sopaara

sopaara
city
सोपारा is located in महाराष्ट्र
sopaara
nirdeshaank : 19°a28′aN 72°a48′aE / 19.47°aN 72.8°aE / 19.47; 72.8Erioll world.svgnirdeshaank: 19°a28′aN 72°a48′aE / 19.47°aN 72.8°aE / 19.47; 72.8
Country India
State Maharashtra
District Palghar
ooainchaai 11
samay mandal IST (UTC +5:30)

sopaara Maharashtra raajya ke thaane jile mein sthit ek praacheen sthaan tha jo vartamaan naalaasopaara naamak upanagar ke paas sthit tha. naalaasopaara Mumbai ke sabse byast pashchimi upanagaron mein se ek hai. aajkal sopaara daadar station se pashchimi upanagareeya relamaarg par lagbhag 48 kilometer door antim padaav 'viraar' se pehle padta hai. praacheen kaal mein yeh Bhaarat ke pashchimi tat ka sabse bada nagar tha jahaaain se mesopotaamiya, misr, kochchi, arab tatha poorvi Africa mein vyaapaar hota tha. iska praacheen naam thoorpaarak hai.

sopaara gaaainv mein samraat ashok dvaara isa poorv teesari sadi mein nirmit stoop bhi hai. yeh stoop bhaarateeya puraatattv sarvekshan dvaara sanrakshit hai. 'naala' aur 'sopaara' do alag alag gaaainv the. railway line ke poorv ki or 'naala' hai to pashchim mein 'sopaara' gaavain hai. vartamaan mein yeh ek bada shahar ho gaya hai. puraane sopaara gaaainv ke chaaron taraf hariyaali aur bahut saare ped hain. saapora stoop mein buddh aur saath mein ek anya bauddh bhikshu ki moorti bhi thi. yahaaain se nikli moortiyaaain, shilaalekh aadi Aurangabad ke sangrahaalaya mein prardashit hain. kshetr mein varshon poorv kiye gaye utkhanan se pata chalta hai ki sopaara mein bauddh, jain aur hindu dharm sthalon ki bahulata thi jo praakrutik evam maanaveeya kaaranon se ab lupt ho chali hai. svargeeya dau॰ bhagavaanalaal indr ne san 1898 mein Mumbai ke royal eshiyaatik society ko sopaara mein bauddh stoop ke atirikt kai hindu mandiron ke khandaharon ki jaankaari di thi.

priydarshi ashok ke chaturdash shilaalekh sopaara, shahabaajagadhi (jila peshaavar), manasehara (jila hajaara), girnaar (kaathiyaavaad ke sameep), kalasi (jila deharaadoon), dhauli (jila puri, udeesa), jaugadh (jila ganjaam) tatha ilagurda (jila karnool, Tamil Nadu) se upalabdh hue hain. ye lekh parvat ki shilaaon par utkeern paae gaye hain.

shahabaajagadhi tatha manasehara ke abhilekhon ke atirikt, sopaara ka abhilekh bhaarateeya braahmi lipi mein hain. isi braahmi se vartamaan devanaagari lipi ka vikaas hua hai. yeh baain or se daahini or ki likhi jaati thi. shahabaajagadhi tatha manasehara ke abhilekh braahmi mein na hokar kharoshthi mein hain.

sopaara ka abhilekh ashok ke saamraajya ke seemaanirdhaaran mein bhi atyant sahaayak hain. sopaara tatha girnaar ke shilaalekhon se yeh siddh hai ki pashchim mein ashok ke saamraajya ki seema pashchimi samudra thi.

ashok ke abhilekh hrudaya par seedha prabhaav daalte hain. ashok ne is tathya ko bhali bhaaainti samajh rakha tha ki bhaashyakaar mool upadesh ko nissaar kar dete hain. ataev usane apni praja tak pahuainchane ka prayaas kiya. samraat ke apne shabdon mein ye lekh saral evam svaabhaavik shaili mein janabhaasha paali ke maadhyam se uske upadeshon ko jan-jan tak pahuainchaate hain. yahi in abhilekhon ka vaishishtya tatha yahi inki safalta hai.