taanasen

taanasen

miyaan taanasen, ek chitrakaar ki kalpana
prushthabhoomi ki jaankaari
janmanaam raamatanu Pande
janm 1506
mrutyu 1589
shaili hindustaani shaastreeya sangeet
vyavasaaya hindustaani shaastreeya gaayak
jaalasthal/website
fatehapur sikri mein gaayan mandap

taanasen ya miyaan taanasen ya raamatanu paandeya hindustaani shaastreeya sangeet ke ek mahaan jnyaaata the. unhe samraat Akbar ke navaratnon mein bhi gina jaata hai.

sangeet samraat taanasen ki nagari gvaaliyr ke liye kahaavat prasiddh hai ki yahaaain bachche rote hain, to sur mein aur patthar ludhkate hain to taal mein. is nagari ne puraatan kaal se aaj tak ek se badhkar ek sangeet pratibhaayein sangeet sansaar ko di hain aur sangeet soorya taanasen inmein sarvopaari hain. shiksha deeksha gvaaliyr se lagbhag 45 ki॰amee॰ door gram behat mein shri makarand Pande ke yahaaain taanasen ka janm gvaaliyr ke tatkaaleen prasiddh fkeer hajarat muhammad gaus ke varadaan svaroop hua tha. kehte hai ki shri makarand Pande ke kai santaane hui, lekin ek par ek akaal hi kaal kavalit hoti chali gayi. isse niraash aur vyathit shri makarand Pande soofi sant muhammad gaus ki sharan mein gaye aur unki duaa se san 1486 mein tanna urf tanasukh urf trilochan ka janm hua, jo aage chalakar taanasen ke naam se vikhyaat hua. taanasen ke aaranbhik kaal mein gvaaliyr par kalaapriya raaja Mansingh tomar ka shaasan tha. unke protsaahan se gvaaliyr sangeet kala ka vikhyaat kendra tha, jahaan par baijoobaavara, karn aur Mehmood jaise mahaan sangeetaachaarya aur gaayak gan ekatr the aur inheen ke sahayog se raaja Mansingh tomar ne sangeet ki dhrupad gaayaki ka aavishkaar aur prachaar kiya tha. taanasen ki sangeet shiksha bhi isi vaataavaran mein hui. raaja Mansingh tomar ki mrutyu hone aur vikramaajeet se gvaaliyr ka raajyaadhikaar chhin jaane ke kaaran yahaaain ke sangeetajnyaon ki mandali bikhrane lagi. tab taanasen bhi vrundaavan chale gaye aur vahaan unhonein svaami haridaas ji se sangeet ki uchch shiksha praapt ki. sangeet shiksha mein paarangat hone ke uparaant taanasen sherashaah soori ke putr daulat khaaain ke aashray mein rahe aur fir Bandhavgadh (reeva) ke raaja raamachandr ke darabaari gaayak niyukt hue. mugl samraat Akbar ne unke gaayan ki prashansa sunakar unhein apne darbaar mein bula liya aur apne navaratnon mein sthaan diya.

Akbar ke navaratnon tatha muglakaaleen sangeetakaaron mein taanasen ka naam param-prasiddh hai. yaddhapi kaavya-rachana ki drushti se taanasen ka yogadaan vishesh mahattvapoorn naheen kaha ja sakta, parantu sangeet aur kaavya ke sanyog ki drushti se, jo bhaktikaaleen kaavya ki ek bahut badi visheshata thi, taanasen saahitya ke itihaas mein avashya ullekhaneeya hain. taanasen Akbar ke navaratnon mein se ek the. ek baar Akbar ne unase kaha ki vo unke guru ka sangeet sunana chaahate hain. guru haridaas to Akbar ke darbaar mein aa naheen sakte the. lihaaja isi nidhi van mein Akbar haridaas ka sangeet sunane aae. haridaas ne unhein Krishna bhakti ke kuchh bhajan sunaae the. Akbar haridaas se itne prabhaavit hue ki vaapas jaakar unhonne taanasen se akele mein kaha ki aap to apne guru ki tulana mein kaheen aas-paas bhi naheen hai. fir taanasen ne javaab diya ki jahaanpanaah ham is jameen ke baadshah ke liye gaate hain aur hamaare guru is brahmaand ke baadshah ke liye gaate hain to fark to hoga na.

 rachanaayein

taanasen ke naam ke sambandh mein mataikya naheen hai. kuchh ka kehna hai ki 'taanasen' unka naam naheen, unakon mili upaadhi thi. taanasen maulik kalaakaar the. ve svar-taal mein geeton ki rachana bhi karte the. taanasen ke teen granthon ka ullekh milta hai- 1. 'sangeetasaar', 2. 'raagamaala' aur 3. 'shreeganesh stotr'. bhaarateeya sangeet ke itihaas mein dhrupadakaar ke roop mein taanasen ka naam sadaiv amar rahega. iske saath hi brajabhaasha ke pad saahitya ka sangeet ke saath jo atoot sambandh raha hai, uske sandarbh mein bhi taanasen chirsmaraneeya raheinge.


