sumitraanandan pant
sumitraanandan pant sumitraanandan pant |
|
| janm: |
20 May, 1900 kausaani, almoda, uttaraakhand, Bhaarat |
|---|---|
| mrutyu: |
28 December, 1977 Allahabad, uttar pradesh, Bhaarat |
| kaaryakshetr: | adhyaapak, lekhak |
| raashtreeyata: | bhaarateeya |
| bhaasha: | hindi |
| kaal: | aadhunik kaal |
| vidha: | padya |
| vishay: | geet, kavitaaeain |
|
saahityik aandolan: |
chhaayaavaad, rahasyavaad va pragativaad |
| pramukh kruti(yaaain): | chidanbara kavita sangrah |
| hastaakshar: |  |
sumitraanandan pant (20 May 1900 - 28 December 1977) hindi saahitya mein chhaayaavaadi yug ke chaar pramukh stambhon mein se ek hain. is yug ko jayashankar prasaad, mahaadevi varma, sooryakaant tripaathi 'niraala' aur Ramkumar varma jaise kaviyon ka yug kaha jaata hai. unka janm almoda mein hua tha. jharana, barf, pushp, lata, bhanvara gunjan, usha kiran, sheetal pavan, taaron ki chunari odhe gagan se utarati sandhya ye sab to sahaj roop se kaavya ka upaadaan bane. nisrg ke upaadaanon ka prateek va bimb ke roop mein prayog unke kaavya ki visheshata rahi. unka vyaktitv bhi aakarshan ka kendra bindu tha, gaur varn, sundar saumya mukhaakruti, lambe ghungharaale baal, unchi naajuk kavi ka prateek sama shaareerik saushthav unhein sabhi se alag mukharit karta tha.[1]
anukram
jeevan parichay
pant ka janm almoda jile ke kausaani naamak gram mein 20 May 1900 E. ko hua. janm ke chhah ghante baad hi unki maaain ka nidhan ho gaya. unka laalan-paalan unki daadi ne kiya. unka praarambhik naam gusaai datt rakha gaya.[2] ve saat bhaai bahanon mein sabse chhote the. unki praarambhik shiksha almoda mein hui. 1918 mein ve apne mainjhale bhaai ke saath kaashi aa gaye aur kveens college mein padhne lage. vahaaain se maadhyamik pareeksha utteern kar ve Allahabad chale gaye. unhein apna naam pasand naheen tha, isliye unhonne apna naya naam sumitraanandan pant rakh liya. yahaaain myor college mein unhonne baaraveen mein pravesh liya. 1921 mein asahayog aandolan ke dauraan mahaatma Gandhi ke bhaarateeyon se angreji vidyaalayon, mahaavidyaalayon, nyaayaalayon evam anya sarkaari kaaryaalayon ka bahishkaar karne ke aahvaan par unhonne mahaavidyaalaya chhod diya aur ghar par hi hindi, sanskrut, baingala aur angreji bhaasha-saahitya ka adhyayan karne lage.Allahabad mein ve kachahari ke paas prakruti saundarya se saje hue ek sarkaari bangale mein rahate the. unhonne Allahabad aakaashavaani ke shuruaati dinon mein salaahakaar ke roop mein bhi kaarya kiya. unhein madhumeh ho gaya tha. unki mrutyu 28 December 1977 ko hui.
saahitya srujan
saat varsh ki umr mein, jab ve chauthi kaksha mein hi padh rahe the, unhonne kavita likhna shuru kar diya tha. 1918 ke aaspaas tak ve hindi ke naveen dhaara ke pravartak kavi ke roop mein pahachaane jaane lage the. is daur ki unki kavitaaen veena mein sankalit hain. 1926-27 mein unka prasiddh kaavya sankalan 'pallav' prakaashit hua. kuchh samay pashchaat ve apne bhaai deveedatt ke saath almoda aa gaye. isi dauraan ve maarks va fraayad ki vichaaradhaara ke prabhaav mein aaye. 1938 mein unhonne 'roopaabha” naamak pragatisheel maasik patra nikaala. shamasher, raghupati sahaaya aadi ke saath ve pragatisheel lekhak sangh se bhi jude rahe. ve 1955 se 1962 tak aakaashavaani se jude rahe aur mukhya-nirmaata ke pad par kaarya kiya. unki vichaaradhaara yogi aravind se prabhaavit bhi hui jo baad ki unki rachanaaon mein dekhi ja sakti hai. “aveenaa” tatha “apallava” mein sankalit unke chhote geet viraat vyaapak saundarya tatha pavitrata se saakshaatkaar karaate hain. “ayugaanta” ki rachanaaon ke lekhan tak ve pragatisheel vichaaradhaara se jude prateet hote hain. “ayugaanta” se “agraamyaa” tak unki kaavyayaatra pragativaad ke nishchit va prakharasvaronki udaghoshana karti hai. unki saahityik yaatra ke teen pramukh padaav hain – pratham mein ve chhaayaavaadi hain, doosare mein samaajavaadi aadarshon se prerit pragativaadi tatha teesare mein aravind darshan se prabhaavit adhyaatmavaadi. 1907 se 1918 ke kaal ko swayam unhonne apne kavi-jeevan ka pratham charan maana hai. is kaal ki kavitaaeain veena mein sankalit hain. san 1922 mein uchhavaas aur 1928 mein pallav ka prakaashan hua. sumitraanandan pant ki kuchh anya kaavya krutiyaaain hain - granthi, gunjan, graamya, yugaant, svarnakirn, svarnadhooli, kala aur boodha chaaaind, lokaayatan, chidanbara, satyakaam aadi. unke jeevanakaal mein unki 28 pustakein prakaashit huin, jinmein kavitaaen, padya-naatak aur nibandh shaamil hain. pant apne vistrut vaaङaamaya mein ek vichaarak, daarshanik aur maanavataavaadi ke roop mein saamane aate hain kintu unki sabse kalaatmak kavitaaen 'pallav' mein sankalit hain, jo 1918 se 1925 tak likhi gayi 32 kavitaaon ka sangrah hai.[3]
vichaaradhaara
unka sampoorn saahitya 'satyam shivm sundaram' ke aadarshon se prabhaavit hote hue bhi samay ke saath nirantar badalta raha hai. jahaan praarambhik kavitaaon mein prakruti aur saundarya ke ramaneeya chitr milte hain vaheen doosare charan ki kavitaaon mein chhaayaavaad ki sookshm kalpanaaon va komal bhaavanaaon ke aur antim charan ki kavitaaon mein pragativaad aur vichaarasheelata ke. unki sabse baad ki kavitaaen Arvind darshan aur maanav kalyaan ki bhaavanaaon se otaprot hain.[4] pant paranparaavaadi aalochakon aur pragativaadi va prayogavaadi aalochakon ke saamane kabhi naheen jhuke. unhonne apni kavitaaon mein poorv maanyataaon ko nakaara naheen. unhonne apne oopar lagne vaale aaropon ko 'namr avajnyaa' kavita ke maadhyam se khaarij kiya. vah kehte the 'ga kokila sandesh sanaatan, maanav ka parichay maanavapan.'
