tamil ilam ke mukti baagh

tamil ilam ke mukti baagh (bhaarateeya prais ise aksar tamil ilam ke mukti cheete ya sirf mukti cheete likhti hai.) ya sankshep mein litte ek tamil raashtravaadi sangathan hai. yeh vishv ka ek pramukh aatankvaadi aur ugravaadi sangathan hain jo Sri Lanka ke uttari aur uttar-poorvi kshetron mein do dashakon se adhik samay se sakriya tha. hindi mein iska laghu naam litte hai. litte ke pramukh iske sansthaapak velupillai prabhaakaran hain jinko 18 May 2009 ke Sri Lanka sena ne maar giraane ka daava kiya.

is sangathan ko ek samay duniya ke sabse taakatavar gurilla ladaako mein gina jaata tha jispar bhaarateeya pradhaanamantri Rajiv Gandhi (1991), shreelankaai raashtrapati premadaasa ranasinghe (1993) sahit kai logon ko maarane ka aarop tha. Bhaarat sahit kai deshon mein yeh ek pratibandhit sangathan hai.

anukram

sthaapana

iski sthaapana 1975 mein velupillai prabhaakaran dvaara hui thi. us samay kai tamil yuva Sri Lanka sarkaar ki neetiyon se kshubdh the jo desh ke tamilon ke prati udaaseen si thi. prabhaakaran ne aise yuvaaon ka vishvaas jeet liya aur is sanstha ka gathan kiya. us samay ve chhote chhote adhikaariyon par hamla karte the, jaise policekarmiyon ya chhote netaaon par. jaafna ke mayor (mahaapaur) alfred duraiyappa ki hatya us samay unke dvaara anjaam di jaane waali pehli badi vaaradaat thi.

1984 mein litte ne ek ugravaadi morche ki aupachaarik sadasyata grahan ki jiske anya sadasya bhi tamil ugravaadi samooh the - tamil ilam liberation organization (angreji mein sankshep - telo), ilam revaulyooshanari orgenaaijeshan of stoodents (chhaatron ka svadeshi kraantikaari sangathan, angreji mein sankshep - iros), pipul liberation organization of tamil ilam (pi L O ti E). is morche ka naam rakha gaya tha - ilam national liberation frant (svadesh mukti morcha). lekin 1986 mein litte is morche se baahar nikal gaya aur usane ek ek karke anya sadasya sangathanon par apna aghiptya jamaana chaaloo kar diya. sabse pehle isne telo, jo ki us samay Sri Lanka ka sabse bada ugravaadi nigam tha, ke sadasyon tatha prashikshan shiviron par sashastr hamla shuru kiya. kuchh maheenon ke bheetar hi telo ke sabhi bade neta maare ya pakade gaye aur litte ka prabhutv sthaapit ho gaya. iske baad isne ipeeaaraelaef ke sadasyon par hamla bola jisse use jaafna praayadveep mein apni gatividhiyaan band karni padi. iske baad elateeteei ne sabhi tamil ladaakon ko elateeteei mein mil jaane ko kaha. us samay Sri Lanka me chhote-bade 20 ugravaadi sangathan kaaryarat the, lagbhag sabhi ne litte ki adheenata ya prabhutv sveekaar kar liya. jaafana ek litte ka dabadaba wala shahar ban gaya.

muktivaahini - Bhaarat ka hastakshep

tamil log, jinka pramukh nivaas sthaan dakshin Bhaarat ka Tamil Nadu raajya hai, is sangharsh se pareshaan hokar Bhaarat mein sharanaarthiyon ke roop mein aane lage. svadeshi tamil nasl ke logon upar aae sankat aur tamil sharanaarthiyon ki badhti sankhya ke baad 1987 mein Bhaarat sarkaar ne Sri Lanka ki tamil samasya ko "sulajhaane" ki koshish ki. bhaarateeya vimaanon ne jaafana mein khaane ke packet giraae. iske baad Bhaarat aur Sri Lanka ki sarkaar ne ek samjhaute par hastaakshar kiye. ismein tamil ugravaadiyon ko shaamil naheen kiya gaya tha par adhikaansh charampanthi sangathanon ne is samjhaute ka anusaran karne ka man bana liya tha. is samjhaute ke tahat uttari ipeeaaraelaef (Ealam People's Revolutionary Liberation Front, litte naheen) ke adhikaar vaale tamil pradeshon mein ek had tak svaayattata de di gayi aur ek samiti ka gathan kiya gaya jismein iaarapeeelaef ke tamil log shaamil the. yeh tay kiya gaya ki bhaarateeya muktivaahini sena vahaaain jaaegi aur tamil log hathiyaar daal deinge.

par ismein ekamaatr baat ye rah gayi ki litte (LTTE) ko ipeeaaraelaef ke pratinidhiyon ki samiti ka pramukh raas naheen aaya. usane iske liye apne teen numaaindon ki peshakash ki jise bhaarateeya sarkaar ne thukara diya. iska nateeja ye hua ki ab ladaai elateeteei aur bhaarateeya sena ke beech chhid gayi. bhaarateeya sarkaar ne ye faisala liya ki ve litte ko balapoorvak laabandook kareinge. bhaarateeya sena ne operation pavan aarambh kiya jiska yahi uddeshya tha. do saal tak chal is sangharsh mein ek samay bhaarateeya sena ke koi 50,000 sainik Sri Lanka mein the. par unako nukaasan uthaana pad raha tha aur Sri Lanka ke mool sinhaliyon ko bhi ek videshi sena ki upasthiti khalane lagi thi. Sri Lanka sarkaar ke nivedan par 1990 mein bhaarateeya sena Sri Lanka se benateeja kooch kar gayi.

sangharsh

desh ke uttar mein litte ka dabadaba bana raha. May 1991 mein bhaarateeya pradhaanamantri Rajiv gaaaindhi aur 1993 mein Sri Lanka ke raashtrapati premadaasa ranasinghe ki hatya kar di gayi. iske baad saalon tak sangharsh jaari raha. 1994 mein kuchh samay ke liye, jab chandrika kumaaratunge raashtrapati bani aur unhonne shaanti vaarta ka prastaav rakha, ladaai thami rahi par litte dvaara shreelankaai nausena ke jahaajon ko dubaane ke baad 1995 mein fir se chaaloo ho gayi.

