tailang svaami

tailang svaami tapasvi mahaatma the.

jeevani

tailang svaami ka janm dakshin Bhaarat ke vijiyaana janapad ke holiya nagar mein hua tha. baalyaavastha mein inka naam tailangadhar tha. bachapan se hi aatmachintan tatha vairaagya ki pravrutti dekhi gayi. maata ki mrutyu ke pashchaat jahaaain chita lagi thi vaheen baith gaye. peechhe logon ne vaheen kuti bana di. lagbhag bees varsh ki yogasaadhana ke pashchaat deshaatan mein nikal pade. isi deshaatan mein pashchim pradesh ke Patiala naamak nagar mein bhaagyavash bhageerath svaami mahaaraaj ka darshan hua jinhonne inko sannyaas deeksha di. iske pashchaat bahut dinon tak Nepal, Tibet, gangotri, jamanotri, maanasarovar aadi mein kathor tapasya kar anek siddhiyaaain bhi praapt kar leen. raameshvaram, prayaag, narmadaaghaati, ujjain aadi anek teerth sthaanon mein nivaas aur saadhana karte hue kaashi pahuainche. kaashi mein manikrnika, raajaghaat, assi aadi kshetron mein rahane ke baad ant mein panchagangaaghaat par sthaayi roop se rahane lage, jahaaain aaj bhi tailang svaami math hai. is math mein svaami ji dvaara poojit Bhagwan Krishna ka ek vichitr vigrah hai jiske lalaat par shivling aur sir par shreeyantr khachit hai. mandap ke 20-25 foot neeche gufa hai jismein baithakar svaami ji saadhana karte the. math ki banaavat kaafi puraani hai. anumaanat: maadhav ji ke mandir ko todkar masajid banaane ke samay se poorv vahaaain math ban chuka tha. isi math mein vikramaabd 1944 ki paush shukl 11 ko svaami ji brahmeebhoot hue.

tailangadhar svaami ko kaashi-pravaas-kaal mein tailangi hone ke kaaran kaasheevaasi tailang svaami ke naam se pukaarane lage. svaami ji jahaaain kaheen jaate koi na koi aisi ghatna ghatati jo atyant chamatkaarapoorn hoti aur log gherane lagte. bheed badhte hi svaami ji vah sthaan chhodkar kaheen anyatr nirjan sthaan mein chal dete. manikrnika ghaat par dinraat dhoop aur sheet mein svaami ji pade rahate. unka kehna tha ki jeevit rahane ke liye praanavaayu (oxygen) ya kisi vishesh saadhana, kram, apakram ya khooraak ki jaroorat naheen. siddh saadhak yaugik saadhana se ghaneekrut tejas dvaara jeevit rahane ki shakti praapt kar lete hain. astu, unhein praakrutik niyamon aur kramon ka apaghaat karne mein kathinaai naheen hoti. manojaya aur kundalini jaagaran dvaara shareer aur praan ko jaisa chaahe kar lena saadhaaran si baat hain.