someshvar pratham

someshvar pratham (aahavamall) prasiddh |chaalukyaraaj jayasinh dviteeya jagadekamall ka putr jo 1042 E. mein sinhaasan par baitha.

pita ka samruddh raajya praapt kar usane digvijya karne ka nishchaya kiya. chol aur paramaar donon uske shatru the. pehle vah paramaaron ki or badha. raaja bhoj dhaara aur maandoo chhod ujjain bhaaga aur someshvar donon nagaron ko lootata ujjain ja chadha. ujjain ki bhi vahi gati hui, yadyapi bhoj sena taiyaar kar fir lauta aur usane khoe hue praant lauta liye. kuchh dinon baad jab ahnilvaad ke bheem aur kalachuri lakshmeekarn se sangharsh ke beech bhoj mar gaya tab uske uttaraadhikaari jayasinh ne someshvar se sahaayata maangi. someshvar ne use maalava ki gaddi par baitha diya aur swayam cholon se ja bhida. 1052 E. mein Krishna aur panchaganga ke sangam par koppam ke prasiddh yuddh mein cholon ko paraast kiya. bilhan ke 'vikramaankadevacharit' ke anusaar to someshvar ek baar chol shakti ke kendra Ranchi tak ja pahuaincha. someshvar ne dakshin aur nikat ke raajakulon se safal loha lekar ab apna rukh uttar ki or kiya. madhyabhaarat mein chandelon aur kachhavaahon ko raudata vah ganga jamuna ke dvaab ki or badha aur kannaujaraaj ne darakar kandaraaon mein sharan li. usaki shakti is prakaar badhti dekh lakshmeekarn kalachuri ne usaki raah roki, par use haarakar maidaan chhodna pada. isi beech someshvar ke bete vikramaaditya ne mithila, magadh, ang, bang aur gaud ko raund daala. tab kaheen kaamaroop (Assam) pahuainchane par vahaaain ke raaja ratnapaal ne chaalukyon ki baag roki aur someshvar koshal ki raah ghar lauta. Hyderabad mein kalyaani naam ka nagar usi ka basaaya hua praacheen kalyaan hai jise usane apni rajdhani banaaya tha. 1068 E. mein beemaar padne par jab someshvar ne apne bachane ki aasha na dekhi tab vah tungabhadra mein svechha se doobkar mar gaya.