son nadi

son nadi ya sonabhadr nadi Bhaarat ke madhya pradesh raajya se nikal kar uttar pradesh, Jharkhand ke pahaadiyon se gujarte hue vaishaali jile ke sonapur mein jaakar ganga nadi mein mil jaati hai. yeh Bihar ki ek pramukh nadi hai. is nadi ka naam son pada kyonki is nadi ke baaloo (ret) peele rang ke haiain jo sone ki tarah chamakate haiain. is nadi ke ret bhavan nirmaan aadi ke liye bahut upayogi hain yeh ret poore Bihar mein bhavan nirmaan ke liye upayog mein laaya jaata hai tatha yeh ret uttar pradesh ke kuchh shaharon mein bhi niryaat kiya jaata hai. ganga aur son nadi ke sangam sthal sonapur mein Asia ka sabse bada sonapur pashu mela lagta hai.

parichay

Bateliers sur la rivière Son, Umaria district, MP, Inde.jpg

ganga ki sahaayak nadiyon mein son ka pramukh sthaan hai. iska puraana naam sambhavat: 'sohan' tha jo peechhe bigdkar son ban gaya. yeh nadi Madhya Pradesh ke amarakantak naamak pahaad se nikalkar 350 meal ka chakkar kaatati hui Patna se pashchim ganga mein milti hai. is nadi ka paani meetha, nirmal aur svaasthyavardhak hota hai. iske taton par anek praakrutik drushya bade manoram hain. anek faarasi, urdoo aur hindi kaviyon ne nadi aur nadi ke jal ka varnan kiya hai. is nadi mein dihri-aan-son par baaaindh baaaindhakar 296 meal lambi nahar nikaali gayi hai jiske jal se shaahaabaad, gaya aur Patna jilon ke lagbhag saat lakh ekad bhoomi ki sinchaai hoti hai. yeh baaaindh 1874 E. mein taiyaar ho gaya tha. is nadi par hi ek lamba pul, lagbhag 3 meal lamba, dihri-on-son par bana hua hai. doosra pul Patna aur aara ke beech koilavar naamak sthaan par hai. koilavar ka pul dohara hai. oopar relagaadiyaaain aur neeche bas, motor aur bailagaadiyaaain aadi chalti hain. isi nadi par ek teesara pul bhi grand trank road par banaaya gaya hai. 1965 E. mein yeh pul taiyaar ho gaya tha.

aise yeh nadi shaant rahati hai. iska tal apekshaya chhichhla hai aur paani kam hi rahata hai par barasaat mein iska roop vikraal ho jaata hai, paani matiyaale rang ka, laharein bhayankar aur jhaag se bhari ho jaati hain. tab iski dhaara teevr gati aur bade jor shor se bahti hai.

son jal vivaad

dekhein mukhya lekh son jal vivaad

son nadi ke baintavaare ko lekar iske sambandhit raajyon mein lambe samay se vivaad raha hai. sarayu rai dvaara daayar janahit yaachika par Patna uchch nyaayaalaya ne son nadi ke vivaad ke samaadhaan ke liye kendra sarkaar ko September 2011 mein nyaayaadhikran gathit karne ka aadesh diya.