subhaash kaak

subhaash kaak

subhaash kaak (janm 26 March 1947) pramukh bhaarateeya-ameriki kavi, daarshanik aur vaigyaanik hain. ve America ke oklaahoma praant mein sanganak vigyaan ke professor hain. unke kai granth ved, kala aur itihaas par bhi prakaashit hue hain.[1]

unka janm shreenagar, Kashmir mein Ram naath kaak aur sarojini kaak ke yahaaain hua. unki shiksha Kashmir aur Delhi mein hui.[2]

anukram

kavita aur jeevan ka marm

kavita jeevan ki paheliyon par prakaash daalati hai. subhaash kaak ki shaili saral hai par is saralata ke bheetar vichaaron ki jatilta chhipi hui hai. vah prakrutivaad ke samarthak hain. prakruti ke maadhyam se vah jatil maanav bhaav prastut karte hain. vikhyaat vidvaan aur aalochak govind chandr paande ne unki kavita ki angreji ke William vardsavarth (William Wordsworth) ki rachanaaon se tulana ki hai. paandeji likhte hain --

unki bhaasha aur shaili aantarik gaambheerya ko saral praasaadikta se prastut karti hai jaisi kabhi sheshanaag sarovar ka salil. unki bhaav-bhoomi smrutiyon ki pachcheekaari se alankrut hai. unke bimb prakruti aur sahaj maanavata se baraabar jude rahate hain. in kavitaaon ko padhte hue aisa lagta hai ki na sirf kavi ek beete shaishav aur sudoor pradesh ki smrutiyon se abhibhoot hai balki apni saanskrutik dharohar ki badalti paristhiti ki aashankaaon se bhi chintit hai. unki kavitaaen anubhav ras se sikt hain, ve ulajhi bauddhikta aur aantarik visangatiyon se durbodh naheen hain. [3]

unki kavita ne hindi ke samakaaleen maarg aur vidhi se door naye roop ki sthaapana ka prayatn kiya hai. unki kavita ke kai sangrah prakaashit -- aur anya bhaashaaon mein anoodit -- ho chuke hain.[4][5]

sanskruti aur darshan

ve bhaarateeya vidya mein nipun aur saahitya, darshan, kala, evam sanskruti ke sahrud-marmajnya hain. vedakaal ka bahut samay se lupt unhonne ek jyotish dhoondh nikaala hai jisse Bhaarat ki sanskruti, vigyaan aur kaalakram par naya prakaash padata hai. inmein se sabse rochak 108 ank, jo bhaarateeya sanskruti mein bahut aata hai, ki vyaakhya hai. pramukh devi-devataaon ke 108 naam hain, japamaala mein 108 daane, 108 dhaam hain, aadi. inke shodh ne dikhaaya hai ki vaidik kaal mein yeh gyaan tha ki soorya aur chandrama pruthivi se kramash: lagbhag 108 guna niji vyaas ki doori par hain. aadhunik jyotish ne to yeh bhi dikhaaya hai ki soorya ka vyaas pruthivi ke vyaas se lagbhag 108 guna hai.[6] pind aur brahmaand ke sameekaran ke kaaran maanav apne vyaktigat aadhyaatmik yaatra mein bhi is sankhya ko paata hai, yeh ved ki dhaarana hai.[7]

is shodh ka vidvaanon ne svaagat kiya hai. America ke vedpandit vaamadev shaastri ne is shodh ko smaarakeeya upalabdhi (monumental achievement) kaha hai.[8]

Canada ke vikhyaat aachaarya class klaastarameyar ke anusaar, "meri bahut der ki samajh thi ki rigved mein bhaashaashaastr aur itihaas ke pare bahut kuchh tha. yeh hai vah!... yeh ek yugaantakakaari khoj (epoch-making discovery) hai."[9]

unka daarshanik drushtikon punargamanavaad se prerit hai, jiske anusaar vishv mein pratiroop vibhinn anumaap mein punaraavrut, athva doharate, hain aur kavi aur kalaakaar iseeka chitran karte hain. iska prayog kar unhonne bhaarateeya kala aur sanskruti ki vivechana ki hai. [10] [11] unke anusaar punargaman hi vishv ka samajhna sambhav karta hai.

ve sanskrut ke bhi vidvaan hain, is bhaasha mein unhonne vedaant ke nae sootr (prajnyaa sootr) ki rachana ki hai.

vigyaan ki seemaaen

vigyaan mein inka yogadaan bhautik shaastr aur sanganan shaastr par hua hai. unhonne krutrim buddhi (en:Artificial Intelligence) ki seema par shodh kiya hai aur vah is nishkarsh par pahunche hain ki sanganak buddhi kabhi bhi maanav buddhi ki seema par naheen pahunch sakti hai.[12] unke anusaar bhautik siddhaanton ka ekeekaran - jo pichhle kuchh dashakon mein vigyaan ka pramukh lakshya raha hai - asafal rahega. paarthav aur aadhyaatmik mein nirntar dvandv bana rahega. vah apne yamal parokshak ke samaadhaan ke kaaran samaachaar patron mein bahut charchit rahe hain.[13]

granth

Dr subhaash kaak (2015)
  • mrutak naayak (The Conductor of the Dead)
  • landan setu (The London Bridge)
  • mandir ki seedhiyaan
  • ishbar rahasya
  • ek taal, ek darpan (1999)[2]
  • prajnyaa sootr (2003)
  • chinaar upavan (The Chinar Garden) [3]
  • mit‍aati ka anuraag (2007) [4]
anya granth

sandarbh

  1. hindu samaachaarapatr mein saakshaatkaar
  2. "Distinguished Alumni Awards [vishisht poorv chhaatr puraskaar]". http://cronos.rutgers.edu/~jaluria/IIT%20Delhi%20Distinguished%20Alumni%20Awards.htm.
  3. govind chandr paande, praagvaach, ek taal, ek darpan, 1999
  4. state patrika
  5. http://www.museindia.com/featurecontent.asp?issid=53&id=4688
  6. su. kaak,Birth and Early Development of Indian Astronomy. [1] In "Astronomy Across Cultures: The History of Non-Western Astronomy", Helaine Selin (editor), Kluwer Academic, Boston, 2000, pp. 303-340.
  7. su. kaak, rigved ka koot-jyotish (2000)
  8. 'di estronomikl code of di rigved' ke jild se, munsheeraam manoharalaal, nai Delhi, 2000.
  9. 'di estronomikl code of di rigved' ke jild se, munsheeraam manohaaralaal, nai Delhi, 2000.
  10. su. kaak, reeti aur yagya
  11. su. kaak, sangeet
  12. su. kaak, maanav aur krutrim buddhi, ACM Ubiquity, 2005
  13. fij-org

baahya kadiyaan