2001 sangharsh viraam

pramukh aatankvaadi gatividhiyaaain

litte ke hamle

  • 1977 mein jaafana ke mahaapaur alfred duraiappa ki hatya.
  • 1977 mein swayam prabhaakaran dvaara tamil saansad M kanagaratnam ki hatya.
  • 1983 mein sainik kaafile par hamla, 13 sainikon ki maut.
  • 1984 mein keint aur dollar form mein aam naagrikon ki saamoohik hatya.
  • 1985 mein anuraadhaapuram mein 146 naagrikon ki hatya.
  • 1987 mein elateeteei ne pehli baar aatmaghaati hamla kiya. visfotakon se bhare truck ko sainya shivir ki deevaar se takara diya gaya. is hamle mein chaalees sainik maare gaye. is hamle ke baad litte ne 170 se bhi adhik aatmaghaati hamlon ko moortaroop diya. yeh sankhya duniya ke kisi bhi sangathan ke aatmaghaati hamle ki sankhya se adhik hai. aakhirkaar aatmaghaati hamla elateeteei ki pehchaan ban gaya.
  • 1989 mein jaafana vishvavidyaalaya ke professor aur maanavaadhikaaravaadi Dr Rajni ki hatya.
  • 1993 mein litte ne ek aatmaghaati hamle mein raashtrapati ranasinghe premadaasa ki hatya kar di.
  • 1996 mein kolanbon ke central bank mein aatmaghaati hamla, 90 ki mare, 1400 ghaayal.
  • 1997 mein shreelankaai vishv vyaapaar kendra par hamla.
  • 1998 mein bauddhon ke sabse pavitra mandiron mein se ek teinpal of tooth par hamla.
  • 1999 gonaagaala par hamla, 50 singhaliyon maare gaye.
  • 2001 mein Bandaranaike antarraashtreeya havaai adde par hamla. is hamle mein shreelankaai vaayusena ke aath aur shreelankan airlines ke chaar vimaan nasht ho gaye.

hamle ka pratirodh

  • 1983 mein sena par litte ke hamle ke baad sinhaliyon ne tamilon par suniyojit hamle kiye. in hamlon mein ek hajaar se adhik tamil maare gaye

tamilon ko sinhala bahul kshetron se bhaagna pada.

  • anuraadhaapuram hatya maamale ke pratishodh mein sena ne kumadini bot par hatya kar 23 tamilon ki hatya kar di.
  • 1987 sena ne operation liberation aarambh kiya. iska lakshya jaafana ko mukt karaana tha. is operation mein sena ko jeet mili, magar prabhaakaran bhaagane mein safl ho gaya.

antim sangraam

san 2007 mein Sri Lanka sena ne tamil baagiyon ke khilaaf ek sashakt abhiyaan shuru kiya. ismein litte ko chhodkar aae kuchh bade naam bhi Sri Lanka sarkaar se mile hue the. pehle uttar mein aur fir thoda poorab mein sena ko safalta mili. March 2009 mein sena dhadlle se aage badhne lagi aur litte ke ladaake peechhe. pehle uttar ki taraf jaafana mein sinhali sena ka adhikaar ho gaya. isse aur isse pehle ki safalataaon se utsaahit hokar poorab ki taraf sena ka abhiyaan joradaar hota gaya. sabse aakhiri gadh mulaitivu ke jungle aur usase sate mulaitivu ka daladalon se ghira chhota sa praayadveep tha jo uttar-poorvi tat par sthit tha. teen or se paani aur ek taraf se mitti ki banaai deevaar ke paar se sinhali sena dvaara buri tarah ghir jaane se litte mook sa ho gaya tha. 18 May 2009 ko prabhaakaran ke maarane ke daave ke saath hi iska astitv khatm ho gaya hai.

dhyaatavya tathya

  • isse pehle tamilnaadu ke Coimbatore ke paas bhaarateeya sena ke ek vaahan par bhaarateeya tamilon ke ek chhote samooh ne yeh kehkar aakraman kiya ki unki "vandi" (vaahan) mein Sri Lanka sena ko madad pahuainchaane ke liye hathiyaar le jaaya ja raha hai.
  • jaurdan se laute shreelankaai raashtrapati mahinda raajapakshe ne somvaar (17mai, 2009) ko yeh ghoshana ki thi ki ve tabatak ghar naheen jaaenge jabatak ki tamil sangharsh se desh ko mukti naheen mil jaati.
  • iske koi ek hafte khatm hue bhaarateeya aam chunaavon ke dauraan tamilnaadu ki dramuk tatha annaadramuk party ne ek doosare par shreelankaai tamilon ke liye kuchh paryaapt na karne ka aarop lagaaya tha. vaaiko aur Karunanidhi ne aise bayaan diye the jisse unapar deshdroh jaise aarop lage the.

baahari kadiyaaain