sooar

sookari aur usaka ek bachcha

sooar (Pig) aartiyodektila gan (Order Artiodactyla) ke suidi kul (family Suidae) ke jeev, jinmein sansaar ke sabhi jangali aur paalatoo sooar sammilit hain, iske antargat aate hain. in khur vaale praaniyon ki khaal bahut moti hoti hai aur inke shareer jo thode bahut baal rahate hain ve bahut kade hote hain. inka thoothan aage ki oऱ chapata rahata hai jiske bheetar mulaayam haddi ka ek chakr sa rahata hai jo thoothan ko kada banaae rakhata hai. isi thoothan ke sahaare ye jameen khod daalte hain aur bhaari-bhaari pattharon ko aasaani se ulat dete hain.

anukram

parichay

suaron ke kukuradant unki aatmaraksha ke hathiyaar hain. ye itne majaboot aur tej hote hain ki unase ye ghodon tak ka pet faad daalte hain. oopar ke kukuradant to baahar nikalkar oopar ki or ghoome rahate hain lekin neeche ke bade aur seedhe rahate hain. jab ye apne jabadon ko band karte hain to ye donon aapas mein ragad khaakar hamesha tej aur nukeele bane rahate hain.

sooaron ke khur chaar hisson mein bainte hote hain jinmein se aage ke donon khur bade aur peechhe ke chhote hote hain. peechhe ke donon khur taaaingon ke peechhe ki or latake bhar rahate hain aur unase inhein chalne mein kisi prakaar ki madad naheen milti.

in jeevon ki ghraanashakti bahut tej hoti hai jinki sahaayata se ye pruthvi ke bheetar ki svaadisht jadon aadi ka pata laga lete hain.

inka mukhya bhojan kand-mool, ganna aur anaaj hai lekin inke alaava ye keede-makode aur chhote sareesrupon ko bhi kha lete hain. kuchh paalatoo suar vishtha bhi khaate hain.

vargeekaran

sooar poorvi aur pashchimi golaardh ke sheetoshn aur ushn deshon ke nivaasi hain jo do upakulon suini upakul (sub family suinae) aur pikairini upakul (sub family peccarinae) mein vibhkt hain.

suini upakul

is upakul mein Europe, Asia aur Africa ke jangali, sooar aate hain jinmein Europe ka prasiddh jangali sooar 'sus skrofa' (sus scrofa) vishesh roop se ullekhaneeya hai kyonki isi se hamaari adhikaansh paalatoo jaatiyaaain nikli hain.

yeh pehle England mein kaafi sankhya mein paae jaate the lekin ab inhein Europe ke jangalon mein hi dekha ja sakta hai. inka rang dhumaila-bhoora ya kalachhaunh sileti hota hai. sir lanbotara, garadan chhoti aur shareer gatheela hota hai. ye kareeb 4½ shfut lambe aur teen foot ooainche jaanavar hai jo apne saahas aur bahaaduri ke liye prasiddh hain. nar ke nokeele aur tej kukuradant oopari honth ke oopar badhe rahate hain jinse ye aatmaraksha ke samay bahut bhayankar hamla karte hain.

inheen ka nikat sambandhi doosra jangali sooar 'sus kristetas' (sus cristatus) hai jo bhaarate ke jangalon mein paaya jaata hai. yeh itna bahaadur hota hai ki kabhi-kabhi yuddh hone par sher tak ka pet faad daalata hai. yeh bhi kalachhaunh sileti rang ka jeev hai jo 4½ foot lamba aur 3 foot ooaincha hota hai.

ye donon seedhe-saade jeev hain jo chhede jaane par ya ghaayal hone par hi aakraman karte hain. nar praaya: akele rahate hain aur maadaaeain aur bachche jhund banaakar idhar-udhar fira karte hain. inhein keechad mein lotana bahut pasand hai aur inka giroh din mein aksar ganne aadi ke ghane kheton mein aaraam karta rahata hai. maada saal mein do baar 4-6 bachche janati hain jinke bhoore shareer par gaadhi dhaariyaaain padi rahati hain.

in donon prasiddh sooaron ke alaava inki or bhi kai jangali jaatiyaaain Asia, Japan aur sileeveej (Celebese) mein pai jaati hain jinmein sumaatra aur borniyo ka viyrdeind baaild boar, Bearded wild boar (sus barbatus) kisi se kam ullekhaneeya naheen hai. iska sir bada aur kaan chhote hote hain.

doosaka sab se chhota jangali sooar, Pigmy wild Hog (Parculasalvania) jo Nepal ke jangalon mein paaya jaata hai, keval ek foot ooaincha hota hai.

