talavaarabaaji

is lekh mein sandarbh ya sootr naheen diye gaye hain. krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (September 2014)

san 1993 mein asikreeda vishv champiyn pratiyogita ka drushya

pehle jab talavaar se ladaai hua karti thi tab sabhi yoddhaaon mein talavaar se lad sakane ki yogyata aavashyak thi. ab talavaar ki nakali ladaai ho rahi hai jo Bhaarat mein muharram aadi tyohaaron par dikhaai padti hai, parantu videshon mein yeh nakali ladaai bhi badhiya khel ke roop mein parivrtit ho gayi hai, jise angreji mein fesing kehte hain aur hindi mein asikreeda kah sakte hain.

yeh shabd vastut: angreji "defence" se nikla hai, jiska arth hai raksha. pehle do vyaktiyon mein gahra manamutaav ho jaane par nyaaya ke liye ve is vichaar se talavaar se lad padte the ki ishvar usaki raksha karega jiske paksh mein dharm hai. is prakaar ka dvandvayuddh (duel) tabhi samaapt hota tha jab ek ko ghaatak chot lag jaati thi. parantu praaya: sabhi deshon ki sarkaaron ne dvandvayuddh ko dandaneeya ghoshit kar diya. isliye fesing mein ladne ki reetiyaaain to ve hi rah gain jo dvandvayuddh mein prayukt hoti theen, parantu ab pratidvandvi ko asi (talavaar) se chhoo bhar dena paryaapt samjha jaata hai. pratidvandvi ko asi se chhoo diya jaae aur swayam usaki asi se bacha jaae, fesing ka kul khel itna hi hai. in dinon bhi fesing bahut achha khel samjha jaata hai aur olympic khelon mein (use dekhein) fesing pratiyogita avashya hoti hai.

fesing mein teen tarah ke yantron ka prayog hota hai. pratyek ki pratidvandvita alag-alag hoti hai aur inse khelne ka dhang bhi bahu kuchh bhinn hota hai. pratyek shastr ke liye alag shiksha leni padti hai aur abhyaas karna padta hai. in yantron ke naam hain fvaayal (faayal), epe (epee) aur sebar.

fvaayal, kirch ki tarah ka yantr hai jiska fal patala, lacheela aur 34 inch lamba hota hai. kul taul nau chhataank hoti hai. yeh konchane ka yantr hai, parantu pratiyogitaaon mein nonk par batan laga diya jaata hai, jismein pratidvandvi ghaayal na ho. khel mein chakama dena (nishaana kaheen aur ka lagaana tatha maarana kaheen aur), vidyudgati se achaanak maarana, bachaav aur pratayuttar (ripaaainchast, aisi chaal ki pratidvandvi ka vaar khaali jaae aur apna use lag jaae) ye hi vishesh daanv hain. is khel mein badi furati aur haath pair ka theek-theek saath chalaana inheen donon ki vishesh aavashyakta rahati hai; bal ki naheen. isliye is khel mein striyaaain bhi mardon ko haraati dekhi gayi hain. fvaayal ki nok pratidvandvi ko chauchak lagani chaahiye. keval dhad par chot ki ja sakti hai. paaainch baar chhoo jaane par vyakti haar jaata hai (striyon ki pratiyogita mein chaar baar paryaapt hai).

epe (A hrasv, pe deergh) tikona hota hai, fvaayal se bhaari hota hai aur iska mushtikaasarankshak bada hota hai. iski nokavaale batan par laal rang mein dubaai hui mom ki keelein lagi rahati hain jinke lagte hi kapda rang jaata hai. isse nirnaayakon ko sugamata hoti hai. pratidvandviyon ka shvet vastr dhaaran karna anivaarya hota hai. ab bahudha epe mein vidyut taar laga rahata hai jisse pratidvandvi ke chhoo jaane par ghanti bajti hai aur batti jalati hai; dhad, haath, pair, sir kaheen bhi chot ki ja sakti hai. teen baar chot khaane par vyakti haar jaata hai.

sebar talavaar ki tarah hota hai. isse konchate bhi hain, kaatate bhi hain. yeh fvaayal se thoda hi adhik bhaari hota hai. isse sir, bhujaaon aur dhad par chot dhad par chot ki ja sakti hai. jo vyakti paaainch baar pratidvandvi ko pehle maar de vah jeetata hai, chaahe konchakar maare, chaahe kaatne ki chaal se. iska khel adhik darshaneeya hota hai. chaukanna khada hona yeh sebar ki ladaai hai. daahini or ke pratidvandvi ne apne sebar ka prayog karke asapane ko bachaana chaaha, parantu bacha na saka. saaf bacha! pratyuttar baai or ke pratidvandvi ne apne baain or ke khilaadi ne apne ko bacha to liya, parantu pratyu- ko bacha hi naheen liya, bachaane ttar na de saka ke saath-saath pratidvandvi ko maar bhi diya.

• Fencing FAQ from rec.sport.fencing