puraskaar va sammaan
hindi saahitya seva ke liye unhein padmabhooshan(1961), jnyaaanapeeth(1968)[5], saahitya academy[6], tatha soviyt land Nehru puraskaar[7] jaise uchch shreni ke sammaanon se alankrut kiya gaya. sumitraanandan pant ke naam par kaushaani mein unke puraane ghar ko jismein ve bachapan mein raha karte the, sumitraanandan pant veethika ke naam se ek sangrahaalaya ke roop mein parivrtit kar diya gaya hai. ismein unke vyaktigat prayog ki vastuon jaise kapadon, kavitaaon ki mool paandulipiyon, chhaayaachitron, patron aur puraskaaron ko pradarshit kiya gaya hai.[8] ismein ek pustakaalaya bhi hai, jismein unki vyaktigat tatha unase sambandhit pustakon ka sangrah hai.[9][10] unka dehaant 1977 mein hua.
smruti vishesh
uttaraakhand mein kumaayun ki pahaadiyon par base kausaani gaanv mein, jahaaain unka bachapan beeta tha, vahaan ka unka ghar aaj 'sumitra nandan pant saahityik veethika' naamak sangrahaalaya ban chuka hai. is mein unke kapde, chashma, kalam aadi vyaktigat vastuen surakshit rakhi gayi hain. sangrahaalaya mein unako mile jnyaaanapeeth puraskaar ka prashastiptr, hindi saahitya sansthaan dvaara mila saahitya vaachaspati ka prashastiptr bhi maujood hai. saath hi unki rachanaaen lokaayatan, aastha, roopam aadi kavita sangrah ki paandulipiyaan bhi surakshit rakhi hain. kaalaakaankar ke kunvar suresh Singh aur harivansh rai Bachchan se kiye gaye unke patra vyavahaar ki pratilipiyaan bhi yahaan maujood hain.
sangrahaalaya mein unki smruti mein pratyek varsh pant vyaakhyaan maala ka aayojan hota hai. yahaaain se 'sumitraanandan pant vyaktitv aur krutitv' naamak pustak bhi prakaashit ki gayi hai. unke naam par Allahabad shahar mein sthit haathi park ka naam sumitra nandan pant udyaan kar diya gaya hai.
yeh bhi dekhein
sandarbh
- ↑ "nisrg mein vaishvik chetna ki anubhooti: sumitraanandan pant" (peeechapi). taaptilok. http://taptilok.com/pages/details.php?detail_sl_no=294&cat_sl_no=8. abhigman tithi: 2007.
- ↑ "sumitraanandan pant" (echateeem). uttaraanchal. http://tdil.mit.gov.in/CoilNet/IGNCA/utrn0002.htm. abhigman tithi: 2007.
- ↑ "sumitraanandan pant" (angreji mein) (echateeemael). kalcharopediya. http://www.culturopedia.com/Personalities/indianpersonality-sumitranandanpant.html. abhigman tithi: 2007.
- ↑ "hindi literature" (angreji mein) (echateeem). seejns India. http://www.seasonsindia.com/art_culture/lit_hindi_sea.htm. abhigman tithi: 2007.
- ↑ "jnyaaanapeeth award" (angreji mein) (echateeem). vebaindiyaa123.com. http://www.webindia123.com/government/award/jnanpith.htm. abhigman tithi: 2007.
- ↑ "saahitya ekedami award end feloships" (angreji mein) (echateeem). saahitya academy. http://www.sahitya-akademi.org/sahitya-akademi/awa10306.htm#hindi. abhigman tithi: 2007.
- ↑ "sumitraanandan pant" (angreji mein) (echateeem). indiyaanetajon.com. http://www.indianetzone.com/9/sumitranandan_pant.htm. abhigman tithi: 2007.
- ↑ "kaushaani" (angreji mein) (eesapi). med in India. http://www.medindia.net/taste_of_india/travel/kaushani.asp. abhigman tithi: 2007.
- ↑ "sumitraanandan pant veethika" (angreji mein) (echateeem). indiyaa9.com. http://www.india9.com/i9show/Sumitranandan-Pant-Vithika-27030.htm. abhigman tithi: 2007.
- ↑ "sumitraanandan pant veethika" (angreji mein) (eesapi). kraaft rivaaival trast. http://craftrevivaltrust.org/detailsMuseums.asp?CountryName=India&MuseumCode=001851. abhigman tithi: 2007.