svaami chinmayaanand

svaami chinmayaanand

svaami chinmayaanand (8 May 1916 - 3 August 1993) hindu dharm aur sanskruti ke moolabhoot siddhaant vedaant darshan ke ek mahaan pravakta the. unhonne saare Bhaarat mein bhraman karte hue dekha ki desh mein dharm sambandhi anek bhraantiyaan faili hain. unka nivaaran kar shuddh dharm ki sthaapana karne ke liye unhonne geeta gyaan-yagya praarambh kiya aur 1953 E mein chinmaya mission ki sthaapana ki.

svaami ji ke pravachan bade hi tarkasangat aur preranaadaayi hote the. unako sunane ke liye hajaaron log aane lage. unhonne saikadon sannyaasi aur brahmachaari prashikshit kiye. hajaaron svaadhyaaya mandal sthaapit kiye. bahut se saamaajik seva ke kaarya praarambh kiye, jaise vidyaalaya, aspataal aadi. svaami ji ne upanishd, geeta aur aadi shankaraachaarya ke 35 se adhik granthon par vyaakhyaayein likheen. geeta par likha unka bhaashya sarvottam maana jaata hai.

anukram

aarambhik jeevan

svaami chinmayaanand ji ka janm 8 May 1916 ko dakshin Bhaarat ke Kerala praant mein ek sanbhraant parivaar mein hua tha. unke bachapan ka naam baalakrushn tha. unke pita nyaaya vibhaag mein ek nyaayaadheesh the. unki praarambhik shiksha paaainch varsh ki aayu mein sthaaneeya vidyaalaya shri Ram varma byaaj school mein hui. unki mukhya bhaasha angreji thi unki buddhi teevr thi aur padhne me hoshiyaar the. unki ginti aadarsh chhaatron me thi.

school ki padhaai ke baad Balan ne mahaaraaja kaalej mein pravesh liya. vahaaain bhi unki padhaai safalataapoorvak chali. us samay ek gareeb baalak shankar Narayan unka mitr bana. ve kaalej mein vigyaan ke chhaatr the. jeev vigyaan, vanaspati vigyaan aur rasaayan shaastr unke vishay the. yahaaain intar paas kar lene par unke pita ka sthaanaantaran trichoor ke liye ho gaya yahaaain unhonne vigyaan ke vishay chhod kar kala ke vishay le liye. is padhaai mein bhi unka adhik man naheen lag raha tha. pita ne unke liye tayootar bhi lagaaya, kintu vah bhi kaaragar naheen hua. yadyapi vahaaain se unhonne bi. A paas kar liya. kintu Madras vishv vidyaalaya nein unhein M. A mein pravesh naheen diya. isliye unhein Lucknow vishv vidyaalaya jaana pada.

snaatakottar

Lucknow vishvavidyaalaya mein baalakrushn ko M. A karne ki tatha saath hi L. L.bi ki pareeksha paas karne ki sveekruti mil gayi. vahaaain unhonne san 1940 mein pravesh liya. angreji saahitya padhne mein unhonne apni ruchi pai. usi ko padhne mein unka adhik samay jaata tha.

Lucknow vishvavidyaalaya ki padhaai samaapt karne ke baad baalakrushn ne patrakaarita ka kaarya praarambh kiya. unke lekh mi. traimp ke chhadm naam se prakaashit hue. in lekhon me samaaj ke gareeb aur upekshit vyaktiyon ka chitran tha. ek tarah se ye us samay ke sarkaar aur dhani purushon ka upahaas tha.

rujhaan

san 1948 mein baalakrushn rishikesh pahuainche. ve dekhna chaahate the ki Bhaarat ke sant mahaatma kitne upayogi anupayogi hai. vahaaain pahunchane par unhein svaami shivaanand ki jaankaari hui. ve dakshin ke rahane vaale the aur unki bhaasha angreji thi. is kaaran baalakrushn unke hi aashram mein ja pahuainche. vahaaain ve svaami ji ki sveekruti se anya aashramavaasiyon ke saath rahane lage. yadyapi ve us samay kisi dhaarmik krutya mein vishvaas nahi rakhate the, kintu shraddhaalu purush ki bhaanti aashramavaasiyon ka anukaran karte hue rahane lage. ve praat: kaal ganga ji mein snaan karte, saayankaal praarthana mein sammilit hote aur aashram ke kaam bhi karte.

