapuram aur Bangalore se yahaan sadak maarg se pahuncha ja sakta hai.

rel maarg

tanjaavur ka railway jankshan trichi, chennai aur naagaur se seedhi relaseva dvaara juda hua hai.

yeh bhi dekhein

baahari kadiyaaain

sandarbh