taapamaan

taapamaan kisi vastu ki ushnata ki maap hai. yaani, taapamaan se yeh pata chalta hai ki koi vastu thandhi hai ya garm.

udaaharanaarth, yadi kisi ek vastu ka taapamaan 20 degree hai aur ek doosari vastu ka 40 degree, to yeh kaha ja sakta hai ki doosari vastu pratham vastu ki apeksha garm hai.

ek anya udaaharan - yadi bangalaur mein, 4 August 2006 ka ausat taapamaan 29 degree tha aur 5 August ka taapamaan 32 degree; to bangalaur, 5 August 2006 ko, 4 August 2006 ki apeksha adhik garm tha.

uparokt udaaharanon mein taapamaan ko degree mein niroopit kiya gaya hai, jo ki vaastav mein kai paimaanon par maapa jaata hai - celcius, kelvin, romar, faurenhaait ityaadi.

celcius

mukhya lekh dekhein - celcius

ise senteegred paimaana bhi kehte hain. is paimaane ke anusaar paani, saamaanya dabaav par 0 degree celcius par jamata hai aur 100 degree celcius par ubalata hai. yeh paimaana dainik vaataavaraneeya tatha anya kaamon me kaafi prayukt hota hai.

kelvin

mukhya lekh dekhein - kelvin

is paimaane ke anusaar paani, saamaanya dabaav par 273.15 degree kelvin par jamata hai aur 373.15 degree kelvin par ubalata hai. yeh paimaana vaigyaanik gananaaon tatha anya kaamon me kaafi prayukt hota hai.

faurenhaait

mukhya lekh dekhein - faurenhaait

is paimaane ke anusaar paani, saamaanya dabaav par 32 degree faurenhaait par jamata hai aur 212 degree faurenhaait par ubalata hai. paramparaagat bukhaar maapane ke liye prayukt tharmaumeetar mein isi paimaane ka prayog hota hai. yadi kisi vyakti ke shareer ka taapamaan 98 degree se jyaada ho jaata hai to vah jvar peedit hota hai. yeh paimaana dainik vaataavaraneeya tatha anya kaamon me prayukt hota hai.

romar

mukhya lekh dekhein - romar

is paimaane ke anusaar paani, saamaanya dabaav par 0 degree romar par jamata hai aur 80 degree romar par ubalata hai. yeh paimaana apekshaakrut kam prayukt hota hai.

yadi kisa ek hi vastu ka taapamaan, faurenhaait paimaane par F ho, celcius paimaane par C, kelvin paimaane par K aur romar paimaane par R ho, to in paimaanon mein is tarah ka sambandh hota hai -

celcius aur faurenhaait

C/5 = (F-32)/9 

celcius aur kelvin

C = K-273.15

celcius aur romar

C/5 = R/4