Africa ke jangalon ke teen jangali sooar bahut prasiddh hain. inmein pehla bush pig, Bush Pig (Polamochoerus porcus) kahalaata hai. yeh do foot ooaincha kalachhaunh rang ka sooar hai jiski kai up jaatiyaaain pai jaati hain.

doosra jangali sooar faarest haag, Forest Hog (Hylochoerus meinertzhageni) kahalaata hai. yeh bush pig se jyaada kaala aur paune teen foot ooaincha sooar hai jo madhya Africa ke jangalon mein akele ya jode mein hi rahana pasand karta hai.

Africa ka teesara jangali sooar vaart haag, Wart Hog (Phacochoerus Aethiopicus) kahalaata hai jo sabse bhadda aur badasoorat sooar hai. iska thoothan kaafi chauda aur daaaint kaafi lambe hote hain. yeh do dhaai foot ooaincha sooar hai jiska rang kalachhaunh hota hai.

pikerini upakul (Sub family Peccarinae)

is upakul mein amareeka ke jangali sooar jo pikairi kahalaate hain, rakhe gaye hain. ye chhote kad ke sooar hain jo lagbhag dedh feet ooainche hote hain aur jinke oopar ke kukuradant anya sooaron ki bhaaainti oopar ki or na uthe rahakar neeche ki or jhuke rahate hain. inki peeth par ek gandhagranthi rahati hai jisse ye ek prakaar ki gandh failaate chalte hain.

inmein kaalard pikairi, Collared peccary (Pecari Tajacu) sabse prasiddh hai jo kalachhaunh sileti rang ka jeev hai aur jiske kandh par safed dhaariyaaain padi rahati hain.

sooar jangali jaatiyon se kab paalatoo kiye gaye yeh abhi tak ek rahasya hi bana hua hai lekin cheen ke logon ka vishvaas hai ki isa se 2900 varsh poorv cheen mein pehle pahal suar paalatoo banaae gaye. unase pehle to mehataron ka kaam liya jaata tha lekin jab yeh pata chala ki inka maans bahut svaadisht hota hai to ye maaains ke liye paale jaane lage. aisa anumaan kiya jaata hai ki sooaron ki paalatoo jaatiyaaain Europe ke jangali sooar saskrop (Suss scrofa) aur Bhaarat ke jangali sooar sas kristetas (sus cristatus) se Asia mein nikaali gayi. uske baad cheen ke sooar aur Europe ke sooar se ve jaatiyaaain nikleen jo is samay saare Europe aur amareeka mein faili hui hain.

sooar kaafi bachche janane vaale jeev hain. jangali sooariyaaain ek baar mein jahaaain 4-6 bachche deti hain vaheen paalatoo sooaron ki maada 4 se 10 tak bachche janati hain.

ye belanaakaar shareer vaale bhaari jeev hain jinki khaal moti aur dum chhoti hoti hai. praudh hone par inke daaainton ki sankhya 44 tak pahuainch jaati hai.

ye bahut hathi aur bevakoof jaanavar hain, jinmein jangalon mein rahane vaale to furteele jaroor hote hain, lekin paalatoo apne charabeele shareer ke kaaran kaahil aur sust hote hain.

sansaar mein sabse adhik sooar cheen mein hain; uske baad amareeka ka number aata hai. in donon deshon ke sooaron ki sankhya sansaar bhar ke sooaron ke aadhe ke lagbhag pahuainch jaati hai.

jaatiyaaain

paalatoo sooar sansaar ke praaya: sabhi deshon mein faile hue hain aur bhinn-bhinn deshon mein inki alag-alag jaatiyaaain pai jaati hain. yahaaain unamein se keval kuchh jaatiyon ka sankshipt varnan diya ja raha hai jo bahut prasiddh hain.