deeksha

sanyaas ke din guru shivaanand sarasvati ke saath chinmayaanand tatha unke anya gurubhaai

isi samay ve svaami shivaanand ji se prabhaavit hue aur unase sannyaas ki deeksha le li. ab unka naam svaami chinmayaanand ho gaya. ve apne guru se maarg - darshan pustakaalaya ki ek - ek pustak lekar adhyayan karne lage. din bhar padhne ke liye paryaapt samay rahata. un dinon aashram mein bijli naheen thi. isliye raat ke samay padhne ki suvidha nahi thi. svaami ji us samay din bhar padhe hue vishyon ka chintan karte the. kuchh dinon baad unka adhyayan gahan ho gaya aur ve bade gambheer chintan mein vyast rahane lage.

unki yeh sthiti dekhkar svaami shivaanand ji ne unhein svaami tapovan ji ke paas upanishdon ka adhyayan karne ke liye bhej diya. un dinon svaami tapovan mahaaraaj uttarakaashi mein vaash karte the. unke paas rahakar lagbhag 8 varsh unhonne vedaant adhyayan kiya. tapovan ji ko koi jaldi naheen thi. ve ek ghante nitya padhaate the. shesh samay shishya manan - chintan mein vyateet karta tha. yeh adhyayan bauddhik to tha hi, kintu vyaavahaarik bhi tha. svaami ji ko apni guru ke shiksha anusaar sanyami, virkt aur shaant rahane ka abhyaas karna hota tha. iske parinaamasvaroop, svaami ji ka svabhaav bilkul badal gaya. jeevan aur jagat ke prati unki dhaarana badal gayi.

dehaant

svaami chinmayaanand ji ne apna bhautik shareer 3 August 1993 E. ko America ke sen diyaago nagar mein tyaag diya.

lok seva

adhyayan samaapt karne ke baad svaami ji ke man me lok seva karne ka vichaar prabal hone laga. tapovan ji se sveekruti paakar ve dakshin Bhaarat ki or chale aur poona pahuainche. vahaaain unhonne apna pratham gyaan yagya kiya. yeh ek prakaar ka naya prayog tha. praarambh mein shrotaaon ki sankhya chaar ya chhah hi tha. vah dheere dheere badhne lagi. lagbhag ek maheene ke gyaan yagya ke baad ve Madras chale gaye aur vahaaain doosra gyaan yagya praarambh kiya. in yajnyaon mein svaami ji swayam prachaar karte the aur swayam yagya karte the. kuchh samay baad hi unke sahaayak taiyaar hue aur fir usane ek sanstha ka rup le liya. dheere - dheere unke pravachanon ki maaaing badhne lagi. svaami ji ne bhi gyaan - yagya ka samay ek maheene se ghataakar pandrah din ya fir aur fir das din ya saat din kar diya.

pehle ye gyaan-yagya Bhaarat ke bade shaharon mein hue, fir chhote shaharon mein. kuchh samay baad svaami ji videsh bhi jaane lage.ab in yajnyaon ki itni adhik maaaing hui ki use ek vyakti dvaara poora karna asambhav ho gaya. isliye svaami ji ne Mumbai saandeepani ki sthaapana ki aur brahmachaariyon ko prashikshit karna praarambh kiya. do tin varsh padhne ke baad brahmachaari chhote yagya karne lage, svaadhyaaya mandal chalaane lage aur anek prakaar ke seva kaarya karne lage.

is samay desh mein 175 kendra aur videshon mein lagbhag 40 kendra kaarya kar rahe hai. in kendron par lagbhag 150 svaami evam brahmachaari kaarya mein lage hai. yeh sankhya har varsh badh rahi hai.

inhein bhi dekhein

baahari kadiyaaain