sangeet samraat taanasen Akbar ke anmol navaratnon mein se ek the. apni sangeet kala ke ratn the. is kaaran unka bada sammaan tha. sangeet gaayan ke bina ‍aAkbar ka darbaar soona rahata tha. taanasen ke taaoo Baba raamadaas uchch koti ke sangeetakaar the. vah vrundaavan ke svaami haridaas ke shishya the. unheen ki prerana se baalak taanasen ne bachapan se hi sangeet ki shiksha pai. svaami haridaas ke paas taanasen ne baarah varsh ki aayu tak sangeet ki shiksha pai. vaheen unhonne saahitya evam sangeet shaastr ki shiksha praapt ki.

sangeet ki shiksha praapt karke taanasen desh yaatra par nikal pade. unhonne anek sthaanon ki yaatra ki aur vahaaain unhein sangeet-kala ki prastuti par bahut prasiddhi to mili, lekin gujaare laayak dhan ki upalabdhi naheen hui.

ek baar vah reeva (Madhya Pradesh) ke raaja raamachandr ke darbaar mein gaane aae. unhonne taanasen ka naam to suna tha par gaayan naheen suna tha. us din taanasen ka gaayan sunakar raaja raamachandr mugdh ho gaye. usi din se taanasen reeva mein hi rahane lage aur unhein raaj gaayak ke roop mein har tarah ki aarthik suvidha ke saath saamaajik aur raajaneetik sammaan diya gaya. taanasen pachaas varsh ki aayu tak reeva mein rahe. is avadhi mein unhonne apni sangeet-saadhana ko mohak aur laalityapoorn bana liya. har or unki gaayaki ki prashansa hone lagi.

Akbar ke hi salaahakaar aur navaratnon mein se ek abdul fajal ne taanasen ki sangeet ki prashansa mein Akbar ko chittheeu likhi aur sujhaav diya ki taanasen ko akabari-darbaar ka navaratn hona chaahiye. Akbar to kala-paarakhi the hi. aise mahaan sangeetakaar ko rakhakar apne darbaar ki shobha badhaane ke liye bechain ho uthe.

unhonne taanasen ko bulaava bheja aur raaja raamachandr ko patra likha. kintu raaja raamachandr apne darbaar ke aise kalaaratn ko bhejane ke liye taiyaar na hue. baat badhi aur yuddh tak pahuainch gayi. aakhir taanasen ke kehne par raaja raamachandr ne taanasen ko bhej diya. Akbar ke darbaar mein aakar taanasen pehle to khush na the lekin dheere-dheere Akbar ke prem ne taanasen ko apne nikat la diya.

chaaaind khaaain aur sooraj khaaain swayam na ga sakein. aakhir mukaabala shuroo hua. use sunane vaalon ne kaha 'yeh galat raag hai.' tab taanasen ne shaastreeya aadhaar par us raag ki shuddhata siddh kar di. shatru varg shaant ho gaya.


sangeet samraat taanasen Akbar ke anmol navaratnon mein se ek the. 

taanasen ko apne darbaar mein laane ke liye Akbar ki sena aur reeva ke baaghela raajapooto ke beech mein bhayaanak uddh hua tha ! Akbar ke darbaar mein taanasen ko navaratn ki khyaayati milne lagi thi. is kaaran unke shatruon ki sankhyaar bhi badh rahi thi. kuchh dinon baad taanasen ka thaakur sanmukh Singh beenakaar se mukaabala hua. ve bahut hi madhur been bajaate the. donon mein mukaabala hua, kintu sanmukh Singh baaji haar gaye. taanasen ne bhaarateeya sangeet ko bada aadar dilaaya. unhonne kai raag-raaginiyon ki bheerachana ki. 'miyaaain ki malhaar' 'darabaari kaanhada' 'goojari todi' ya 'miyaaain ki todi' taanasen ki hi den hai. taanasen kavi bhi the. unki kaavya krutiyon ke naam the - 'raagamaala', 'sangeetasaar' aur 'ganesh srotr'. 'raagamaala' ke aarambh mein dohe diye gaye hain.

sur muni ko paranaayakari, sugam karau sangeet. taanasen vaani saras jaan gaan ki preet.

taanasen ke puraane chitron se unke roop-rang ki jaankaari milti hai. taanasen ka rang saanvala tha. mooainchhein patali theen. vah safed pagadi baaaindhate the. safed chola pahanate the. kamar mein feinta baaaindhate the. dhrupad gaane mein taanasen ki koi baraabari naheen kar sakta tha. taanasen ka dehaavasaan assi varsh ki aayu mein hua. unki ichha dhi ki unhein unke guru muhammad gaus khaaain ki samaadhi ke paas dafnaaya jaae. vahaaain aaj unki samaadhi par har saal taanasen sangeet samaaroh aayojit hota hai.


sandarbh

dekhein

(sahaayak granth-


1 sangeetasamraat taanasen (jeevani aur rachanaaeain): prabhudayaal meetal, saahitya sansthaan, Mathura;

2 hindi saahitya ka itihaas: pan॰ raamachandr shukl:

3 akabari darbaar ke hindi kabi: daa॰ sarayoo prasaad Agrawal.)