sugreev

sugreev raamaayan ka ek pramukh paatr hai. vah vaali ka anuj hai. hanumaan ke kaaran Ram se usaki mitrata huyi. vaalmeeki raamaayan mein kishkindhaakaand, sundarakaand tatha yuddhakaand mein sugreev ka varnan vaanararaaj ke roop mein kiya gaya hai. jab Ram se usaki mitrata huyi tab vah apne agraj vaali ke bhaya se rishyamook parvat par hanumaan tatha kuchh anya vafaadaar reechh (riaksh) (jaamavant) tatha vaanar senaapatiyon ke saath rah raha tha. lanka par chadhaai ke liye sugreev ne hi vaanar tatha riaksh sena ka prabandh kiya tha.

anukram

vaali se vair

Ram-sugreev milaap

dundubhi ke bade bhaai maayaavi ki vaali se kisi stri ko lekar badi puraani shatruta thi. maayaavi ek raat kishkindha aaya aur vaali ko dvandv ke liye lalkaara. lalakaar sveekaar kar vaali us asur ke peechhe bhaaga. saath mein sugreev bhi uske saath tha. bhaya ke kaaran bhaagte huye maayaavi jameen ke neeche bani ek kandara mein ghus gaya. vaali bhi uske peechhe-peechhe gaya. jaane se pehle usane sugreev ko yeh aadesh diya ki jab tak vah maayaavi ka vadh karke lautakar naheen aata, tab tak sugreev us kandara ke muhaane par khada hokar pahara de. ek varsh se adhik antaraal ke pashchaat kandara ke muhaane se rakt bahata hua baahar aaya. sugreev ne asur ki cheetkaar to suni parantu vaali ki naheen. yeh samajhakar ki usaka agraj ran mein maara gaya, sugreev ne us kandara ke muainh ko ek shila se band kar diya aur vaapas kishkindha aa gaya jahaaain usane yeh samaachaar sabko sunaaya.[1] mantriyon ne salaah kar sugreev ka raajyaabhishek kar diya. kuchh samay pashchaat vaali prakat hua aur apne anuj ko raaja dekh bahut kupit hua. sugreev ne use samajhaane ka bharsak prayatn kiya parantu vaali ne usaki ek na suni aur sugreev ke raajya tatha patni rooma ko hadpakar use desh-nikaala de diya. dar ke kaaran sugreev ne rishyamook parvat mein sharan li jahaaain shaap ke kaaran vaali naheen ja sakta tha. yaheen sugreev ka milaap hanumaan ke kaaran Ram se hua.[2]

sugreev-vaali dvandv

Ram ke yeh aashvaasan dene par ki Ram swayam vaali ka vadh kareinge, sugreev ne vaali ko lalkaara. vaali lalakaar sunakar baahar aaya. donon mein ghamaasaan yuddh hua, parantu dono bhaaiyon ki mukh tatha deh rachana samaan thi, isliye Ram ne asamanjas ke kaaran apna baan naheen chalaaya. antat: vaali ne sugreev ko buri tarah paraast karke door khaded diya. sugreev niraash hokar fir Ram ke paas aa gaya.[3] Ram ne is baar Lakshman se sugreev ke gale mein maala pahanaane ko kaha jisse vah dvandv ke dauraan sugreev ko pahachaanane mein glati naheen kareinge aur sugreev se vaali ko pun: lalakaarane ko kaha. hataash sugreev fir se kishkindha ke dwaar ki or vaali ko lalakaarane ke liye chal pada. jab vaali ne dobaara sugreev ki lalakaar suni to uske krodh ka thikaana na raha. taara ko shaayad is baat ka bodh ho gaya tha ki sugreev ko Ram ka sanrakshan haasil hai kyonki akele to sugreev vaali ko dobaara lalakaarane ki himmat kadaapi naheen karta. at: kisi anhoni ke bhaya se taara ne vaali ko saavdhaan karne ki cheshta ki. usane yahaaain tak kaha ki sugreev ko kishkindha ka Rajkumar ghoshit kar vaali uske saath sandhi kar le. kintu vaali ne is shak se ki taara sugreev ka anuchit paksh le rahi hai, use dutkaar diya. kintu usane taara ko yeh aashvaasan diya ki vah sugreev ka vadh naheen karega aur sirf use achha sabak sikhaayega.[4]
donon bhaaiyon mein fir se dvandv shuru hua lekin is baar Ram ko donon bhaaiyon ko pahachaanane mein koi glati naheen huyi aur unhonne vaali par ped ki ot se baan chala diya. baan ne vaali ke hrudaya ko bedh daala aur vah dhaaraashaayi hokar jameen par gir gaya.[5]

