sisili

Italy ka sisili dweep

sisili (Sicily ; itaalavi : Sicilia / [siˈaatʃaaiːaalja] / sichilya) bhoomadhya saagar ka sabse bada dweep hai jo Italy praayadveep se meseena jalamadaroomadhya ke dvaara alag hota hai. yeh Italy ka svaayatt kshetr hai.

yeh tyooneesiya se 90 meal chaude sisli jalamadaroomadhya dvaara alag hai tatha saardeeniya se iski doori 272 kimi. hai. iski aakruti tribhujaakaar hai, uttar mein kumaari boo (Boeo) se kumaari peloro tak lanbaai 280 kimi., poorvi kinaara 192 kimi. aur dakshini pashchimi kinaara 272 kimi. lamba hai. tat ki kul lanbaai 1088 kimi. hai aur kshetrafal 9830 varg meal hai parantu aas-paas ke anya dveepon ko milaakar kshetrafal 9925 vargameel hai.

dweep mein 9 praant hain. paleramo iski rajdhani hai. sisli ke nivaasiyon ki ausat ooainchaai 5 foot 2 inch hai. unki aaainkhein aur baal kaale hote hain. inki bhaasha Italy se bhinn hai. log atithi ka svaagat evam aadar karte hain. paleramo, kataniya aur maseena mein vishvavidyaalaya hain.

parichay

dharaatal- dharaatal pathaari hai jiski ooainchaai uttar mein 3000 foot se 6000 foot hai. uttar mein samudra ke kinaare ooainchaai ekdam kam ho jaati hai parantu dakshin tatha dakshin pashchim mein dhaal kramik hai.

etana jvaalaamukhi (10,958 foot) yahaaain ke dharaatal ka ek mukhya ang hai. ismein laava aur raakh ki paratein pai jaati hain. 4000 foot ki ooainchaai tak ka bhoobhaag upajaaoo tatha ghana basa hai. dhaalon par angoor ki belein aur sitram, uttar va pashchim dhaalon par jaitoon aur annaadi paida hote hain. 4000 foot-6000 foot ke beech madhya jungle hai jismein ok, chestanas, varch aadi ke vruksh, 6000 foot-9000 foot ke madhya keteeli jhaadiyaaain aur 9000 foot ke upar keval laava aur raakh paae jaate hain. etana ke uttar mein peloritni (Peloritani), nvreaaodi tatha madoni parvaton ki shrunkhala hai. nimn monti iri pahaadi, jo gangi se dakshin poorv disha mein faili hai, sisli jalamadaroomadhya aur aayoniyn saagar ke madhya jal vibhaajak rekha ka kaarya karti hai. pashchim mein samudra tat tak faili hui pahaadiyon ke madhya tateeya maidaan hain.

jalavaayu - bhoomadhya saagareeya hai, taapamaan ooainche rahate hain. jaadon mein tat ka taapakram 10 degree celcius. aur andar ke kshetron ka 4.5 sein. se adhik rahata hai. garmiyon mein tatavarti bhaagon ka ausat taap 24 degree se 29 degree sein. tatha adhiktam 38 degree sein. tak pahuainch jaata hai. varsha jaadon mein, jiski maatra uttar, dakshin tatha madhya mein 72.5 semi. se kam aur sudoor dakshin mein 43 seinmi se bhi kam hai. siroko vaayu ka asvaasthyaprad evam haanikaarak prabhaav bhi padta hai.

praakrutik vanaspati - praakrutik vanaspati ab adhikaanshat: nasht ho chuki hai. keval pahaadon ki dhaalon par dweep ke chhote se bhaag mein jungle hain jismein beech, barch, ok aur chestanat ke vruksh paae jaate hain.

kaunakordiya ka mandir (egrigento mein)
sisili ke pradesh (provins)

krushi tatha malaya vyavasaaya- sisli mein lagbhag 77 pratishat kshetr mein kheti hoti hai parantu aparyaapt jalapoorti, krushi ke praacheen dhang aadi ke kaaran prati ekad paidaavaar kam hai. kheti gahari aur vistrut donon dhang se hoti hai. tatavarti kshetron mein gahari kheti hoti hai jismein falon ke vrukshon ke baag, angoor ki belon, tarakaariyon tatha anaaj ke khet paae jaate hain. yahaaain ki mukhya upajon neenboo, naasapaati, khatte ras ke fal, akharot, angoor, been, jaitoon ke aadi fal, tamaatar aur aaloo aadi tarakaariyaaain utpann hoti hain. khet chhote-chhote hain. antardesheeya bhaag mein vistrut kheti hoti hai jahaaain ki mukhya upaj gehooain hai, iske atirikt sem, kapaas aadi ka bhi utpaadan hota hai. yahaaain gaaya, bail, gadha, bhed, bakariyaaain hoti hain. charaagaah kam hain aur chaare ki kami rahati hai jiska adhikaanshat: niryaat hota hai.

udyog- machhali, fal aur tarakaariyon ko dibbon mein band karne ke udyog ka vikaas san 1945 ke pashchaat hua. is samay krushi udyog adhik viksit hai. falon ka ras tatha unka tatv nikaalne, khatte falon se aml banaane, sharaab banaane, jaitoon ka tel nikaalne aur aata peesane ka kaarya hota hai. namak samudra tatha parvaton se nikaala jaata hai. iske atirikt jahaaj aur cement banaane ka bhi kaarya hota hai.

yaataayaat ke saadhan - paaleremo (Palermo) maseena aur kataniya (Catania) sisli ke mukhya bandargaah hain jo relamaarg dvaara ek-doosare se jude hue hain. iske atirikt sadkein bhi in nagaron ko sambaddh karti hain. in nagaron ka Italy se sambandh steemar aur pulon ke dvaara hai.

janasankhya aur nagar- janasankhya ka vitran asamaan hai. tateeya bhaag aur etana ke aaspaas ghanatv 400 se 2,600 vyakti prati varg meal tatha andar ke bhaagon mein vishesh kam hai. paleramo, kataniya, maseena aur trepani (Trapni) aadi bade nagar yaheen hain. adhiktar log inheen nagaron mein rahate hain.