svaami shraddhaanand

svaami shraddhaanand sarasvati

svaami shraddhaanand sarasvati (2 February, 1856 - 23 December, 1926) Bhaarat ke shikshaavid, svatantrata sangraam senaani tatha aaryasamaaj ke sannyaasi the jinhonne svaami dayaanand sarasvati ki shikshaaon ka prasaar kiya. ve Bhaarat ke un mahaan raashtrabhakt sannyaasiyon mein agrani the, jinhonne apna jeevan svaadheenata, svaraajya, shiksha tatha vaidik dharm ke prachaar-prasaar ke liye samarpit kar diya tha. unhonne gurukul kaangadi vishvavidyaalaya aadi shaikshanik sansthaanon ki sthaapana ki aur hindu samaaj ko sangathit karne tatha 1920 ke dashak mein shuddhi aandolan chalaane mein mahati bhoomika ada ki.

anukram

jeevan parichay

svaami shraddhaanand ka janm 2 fravari san 1856 (faalgun Krishna tryodashi, vikram sanvat 1913) ko Punjab praant ke jaalandhar jile ke talavaan gram mein hua tha. unke pita, laala naanak chand, East indiya company dvaara shaasit United provins (vartamaan uttar pradesh) mein police adhikaari the. unke bachapan ka naam vruhaspati aur munsheeraam tha, kintu munsheeraam saral hone ke kaaran adhik prachalit hua.

pita ka traansafar alag-alag sthaanon par hone ke kaaran unki aarambhik shiksha achhi prakaar naheen ho saki. lahaur aur Jalandhar unke mukhya kaaryasthal rahe. ek baar aarya samaaj ke sansthaapak svaami dayaanand sarasvati vaidik-dharm ke prachaaraarth bareli pahunche. police adhikaari naanakachand apne putr munsheeraam ko saath lekar svaami dayaanand ka pravachan sunane pahuainche. yuvaavastha tak munsheeraam ishvar ke astitv mein vishvaas naheen karte the. lekin svaami dayaanand ji ke tarkon aur aasheervaad ne munsheeraam ko drudh ishvar vishvaasi tatha vaidik dharm ka ananya bhakt bana diya.

ve ek safal vakeel bane tatha kaafi naam aur prasiddhi praapt ki. aarya samaaj mein ve bahut hi sakriya rahate the.

unka vivaah shreemati shiva devi ke saath hua tha. jab aap 35 varsh ke the tabhi shiva devi svarg sidhaareen. us samay unke do putr aur do putriyaan theen. san 1917 mein unhone sanyaas dhaaran kar liya aur svaami shraddhaanand ke naam se vikhyaat hue.

gurukul ki sthaapana

san 1901 mein munsheeraam ne angrejon dvaara jaari shiksha paddhati ke sthaan par vaidik dharm tatha bhaarateeyata ki shiksha dene vaale sansthaan "gurukul" ki sthaapana ki. haridvaar ke kaangadi gaanv mein gurukul vidyaalaya khola gaya. is samay yeh maanad vishvavidyaalaya hai jiska naam gurukul kaangadi vishvavidyaalaya hai. Gandhi ji un dinon Africa mein sangharsharat the. mahaatma munsheeraam ji ne gurukul ke chhaatron se 1500 rupae ekatrit kar Gandhi ji ko bheje. Gandhi ji jab Africa se Bhaarat laute to ve gurukul pahunche tatha mahaatma munsheeraam tatha raashtrabhakt chhaatron ke samaksh natamastak ho uthe. svaami shraddhaanand ne hi sabse pehle unhe mahaatma ki upaadhi se vibhooshit kiya aur bahut pehle yeh bhavishyavaani kar di thi ki ve aage chalakar bahut mahaan banege.

patrakaarita evam hindi-seva

unhone patrakaarita mein bhi kadam rakha. ve urdoo aur hindi bhaashaaon mein dhaarmik va saamaajik vishyon par likhte the. baad mein svaami dayaanand sarasvati ka anusaran karte hue unane devanaagari lipi mein likhe hindi ko praathamikta di. unka patra saddharm pehle urdoo mein prakaashit hota tha aur bahut lokapriya ho gaya tha. kintu baad mein unane isko urdoo ke bajaay devanaagari lipi mein likhi hindi mein nikaalna aarambh kiya. isse inko aarthik nuksaan bhi hua. unhone do patra bhi prakaashit kiye, hindi mein arjun tatha urdoo mein tej. jaliyaanvaala kaand ke baad amrutasar mein Congress ka 43vaan adhiveshan hua. svaami shraddhaanand ne svaagat samiti ke adhyaksh ke roop mein apna bhaashan hindi mein diya aur hindi ko raashtrabhaasha ghoshit kiye jaane ka maarg prashast kiya.

svatantrata aandolan

unhone svatantrata aandolan mein badh-chadhakar bhaag liya. gareebon aur deen-dukhiyon ke uddhaar ke liye kaam kiya. stri-shiksha ka prachaar kiya. san 1919 mein svaami ji ne Delhi mein jaama masjid kshetr mein aayojit ek vishaal sabha mein Bhaarat ki svaadheenata ke liye pratyek naagrik ko paanthik matabhed bhulaakar ekajut hone ka aahvaan kiya tha.

shuddhi

svaami shraddhaanand ne jab Congress ke kuchh pramukh netaaon ko "muslim tushteekaran ki ghaatak neeti" apnaate dekha to unhein laga ki yeh neeti aage chalakar raashtra ke liye vightanakaari siddh hogi. iske baad Congress se unka mohabhang ho gaya. doosari or kattarpanthi muslim tatha isaai hinduon ka mataantaran karaane mein lage hue the. svaami ji ne asankhya vyaktiyon ko aarya samaaj ke maadhyam se pun: vaidik dharm mein Dixit karaaya. unane gair-hinduon ko pun: apne mool dharm mein laane ke liye shuddhi naamak aandolan chalaaya aur bahut se logon ko pun: hindu dharm mein Dixit kiya. svaami shraddhaanand pakke aaryasamaaj ke sadasya the, kintu sanaatan dharm ke prati drudh aasthaavaan pandit madanamohan maalaveeya tatha puri ke shankaraachaarya svaami bhaarateekrushn teerth ko gurukul mein aamantrit kar chhaatron ke beech unka pravachan karaaya tha.

hatya

23 December 1926 ko naya baajaar sthit unke nivaas sthaan par abdul rasheed naamak ek unmaadi dharm-charcha ke bahaane unke kaksh mein pravesh karke goli maarkar is mahaan vibhooti ki hatya kar di. use baad mein faansi ki saja hui.

inhein bhi dekhein

baahari kadiyaaain