1. bark shaayar (Berkshire)-is jaati ke sooar kaale rang ke hote hain jinka chehara, pair aur dum ka sira safed rahata hai. yeh jaati England mein banaai gayi hai. jahaaain se yeh amareeka mein faili. inka maaains bahut svaadisht hota hai.

2. chestar hvaait (Chester white)-is jaati ke sooaron ka rang safed hota hai aur khaal gulaabi rahati hai. yeh jaati amareeka ke chestar kaaunti mein banaai gayi aur keval amareeka mein hi faili hai.

3. dyooraak (Duroc)- yeh jaati bhi amareeka se hi nikli hai. is jaati ke sooar laal rang ke hote hain jo kaafi bhaari aur jald badh jaane vaale jeev hain.

4. Hampshire (Hampshire)-yeh jaati England mein nikaali gayi hai lekin ab yeh amareeka mein bhi kaafi fail gayi hai. is jaati ke sooar kaale hote hain jinke shareer ke chaaron aur ek safed patti padi rahati hai. yeh bahut jald badhte aur charabeele ho jaate hain.

5. hiyraford (Hereford)- yeh jaati bhi amareeka mein nikaali gayi hai. ye laal rang ke sooar hain jinka sir, kaan, dum ka sira aur shareer ka nichla hissa safed rahata hai. ye kad mein anya sooaron ki apeksha chhote hote hain aur jald hi praudh ho jaate hain.

6. laindares (Landrace)-is jaati ke sooar Denmark, naarve, sveedan, Germany aur Netherland mein faile hue hain. ye safed rang ke sooar hain jinka shareer lamba aur chikna rahata hai.

7. laarj black (Large Black)- is jaati ke sooar kaale hote hain jinke kaan bade aur aaainkhon ke oopar tak jhuke rahate hain. yeh jaati England mein nikaali gayi aur ye vaheen jyaadaatar dikhaai padte hain.

8. maingaalitja (Mangalitza) -yeh jaati baalkan state mein nikaali gayi hai aur is jaati ke sooar Hungary, roomaaniyaaain aur yoogoslaaviya aadi deshon mein faile hue hain. ye ya to ghur safed hote ya inke shareer ka oopari bhaag bhooraapan liye kaala aur neeche ka safed rahata hai. inko praudh hone mein lagbhag do varsh lag jaate hain aur inki maada kam bachche janati hai.

9. Poland China (Poland China)-yeh jaati amar ko ohaayo (Ohio) pradesh ki batlar aur vaaren (Butler and Warren) County mein nikaali gayi hai. dyooraak jaati ki tarah yeh sooar bhi amareeka mein kaafi sankhya mein faile hue hain. ye kaale rang ke sooar hain jinki taaaingein, chehara aur dum ka sira safed rahata hai. ye bhaari kad ke sooar hain jinka vajan 12-13 man tak pahuainch jaata hai. inki chhoti, majholi aur badi teen jaatiyaaain pai jaati hain.

10. spaated Poland China (Spotted Poland China)-yeh jaati bhi amareeka mein nikaali gayi hai aur is jaati ke sooar Poland China ke anuroop hi hote hain. antar sirf yahi rahata hai ki in sooaron ka shareer safed chittiyon se bhara rahata hai.

11. taim varth (Tam Worth)-yeh jaati England mein nikaali gayi jo shaayad is desh ki sabse puraani jaati hai. is jaati ke sooaron ka rang laal rahata hai. iska sir patala aur lanbotara, thoothan lambe aur kaan khade aur aage ki or jhuke rahate hain. is jaati ke sooar England ke alaava kainaada aur United states mein faile hue hain.

12. vaiseks saidal back (Wessex Saddle Back)-yeh jaati bhi England mein nikaali gayi hain. is jaati ke sooaron ka rang kaala hota hai aur unki peeth ka kuchh bhaag aur agali taaaingein safed rahati hain. ye amareeka ke Hampshire sooaron se bahut kuchh milte-julate aur majhole kad ke hote hain.

13. yaarkashaayar (Yorkshire)-yeh prasiddh jaati vaise to England mein nikaali gayi hai lekin is jaati ke sooar saare Europe, kainaada aur United states mein fail gaye hain. ye safed rang ke bahut prasiddh sooar hain jinki maada kaafi bachche janati hai. inka maans bahut svaadisht hota hai.

inhein bhi dekhein

baahari kadiyaaain