soron

soron shookarakshetr uttar pradesh mein janapad- kaasaganj se 15 kimee0 door ek praacheen teerthasthal hai. is teerth ka pauraanik naam 'ookhal teerth' hai. praacheen samay mein soron shookarakshetr ko "soreyya" naam se bhi jaana jaata tha. soron shookarakshetr ke praacheen naam "soreyya" ka ullekh paali saahitya mein bhi hai.

pehle soron shookarakshetr ke nikat hi ganga bahti thi, kintu ab ganga door hat gayi hai. puraani dhaara ke tat par anek praacheen mandir sthit hain. yeh bhoomi bhagavaan vishnu ke truteeyaavataar bhagavaan vaaraah ki mokshabhoomi evam shreeraamacharitmaanas ke rachanaakaar mahaakavi Goswami tulaseedaas ji tatha ashtachhaap ke kavi nandadaas ji ki janmabhoomi bhi hai. tulaseedaas ji ne raamaayan ki katha apne guru naraharidaas ji se pratham baar yaheen par suni thi. nandadaas ji dvaara sthaapit baladev ka syaamaayan mandir soron shookarakshetr ka praacheen mandir hai. pauraanik gruddhavat yahaaain sthit hai. shri mahaaprabhu vallabhaachaarya ji ki 23 veen baithak hai. yahaaain hari ki paudi mein visrjit ki gayeen asthiyaaain teen din ke ant mein renu roop dhaaran kar leti hain, aisa aaj bhi pratyaksh pramaan hai. yahaaain bhagavaan vaaraah ka vishaal praacheen mandir hai. maargasheersh mela yahaaain ka prasiddh mela hai. janashruti hai ki bhaaratavarsh ke pratyek hindu parivaar mein pooje jaane waali holika ka janm bhi isi nagar mein hua tha.

bhaageerathi ganga nadi ke tat par ek praacheen stoop ke khandahar bhi mile hain, jinmein seeta-Ram ke naam se prasiddh mandir sthit hai. kaha jaata hai ki is mandir ka nirmaan raaja ben ne karavaaya tha. praacheen mandir kaafi vishaal tha, jaisa ki usaki praacheen bhittiyon ki gahari neenv se prateet hota hai. anek praacheen abhilekh bhi is mandir par utkeern hain, jinmein sarvapraacheen abhilekh 1226 vikram samvat=1169 E. ka hai.

is mandir ko 1511 E. ke lagbhag sikndar lodi ne nasht kar diya tha.