Lakshman ko shaant karna

taara tatha sugreev Lakshman ke saath

vaali ke vadh ke pashchaat taara ne yahi uchit samjha ki sugreev ko svaami sveekaar kare kyonki usane angad ke hiton ki raksha bhi to karni thi. jab sugreev raajollaas mein talleen ho gaya aur Ram ko seeta ka dhoondhane ka vachan bhool gaya to Ram ne Lakshman ko use apna vachan yaad karaane ko bheja. Lakshman vaise bhi kaafi gussail the. unhonne kishkindha ki rajdhani pampaapur mein lagbhag aakraman bol diya. sugreev ko apni glati ka ehsaas ho gaya lekin Lakshman ka saamana karne ki usaki himmat na huyi. usane taara se aagrah kiya ki vah Lakshman ko shaant kar de. taara ranivaas se madonmatt nikli aur Lakshman ko shaant kiya. usane maharshi vishvaamitr ka udaaharan diya ki aise mahaatma bhi indriya vishyak bhogon ke aage laachaar ho gaye the fir sugreev ki to bisaat hi kya aur yeh bhi ki vah manushya naheen varan ek vaanar hai. taara ne yeh bhi varnan kiya ki sugreev ne chaaron dishaaon mein sena ekatrit karne ke liye doot bhej diye hain. vaalmeeki raamaayan tatha anya bhaashaaon ke roopaantaranon mein yeh ullekh hai ki adhakhule nayanon waali madonmatt taara ke tarkon ko sunakar Lakshman thodi shaant ho gaye aur uske pashchaat sugreev ke aagaman aur usase seeta ko khojane ka aashvaasan paakar vaapas chale gaye. raamaayan ke kuchh kshetreeya roopaantaranon mein yeh bhi darshaaya gaya hai ki jis samay Lakshman ne kishkindha ki rajdhani ke raajamahal ke garbhaagruh mein krodhit hokar pravesh kiya tha us samay sugreev ke saath madira-paan karne waali usaki pratham patni rooma naheen apitu taara thi aur bhog vilaas mein vah donon talleen the. yahaaain par yeh yaad dilaana uchit hoga ki Ram se maitri karte samay sugreev ne apne raajya ke chhin jaane se bhi adhik vaali dvaara apni patni rooma ke chhin jaane ka khed prakat kiya tha. kuchh sanskaranon mein Lakshman ko shaant karne ke liye taara naheen varan sugreev swayam Lakshman ke saamane aata hai tatha unako yeh aashvaasan dilaata hai ki usane sena ekatrit karni shuru kar di hai. sugreev se yeh aashvaasan paakar Lakshman thoda shaant ho jaate hain.

lanka yuddh mein

Ram aur Lakshman sugreev se yuddh ki mantrana karte huye

lanka yuddh ke dauraan sugreev ne kumbhakarn ko lalakaar kar kreeb-kreeb apni maut ko daavat de di thi. kumbhakarn ko yuddh mein vaanar sena ka naash karte dekh sugreev ne ek saal ka vruksh ukhaadkar kumbhakarn par aakraman bol diya. lekin vah vruksh kumbhakarn ke sir se takaraakar toot gaya. kumbhakarn ne fir sugreev ko pakadkar ghaseeta aur use maar hi daalata lekin Lakshman ne ain vakht par aakar sugreev ko bacha liya.[6]

sandarbh