sujaata (1959 film)

sujaata 1959 mein bani hindi bhaasha ki film hai. iske nirmaata va nirdeshak prasiddh biml Roy the tatha is film mein mukhya bhoomika suneel datt tatha nootan ne nibhaai thi. yeh film Bhaarat mein prachalit chhuaachhoot ki kupratha ko ujaagar karti hai. is film ki kahaani ek braahman purush aur ek achhoot kanya ke prem ki kahaani hai. is film ko 1959 mein filmafeyar sarvashreshth film puraskaar se sammaanit kiya gaya tha.

ek sabhraant braahman dampati upendr chaudhari (tarun Bose) tatha chaaru (sulochana) ke ghar kaam karne vaale ki patni samet haije ke kaaran mrutyu ho jaati hai aur vah apne peechhe ek navajaat bachchi chhod jaate hain jise chaaru ki jid se upendr ke parivaar ki aaya paalne lag jaati hai aur jiska naam sujaata (badi hokar nootan) rakha jaata hai. upendr dampati ki apni bhi ek navajaat bachchi hoti hai jiska naam hota hai rama (badi hokar shashikla). choonki sujaata ka pita achhoot jaati se tha isliye jab upendr ki buaa (lalita Pawar) unke ghar aati hain to sujaata ko chhupaane ki koshish kiye jaane ke baavajood buaa ko pata chal jaata hai aur upendr dampati ko vah nirdesh deti hai ki use kisi bhi tarah se usi ki jaat biraadari mein bhej diya jaaye. lekin saare prayaas vifal ho jaate hain. sujaata upendr parivaar mein hi badi hoti hai aur upendr dampati ko hi vah apna maaain-baap samajhne lagti hai. rama bhi usako apni badi bahan maanati hai. lekin sujaata anapadh hoti hai jabki rama college mein padhti hai.
buaa ka navaasa adheer (suneel datt) jab shahar se padhaai kar vaapas aata hai to use sujaata ko dekhte hi pyaar ho jaata hai jabki buaa chaahati hai ki adheer aur rama ka vivaah ho. sujaata bhi adheer ko chaahane lagti hai. ek din jab chaaru aur buaa ke beech chal rahi baatcheet ko jab sujaata sunati hai to use pata chalta hai ki vah achhoot hai. vah adheer se kinaara karne ki koshish karti hai lekin adheer naye khyaalaat ka ladka hai aur vah in dakiyaanoosi baaton ko naheen maanata hai.
ek din ek haadase mein chaaru ko chot lag jaati hai aur use khoon dene ki jrurat padti hai. keval sujaata ka hi khoon chaaru ke khoon se milta hai isliye chaaru ko sujaata ka khoon chadhta hai. isse pehle chaaru buaa ke bahakaave mein aakar sujaata ko adheer se prem karne ke liye dutkaarati thi, lekin ab chaaru sujaata ko apna leti hai aur aakhirkaar buaa bhi is rishte ko apni manjoori de deti hai.

• suneel datt - adheer
• nootan - sujaata
• shashikla - rama chaudhari
• lalita Pawar - upendr chaudhari ki buaa
• tarun Bose - upendr chaudhari
• asit sen - pandit ji (chhota rol)
• sulochana - chaaru chaudhari

• suneel datt
• nootan
• shashikla
• lalita Pawar
• tarun Bose
• asit sen
• sulochana

is film mein sangeet diya hai ऍs di barman ne aur geet ke bol likhe hain majaruh sultaanapuri ne.

bauks office

sameekshaaeain

filmafeyar puraskaar

• filmafeyar sarvashreshth film puraskaar - biml Roy
• filmafeyar sarvashreshth abhinetri puraskaar - nootan
• filmafeyar sarvashreshth nirdeshak puraskaar - biml Roy
• filmafeyar sarvashreshth katha lekhan puraskaar - subodh ghosh

raashtreeya film puraskaar

teesari shreshth feature film puraskaar

• sujaata Internet moovi detaabes par