soofeevaad

soofeevaad ya tasavvuf islaam ka ek rahasyavaadi panth hai. iske panthiyon ko soofi(soofi sant) kehte hain. inka lakshya aadhyaatmik pragati evam maanavata ki seva raha hai. soofi raajaaon se daan-upahaar sveekaar naheen karte the aur saada jeevan bitaana pasand karte the. inke kai tareeke ya gharaane hain jinmein soharaavardi (suharavardi), nakshavandiya, kaadiri, chishtiya, kalandariya aur shustariya ke naam pramukhata se liya jaata hai.

maana jaata hai ki soofeevaad iraak ke basara nagar mein kreeb ek hajaar saal pehle janma. raabiya, al adaham, mansoor hallaaj jaise shakhsiyton ko inka praneta kaha jaata hai - ye apne samakaaleenon ke aadarsh the lekin inko apne jeevanakaal mein aam janta ki avhelna aur tirskaar jhelni padi. soofiyon ko pehchaan al gajaali ke samay (san 1100) se hi mili. baad mein attaar, roomi aur haafij jaise kavi is shreni mein gine jaate hain, in sabon ne shaayari ko tasavvuf ka maadhyam banaaya. Bhaarat mein iske pahunchane ki sahi-sahi samayaavadhi ke baare mein aadhikaarik roop se kuchh naheen kaha ja sakta lekin baarahaveen-terahaveen shataabdi mein khvaaja moinuddeen chishti baakaayada soofeevaad ke prachaar-prasaar mein jut gaye the.

naam

soofi naam ke srot ko lekar koi ek mat naheen hai. kuchh log ise yoonaani sofs (sophos, gyaan) se nikla maanate hain. is mool se filosafi, thiyosafi ityaadi shabd nikle hain. kai isko arabi saf: (pavitra) se nikla maanate hain. kuchh log kehte hain ki ye soof (oon) se aaya hai kyoki kai soofi daravesh oon ka chonga pahanate the.

soofi maanate hain ki unka srot khud paigmbar muhammad hain.

sandarbh

baahari kadiyaaain