svaami bhaarati Krishna teerth

svaami bhaarati Krishna teerth ji mahaaraaj

svaami bhaarati krushnateerth ji mahaaraaj (14 March 1884 - 2 fravari 1960) jagannaathapuri ke shankaraachaarya the. shaastrokt ashtaadash vidyaaon ke jnyaaata, anek bhaashaaon ke prakaand pandit tatha darshan ke adhyeta puri ke shankaraachaarya svaami bhaarati krushnateerth ji mahaaraaj ne vaidik ganit ki khoj kar samast vishv ko aashcharyachakit kar diya tha. ve ek aise anoothe dharmaachaarya the jinhonne shiksha ke prasaar se lekar svadeshi, svaadheenata tatha saamaajik kraanti mein anootha yogadaan kar poore sansaar mein khyaati arjit ki thi.

parichay

14 March 1884 ko tirunnivlli mein deputy collector pi. nrusinh shaastri ke putr ke roop mein janmein Venkatraman janmajaat asaadhaaran pratibha ke svaami the. unhonne san‌ 1904 mein ek saath saat vishyon mein M.A. kiya. saahitya, bhoogol, itihaas, sangeet, ganit, jyotish jaise vishyon mein unki gahari paith thi.

jin dinon ve Baroda college mein vigyaan tatha ganit ke praadhyaapak the, usi college mein maharshi Arvind darshanashaastr ka adhyaapan karte the. donon sampark mein aae tatha raashtreeya chetna jaagrut kar desh ko svaadheen karaane ke liye yojana banaane lage. san‌ 1905 mein Bengal mein svadeshi aandolan ne jor pakada. Venkatraman shaastri tatha maharshi Arvind donon ne Calcutta pahunchakar use gati pradaan ki. unke ojasvi tatha tarkapoorn bhaashanon se Bengal ka prashaasan kaanp utha tha. Venkatraman shaastri ki ruchi aadhyaatm ki or badhi tatha unhonne shrungeri ke shankaraachaarya svaami sachchidaanand shivaabhinv nrusinh sarasvateeji mahaaraaj ke saanidhya mein kathoratam yog saadhana ki. govardhanapeeth, puri ke shankaraachaarya svaami madhusoodan teerth ne unhein sannyaas deeksha dekar Venkatraman ki jagah svaami bhaarati krushnateerth naamakaran kar diya.

san‌ 1921 mein unhein shankaraachaarya pad par abhishikt kiya gaya. usi varsh unhein akhil bhaarateeya Congress mahaasamiti ki kaaryakaarini ka sadasya manoneet kiya gaya. svaameeji ne raajadharm aur prajaadharm vishay par ek bhaashan diya jise sarkaar ne raajadroh ke liye bhadkaane ka aparaadh bataakar unhein giraftaar kar Karachi ki jail mein band kar diya. baad mein svaameeji Congress ke charchit Ali bandhuon ke saath Bihar ki jail mein bhi rahe. kaaraagaar ke ekaantavaas mein hi svaameeji ne atharvaved ke solah sootron ke aadhaar par ganit ki anek pravruttiyon ka samaadhaan evam anusandhaan kiya. ve beejaganit, trikonamiti aadi ganitshaastr ki jatil upapattiyon ka samaadhaan ved mein dhoodhne mein safal rahe. jail se riha hone ke baad unhonne anek vishvavavidyaalayon mein ganit par vyaakhyaan diye. kuchh hi dinon mein desh-videsh mein unki khoj ki charcha hone lagi.

svaameeji ne angareji mein lagbhag paanch hajaar prushthon ka ek vruhad granth 'vandars of vaidik maithemetiks' likha. svaameeji ke is granth ka vaidik ganit ke naam se hindi anuvaad kiya gaya. svaami ji ne vaidik ganit ke alaava brahmaasootr bhaashyam, dharm vidhaan tatha anya anek granthon ka bhi srujan kiya. brahmaasootr ke teen khandon ka prakaashan Calcutta vishvavidyaalaya ne kiya. san‌ 1953 mein unhonne vishvapunarnirmaan sangh ki sthaapana ki. unka mat tha ki aadhyaatmik moolyon ke maadhyam se hi vishvashaanti sthaapit ki ja sakti hai.

svaami bhaarati krushnateerth aa shankaraachaarya ji dvaara sthaapit mathon ke shankaraachaarya ki shrunkhala mein ek aise anoothe dharmaachaarya the. jinke vyaktitv mein bahumukhi pratibha tatha vibhinn vidhaaon ka anootha sangam tha. anoothe gyaan se mandit hone ke baavajood ve param virkt tatha paramahans koti ke sannyaasi the. ve asvasth hue-unke bhakton ki ichha thi ki unhein America le jaakar chikitsa karaai jaae. unhonne 2 fravari 1960 ko nirvaan praapt karne se ek saptaah poorv hi kah diya tha ki sannyaasi ko nashvar shareer ki chinta naheen karni chaahiye, jab Bhagwan ka bulaava aae use paralok gaman ke liye taiyaar rahana chaahiye.

inhein bhi dekhein

baahari kadiyaaain

  • Follow Us:
  • Get daily news by email:

  • Delivered by FeedBurner