sushrut sanhita

sushrut sanhita aayurved evam shalyachikitsa ka praacheen sanskrut granth hai. iske rachayita sushrut hain jo chhathi shataabdi isaapoorv kaashi mein janme the. sushrutasanhita aayurved ke teen moolabhoot granthon mein se ek hai. aathaveen shataabdi mein is granth ka arabi bhaasha mein 'kitaab-A-susrud' naam se anuvaad hua tha. sushrutasanhita mein 184 adhyaaya hain jinmein 1120 rogon, 700 aushadheeya paudhon, khanij-sroton par aadhaarit 64 prakriyaaon, jantu-sroton par aadhaarit 57 prakriyaaon, tatha aath prakaar ki shalya kriyaaon ka ullekh hai.

anukram

sanrachana

sushrut sanhita do khandon mein vibhkt hai : poorvatantr tatha uttaratantr

poorvatantr : poorvatantr ke paaainch bhaag hain- sootrasthaan, nidaanasthaan, shareerasthaan, kalpasthaan tatha chikitsaasthaan. ismein 120 adhyaaya hain jinmein aayurved ke pratham chaar angon (shalyatantr, agadatantr, rasaayanatantr, vaajeekaran) ka vistrut vivechan hai. (charakasanhita aur ashtaangahrudaya granthon mein bhi 120 adhyaaya hi hain.)

uttaratantr : is tantr mein 64 adhyaaya hain jinmein aayurved ke shesh chaar angon (shaalaakya, kaumaaryabhrutya, kaayachikitsa tatha bhootavidya) ka vistrut vivechan hai. is tantr ko 'aupadravik' bhi kehte hain kyonki ismein shalyakriya se hone vaale 'upadravon' ke saath hi jvar, pechis, hichki, khaansi, krumirog, paandu (peeliya), kamala aadi ka varnan hai. uttaratantr ka ek bhaag 'shaalaakyatantr' hai jismein aaainkh, kaan, naak evam sir ke rogon ka varnan hai.

shalyakriyaaeain

sushrutasanhita mein aath prakaar ki shalya kriyaaon ka varnan hai:

  • (1) chhedya (chhedan hetu)
  • (2) bhedya (bhedan hetu)
  • (3) lekhya (alag karne hetu)
  • (4) vedhya (shareer mein haanikaarak dravya nikaalne ke liye)
  • (5) aishya (naadi mein ghaav dhoondhane ke liye)
  • (6) ahaarya (haanikaarak utpattiyon ko nikaalne ke liye)
  • (7) vishravya (drav nikaalne ke liye)
  • (8) seevya (ghaav silne ke liye)

sushrut sanhita mein shalya kriyaaon ke liye aavashyak yantron (saadhanon) tatha shastron (upakaranon) ka bhi vistaar se varnan kiya gaya hai. is mahaan granth mein 24 prakaar ke svaastikon, 2 prakaar ke sandason (), 28 prakaar ki shalaakaaon tatha 20 prakaar ki naadiyon (nalika) ka ullekh hua hai. inke atirikt shareer ke pratyek ang ki shastr-kriya ke liye bees prakaar ke shastron (upakaranon) ka bhi varnan kiya gaya hai. oopar jin aath prakaar ki shalya kriyaaon ka sandarbh aaya hai, ve vibhinn saadhanon va upakaranon se ki jaati theen. upakaranon (shastron) ke naam is prakaar hain-

arddhaaadhaar, atimukh, ara, badisha, dant shanku, eshani, kar-patra, krutaarika, kuthaarika, kush-paatr, mandalaagr, mudrika, nakh shastr, sharaarimukh, soochi, trikurchakar, utpal patra, vrudh-patra, vruhimukh tatha vetas-patra

aaj se kam se kam teen hajaar varsh poorv sushrut ne sarvotkrusht ispaat ke upakaran banaaye jaane ki aavashyakta bataai. aachaarya ne is par bhi bal diya hai ki upakaran tej dhaar vaale hon tatha itne paine ki unase baal ko bhi do hisson mein kaata ja sake. shalyakriya se pehle va baad mein vaataavaran va upakaranon ki shuddhata (rog-pratirodhi vaataavaran) par sushrut ne vishesh jor diya hai. shalya chikitsa (surgery) se pehle rogi ko sanjnyaa-shoonya karne (enestheshiya) ki vidhi va iski aavashyakta bhi bataai gayi hai.

in upakaranon ke saath hi aavashyakta padne par baans, sfatik tatha kuchh vishesh prakaar ke prastar khandon ka upayog bhi shalya kriya mein kiya jaata tha. shalya kriya ke marmajnya maharshi sushrut ne 14 prakaar ki pattiyon ka vivran kiya hai. unhonne haddiyon ke khiskane ke chhah prakaaron tatha asthibhang ke 12 prakaaron ki vivechana ki hai. yahi naheen, sushrutasanhita mein kaan sambandhi beemaariyon ke 28 prakaar tatha netr-rogon ke 26 prakaar bataae gaye hain.

sushrut sanhita mein manushya ki aanton mein karkat rog (Cancer) ke kaaran utpann haanikr tantuon (tishyuon) ko shalya kriya se hata dene ka vivran hai. shalyakriya dvaara shishu-janm (seejeriyn) ki vidhiyon ka varnan kiya gaya hai. 'nyooro-surgery' arthaat‌ rog-mukti ke liye naadiyon par shalya-kriya ka ullekh hai tatha aadhunik kaal ki sarvaadhik pecheedi kriya 'plastic surgery' ka savistaar varnan sushrut ke granth mein hai.

asthibhang, krutrim angaropan, plastic surgery, dantachikitsa, netrachikitsa, motiyaabind ka shastrakarm, pathari nikaalna, maata ka udar cheerakar bachcha paida karna aadi ki vistrut vidhiyaaain sushrutasanhita mein varnit hain.

inhein bhi dekhein

baahari kadiyaaain