sundaradaas

sundaradaas (chaitr shukl 9, san. 1653 vi. - kaartik shukl 8, san. 1746 vi.) bhaktikaal mein jnyaaanaashrayi shaakha ke pramukh kavi the. ve nirgun bhakt kaviyon mein sabse adhik shaastr nishnaat aur sushikshit sant kavi the. saastrajnyaaanasanpann aur kaavya kala nipun kavi ke roop mein sundaradaas ka hindi sant-kaavya-dhaara ke kaviyon mein vishisht sthaan hai.

parichay

sundaradaas ka janm Jaipur raajya ki praacheen rajdhani dyosa mein rahane vaale Khandelwal vaishya parivaar mein chaitr shukl 9, san. 1653 vi. ko hua tha. maata ka naam sati aur pita ka naam paramaanand tha. 6 varsh ki avastha mein ye prasiddh sant daadoo ke shishya bane aur unheen ke saath rahane bhi lage. daadoo inke adbhut roop ko dekhkar inhein 'sundar' kehne lage the. chooainki sundar naam ke inke ek aur gurubhaai the isliye ye 'chhote sundar' naam se prakhyaat the. jab san. 1660 mein daadoo ki mrutyu ho gayi tab ye naraana se jagajeevan ke saath apne janm sthaan dyausa chale aae. fir san. 1663 vi. mein rajjab aur jagajeevan ke saath kaashi gaye jahaaain vedaant, saahitya aur vyaakaran aadi vishyon ka 18 varshon tak gambhir anusheelan parisheelan karte rahe. tadanantar inhonne fatehapur (shekhaavati) mein 12 varsh yogaabhyaas mein bitaaya. isi beech yahaaain ke sthaaneeya navaab alif khaaain se, jo sukavi bhi the, inka maitreebhaav sthaapit hua. ye paryatanasheel bhi khoob the. Rajasthan, Punjab, Bihar, Bengal, udeesa, Gujarat, maalava aur badareenaath aadi naana sthaanon ka bhraman karte rahe. hindi ke atirikt inhein sanskrut, punjabi, gujaraati, maaravaadi aur faarasi aadi bhaashaaon ki bhi achhi jaankaari thi. sarvada stri charcha se door rahakar ye aajeevan baalabrahmachaari rahe. inka svargavaas kaartik shukl 8, san. 1746 vi. ko saaaingaaner naamak sthaan mein hua.

krutiyaaain

chhoti-badi sabhi krutiyon ko milaakar sundaradaas ki kul 42 rachanaaeain kahi gayi hain jinmein pramukh hain 'gyaan samudra', 'sundar vilaas', 'sarvaangayogapradeepika', 'pancheindriya charitra', 'sukh samaadhi', 'adbhut upadesh', 'svapn prabodh', 'ved vichaar', 'ukt anoop', 'gyaan jhoolana' 'panch prabhaav' aadi.

sundaradaas ne apni anek rachanaaon ke maadhyam se bhaarateeya tatvajnyaaan ke praaya: sabhi roopon ka achha digdarshan karaaya. inki drushti mein anya saamaanya santon ki bhaaainti hi siddhaant gyaan ki apeksha anubhav gyaan ka mahatva adhik tha. ye yog aur advait vedaant ke poorn samarthak the. ye kaavya reetiyon se bhali bhaaainti parichit rasasiddh kavi the. is arth mein ye anya nirguni santon se sarvatha bhinn thaharate hain. kaavya-garima ke vichaar se inka 'sundar vilaas' bada lalit aur rochak granth hai. inhonne reeti kaviyon ki paddhati par chitr kaavya ki bhi srushti ki hai jisse inki kavita par reeti kaavya ka prabhaav spashtat: parilkshit hota hai. parimaarjit aur saalankaar brajabhaasha mein inhonne bhaktiyog, darshan, gyaan, neeti aur upadesh aadi vishyon ka paandityapoorn pratipaadan kiya hai.