sitaar

sitaar

sitaar Bhaarat ke sabse lokapriya vaadyayantron mein se ek hai, jiska prayog shaastreeya sangeet se lekar har tarah ke sangeet mein kiya jaata hai. iske itihaas ke baare mein anek mat hain kintu apni pustak bhaarateeya sangeet vaadya mein prasiddh vichitr veena vaadak Dr laalamani mishr ne ise praacheen tritantri veena ka viksit roop siddh kiya. sitaar poorn bhaarateeya vaadya hai kyonki ismein bhaarateeya vaadyoain ki teenon visheshataaen hain. tantri ya taaron ke alaava ismein ghudch, tarab ke taar tatha saarikaaeain hoti hain. kaha jaata hai ki bhaarateeya tantri vaadyon ka sarvaadhik viksit roop hai.

aadhunik kaal mein sitaar ke teen gharaane athva shailiyaaain is ke vaividhya ko prakaashit karte rahe hain. Baba alaauddeen khaaain dvaara di gayi tantrakaari shaili jise pandit ravishankar nikhil bainarji ne apnaaya daraasal seni gharaane ki shaili ka parishkaar thi. apne Baba dvaara sthaapit imadaadakhaani shaili ko madhurata aur karnapriyta se pusht kiya ustaad vilaayat khaaain ne. poorn roop se tantri vaadyon hetu hi vaadan shaili mishrabaani ka nirmaan Dr laalamani mishr ne kiya tatha sainkadon raagon mein hajaaron bandishon ka nirmaan kiya. aisi 300 bandishon ka sangrah varsh 2007 mein prakaashit hua hai.

sitaar se kuchh bada vaadya sur-bahaar aaj bhi prayog mein hai kintu sitaar se adhik lokapriya koi bhi vaadya naheen hai. iski dhvani ko anya svaroop ke vaadya mein utaarane ki kai koshishein ki gayi, kintu dhaanche mein nihit tantri khinchaav evam dhvani parimaarjan ke kaaran theek vaisa hi maadhurya praapt naheen kiya ja saka. gitaar ki vaadan shaili se sitaar samaan svar utpann karne ki sambhaavana ranjan veena mein kahi jaati hai kintu sitaar jaise prahaar, anguli se kheenchi meend ki vyavastha na ho paane ke kaaran sitaar jaisi dhvani naheen utpann hoti. meeraabaai Krishna bhajan me sitaar ka prayog karti thi.

sandarbh

baahari kadiyaaain