sinhasth

is sandook ko: dekhein samvaad

hindu dharm
par ek shreni ka bhaag

Om
itihaas · devata
sampradaaya · aagam
vishvaas aur darshanashaastr
punarjanm · moksh
karm · pooja · maaya
darshan · dharm
vedaant ·yog
shaakaahaar · aayurved
yug · sanskaar
bhakti {{hindu darshan}}
granth
vedasanhita · vedaang
braahmanagranth · aaranyak
upanishd · shreemadbhagavadgeeta
raamaayan · mahaabhaarat
sootr · puraan
shikshaapatri · vachanaamrut
sambandhit vishay
daivi dharm ·
vishv mein hindu dharm
guru · mandir devasthaan
yagya · mantr
shabdakosh · hindu parv
vigrah
praveshadvaar: hindu dharm

HinduSwastika.svg

hindu maapan pranaali

sinhasth ujjain ka mahaan snaan parv hai. baarah varshon ke antaraal se yeh parv tab manaaya jaata hai jab bruhaspati Singh raashi par sthit rahata hai. pavitra kshipra nadi mein punya snaan ki vidhiyaan chaitr maas ki poornima se praarambh hoti hain aur poore maas mein vaishaakh poornima ke antim snaan tak bhinn-bhinn tithiyon mein sampann hoti hai. ujjain ke mahaaparv ke liye paaramparik roop se das yog mahatvapoorn maane gaye hain.

Kumbh ki katha

puraanon ke anusaar devon aur daanavon sahayog se sampann samudra manthan se anya vastuon ke alaava amrut se bhara hua ek Kumbh (ghada) bhi nikla tha. devagan daanavon ko amrut naheen dena chaahate the. devaraaj Indra ke sanket par unka putr jayant jab amrut Kumbh lekar bhaagane ki cheshta kar raha tha, tab kuchh daanavon ne usaka peechha kiya. amrut-Kumbh ke liye svarg mein baarah din tak sangharsh chalta raha aur us Kumbh se chaar sthaanon par amrut ki kuchh boondein gir gain. yeh sthaan pruthvi par haridvaar,prayaag, ujjain aur Nasik the. in sthaanon ki pavitra nadiyon ko amrut ki boonde praapt karne ka shreya mila. kshipra ke paavan jal mein amrut-sampaat ki smruti mein sinhasth mahaaparv ujjain mein manaaya jaata hai. aya sthaanon par bhi yeh parv Kumbh-snaan ke naam se manaaya jaata hai. Kumbh ke naam se yeh parv adhik prasidhd hai.

pratyek sthaan par baarah varshon ka kram ek samaan hain amrut-Kumbh ke liye svarg ki ganana se baarah din tak sangharsh hua tha jo dharati ke logon ke liye baarah varsh hote hain. pratyek sthaan par Kumbh parv kofliye bhinn-bhinn grah sishaati nishchit hai. ujjain ke parv ko liye Singh raashi par bruhaspati, mesh mein soorya, tula raashi ka chandra aadi grah-yog maane jaate hain.

mahaan saanskrutik paramparaaon ke saath-saath ujjain ki ganana pavitra saptapuriyon mein ki jaati hai. mahaakaaleshvar mandir aur paavan kshipra ne yugon-yugon se asankhya logon ko ujjain yaatra ke liye aakarshit kiya. sinhasth mahaaparv par laakhon ki sankhya mein teerth yaatri aur bhinn-bhinn sampradaayon ke saadhu-sant poore Bhaarat ka ek sankshipt roop ujjain mein sthaapit kar dete hain, jise dekh kar sahaj hi yeh jaana ja sakta hai ki yeh mahaan raashtra kin adrushya preranaaon ki shakti se ek sootr mein bandha hua hai.


praacheen parampara

desh bhar mein chaar sthaanon par kumbh ka aayojan kiya jaata hai. haridvaar,prayaag, ujjain aur Nasik mein lagne vaale kumbh melon ke ujjain mein aayojit aastha ke is parv ko sinhasth ke naam se pukaara jaata hai. ujjain mein mesh raashi mein soorya aur Singh raashi mein guroo ke aane par yahaaain Mahakumbh mele ka aayojan kiya jaata hai, jise sihsth ke naam se deshbhar mein pukaara jaata hai. sinhasth aayojan ki ek praacheen parampara hai. iske aayojan ke sambandh mein anek kathaaeain prachalit hai. sabse adhik prachalit katha manthan ki hai. is pauraanik samudra manthan ki katha ke anusaar devataaon aur daanavon ne mil kar samudra manthan kiya aur amrut kalash praapt kiya. amrut ko daanavon se bachaane ke liye devataaon ne iski raksha ka daayitv bruhaspati, chandrama, soorya aur shaani ko saunpa. devataaon ke pramukh indr putr jayant jab amrut kalash lekar bhaage, tab daanav unke peechhe lag gaye. amrut ko paane ke liye devataaon aur daanavon mein bhayankar sangraam chhitrad gaya. yeh sangraam baarah din chala. devataaon ka ek din manushyon ke ek varsh ke baraabar hota hai. is prakaar yeh yudhd baarah varshon tak chala. is yudhd ke dauraan amrut kalash ko paane ki jaddojahad mein amrut kalash ki boondein is dhara ke chaar sthaanon haridhdaar, prayaag, Nasik aur ujjain mein tapaki. pauraanik maanyata hai ki amrut kalash se chhalaki in boondon se in chaar sthaanon ki nadiyau ganga, yamuna, godaavari aur shipra amrutamayi ho gayi. amrut boonde chhalakane ke samay jin raashiyon mein soorya, chandr, guroo ki sthiti ke vishisht yog ke avsar rahate hain, vahaan Kumbh parv ka in raashiyon mein gruhon ke sanyog par aayojan hota hai. is amrut kalash ki raksha mein soorya, guroo aur chandrama ke vishesh prayatn rahe. isi kaaran inheen gruhon ki un vishisht sthitiyon mein Kumbh parv manaane ki parampara hai.