sitaara devi

sitaara devi

sitaara devi
janm naam dhanalakshmi
janm 1920 ke dashak ki ek deepaavali
Kolkata
raashtreeyata bhaarateeya
kshetr kathak nrutya
prashikshan shanbhu mahaaraaj aur
pandit birjoo mahaaraaj ke pita achhan mahaaraaj
sammaan sangeet naatak academy sammaan - 1969
padmashri - 1975
kaaleedaas sammaan - 1994

sitaara devi (8 November, 1920 – 25 November, 2014) ) Bhaarat ki prasiddh katthak nrutyaangana theen. inka janm 1920 ke dashak ki ek deepaavali ki poorvasandhya par Calcutta hua tha. inka mool naam dhanalakshmi aur ghar mein dhanno tha. inko bachapan mein maan-baap ke laad-dulaar se vanchit hona pada tha. munh tedha hone ke kaaran bhayabheet maan-baap ne use ek daai ko saunp diya jisne aath saal ki umr tak usaka paalan-poshan kiya. iske baad hi sitaara devi apne maan baap ko dekh paain. us samay ki parampara ke anusaar sitaara devi ka vivaah aath varsh ki umr mein ho gaya. unke sasuraal vaale chaahate the ki vah gharabaar sanbhaalein lekin vah school mein padhana chaahati theen.[1] school jaane ke liye jid pakad lene par unka vivaah toot gaya aur unhein kaamachhagadh haai school mein daakhil karaaya gaya. vahaan unhonne mauke par hi nrutya ka utkrusht pradarshan karke satyavaan aur saavitri ki pauraanik kahaani par aadhaarit ek nrutya naatika mein bhoomika praapt karne ke saath hi apne saathi kalaakaaron ko nrutya sikhaane ka uttaradaayitv bhi praapt kar liya.

anukram

nrutya kairiyr

us samay ek akhbaar ne unke nrutya pradarshan ke baare mein likha tha.. ek baalika dhanno ne apne nrutya pradarshan se darshakon ko chamatkrut kiya. is khabar ko unke pita ne bhi padha aur beti ke baare mein unki rai badal gayi. iske baad dhanno ka naam sitaara devi rakh diya gaya aur unki badi bahan taara ko unhein nrutya sikhaane ki jimmedaari saunp di gayi.[1] sitaara devi ne shanbhu mahaaraaj aur pandit birjoo mahaaraaj ke pita achhan mahaaraaj se bhi nrutya ki shiksha grahan ki. das varsh ki umr hone tak vah ekal nrutya ka vyaavasaayok pradarshan karne lageen. adhiktar vah apne pita ke ek mitr ke cinema haal mein film ke beech mein pandrah minute ke madhyaantar ke dauraan apna kaaryakram prastut kiya karti theen. nrutya ki lagan ke kaaran unhein school chhodana pada aur gyaarah varsh ki aayu mein unka parivaar mumbai chala gaya. mumbai mein unhonne jahaangeer haal mein apna pehla saarvajanik kaaryakram prastut kiya. yaheen se kathak ke vikaas aur use lokapriya banaane ki disha mein unke saath saal lambe nrutya vyavasaaya ka aarambh kiya.

apne sudeergh nrutya kaaryakaal ke dauraan sitaara devi ne desh-videsh mein kai kaaryakramon aur mahotsavon mein chakit kar dene vaale layaatmak oorjasvit nrutya pradarshanon se darshakon ko mantramugdh kiya hai. vah London mein pratishthit raayal albart aur Victoria haal tatha New York mein kaarnegi haal mein apne nrutya ka jaadoo bikher chuki hain. yeh bhi ullekhaneeya hai ki sitaara devi na sirf kathak balki bhaaratanaatyam sahit kai bhaarateeya shaastreeya nrutya shailiyon aur lokanrutyon mein paarangat hain. unhonne roosi baile aur pashchim ke kuchh aur nrutya bhi seekhein hain. sitaara devi ke kathak mein banaaras aur Lucknow gharaane ki tatvon ka sammishran dikhaai deta hai. vah us samay ki kalaakaar hain. jab poori-poori raat kathak ki mehfil jami rahati thi.

chalachitr

sitaara devi ne Bollywood ki anek abhinetriyon ko nrutya ka prashikshan diya hai. madhubaala, rekha, maala sinha aur kaajol jaisi Bollywood ki abhinetriyon ne unase hi kathak nrutya ki shiksha praapt ki hai.[1] sitaara devi ke vyaktitv ka ek bhaag chalachitr se seedhe bhi juda hai. savaak filmon ke yug mein unhonne kuchh filmon mein bhi kaam kiya. us daur mein unhein super star ka darja haasil tha lekin nrutya ki khaatir aage chalakar unhonne filmon se kinaara kar liya. film nirmaata aur nrutya nirdeshak niranjan sharma ne usha haran ke liye unhein teen maah ke anubandh par chuna aur vah 12 varsh ki umr mein hi saagar stoodiyoj ke liye nrutyaangana ke roop mein kaam karne lageen. shuruaati filmon mein unhonne mukhyat chhoti bhoomikaaen nibhaain aur nrutya prastut kiye. unki filmon mein shahar ka jaadoo (1934), jajameint of Allah (1935), nageena, baagabaan, vatan (1938), meri aankhein (1939) holi, paagal, svaami (1941), roti (1942), chaand (1944), lekh (1949), halachal (1950) aur madar India (1957) pramukh hain.

sammaan

inhein sangeet naatak academy sammaan 1969 mein mila. iske baad inhein padmashri 1975 mein mila. 1994 mein inhein kaaleedaas sammaan se sammaanit kiya gaya. baad mein inhein Bhaarat sarkaar dvaara padm bhooshan diya gaya jise inhonne lene se mana kar diya. inhonne kaha ki kya sarkaar mere yogadaan ko naheen jaanti hai. ye mere liye sammaan naheen apamaan hai. main Bhaarat ratn se kam naheen loongi. maatr 16 varsh ki aayu mein inke pradarshan ko dekhkar bhaavavibhor hue gurudev ravindranaath Tagore ne inhein nrutya samraajnyai ki upaadhi di thi.

sandarbh

  • India's 50 Most Illustrious Women (ISBN 81-88086-19-3) by Indra Gupta

baahari kadiyaaain