soochana evam prasaaran mantraalaya, Bhaarat sarkaar

soochana aur prasaaran mantraalaya, Bhaarat sarkaar ki ek shaakha hai jo soochana, prasaaran, press aur filmon se sambandhit niyamon, viniymon aur kaanoonon ke nirmaan aur prashaasan ka sheersh nikaaya hai. is mantraalaya ki vartamaan pramukh cabinet mantri, ravi shankar prasaad hai. mantraalaya, Bhaarat sarkaar ki pramukh prasaaran shaakha, prasaar bhaarati ke prashaasan ke liye bhi uttaradaayi hai. kendreeya film pramaanan board bhi is mantraalaya ke antargat aane wala Bhaarat sarkaar ka ek pramukh nikaaya hai, jo Bhaarat me pradarshit hone waali sabhi filmon ke viniyman ke liye bhi uttaradaayi hai.

adhikaar aur kaarya

soochana aur prasaaran mantraalaya ke adhikaar aur kaarya hain:

  • logon ke liye aakaashavaani aur dooradarshan ke maadhyam se samaachaar seva.
  • prasaaran aur telivijn ka vikaas.
  • filmon ka aayaat aur niryaat.
  • film udyog ki sahaayata aur vikaas.
  • is prayojan ke liye film samaarohon aur saanskrutik aadaan pradaan ka aayojan.
  • vigyaapan aur drushya prachaar nideshaalaya ka prabandhan.
  • press ko Bhaarat sarkaar ki neetiyon se avagat karaana aur neetiyon ke baare me feed-back lena (punarniveshan karna).
  • press aur pustak panjeekaran adhiniyam-1867 ke, antargat samaachaar patron ka prabandhan.
  • Bhaarat se sambandhit jaankaari ko desh ke baahar aur bheetar, prakaashan ke maadhyam se prasaarit karna.
  • mantraalaya ki media ikaaiyon ki sahaayata hetu shodh, sandarbh aur prashikshan upalabdh karaana taaki vo apne kartavyon ka nirvahan kar sakein.
  • paarasparik sanchaar aur jaankaari ke liye paaramparik lok kala roopon ka prayog karna.
  • saarvajanik hit ke muddon par prachaar abhiyaan chalaana.
  • soochana aur maas media ke kshetr mein antararaashtreeya sahayog karna.

inhein bhi dekhein

sandarbh