taaiteniaa (upagrah)

vauyejar dviteeya yaan dvaara li gayi ek taaiteniaa ki tasveer

taaiteniaa Arun (yurenas) grah ka sab se bada upagrah hai. maana jaata hai ke yeh chandrama barf aur patthar ki lagbhag baraabar maatraaon se racha hua hai - iski satah barfeeli hai aur andar ka hissa patthareela hai. kuchh vaijnyaaaniko ki soch hai ke baahari barf aur androoni patthar ke beech mein ek paani ki tah hone ki sambhaavana hai, lekin is baat ka abhi koi pakka saboot naheen mila hai. satahi barf mein kuchh padaarthon ke mile hone ke kaaran is upagrah ka rang thoda laal prateet hota hai. iski satah par antariksh se gire hue ulkaapindon ki vajah se bahut se bade gadhdhe bhi hain, jinmein se ek bhayankar gadhdhe ka vyaas 326 kimi hai. fir bhi dekha gaya hai ke Arun ke ek anya upagrah oberaun par is se bhi zyaada gadhdhe hain. vaigyaanik anumaan lagte hain ki taaiteniaa par shaayad kaafi bhookampon ke aane se bahut se gadhdhe bhare ja chuke hain aur ab nazar naheen aate. vauyejar dviteeya yaan ke January 1986 mein Arun ke paas se gujrane par taaiteniaa ki bahut se tasveerein li gayi jinke jriye iski satah ke lagbhag 40% hisse ke nakshe banaae ja chuke hain.

akaar

taaiteniaa ka akaar gol hai. iska ausat vyaas lagbhag 1577 kimi hai. iske mukaabale mein pruthvi ke chandrama ka vyaas lagbhag 3,474 kimi hai, yaani ki taaiteniaa ka akaar hamaare chandrama ke aadhe se jra chhota hai.

inhein bhi dekhein