sinhaasan batteesi

sinhaasan batteesi (sanskrut:sinhaasan dvaatrinshika, vikramacharit) ek lokakatha sangrah hai. prajaavatsal, jananaayak, prayogavaadi evam dooradarshi mahaaraaja vikramaaditya bhaarateeya lokakathaaon ke ek bahut hi charchit paatr rahe hain. praacheenakaal se hi unke gunon par prakaash daalne waali kathaaon ki bahut hi samruddh parampara rahi hai. sinhaasan batteesi bhi 32 kathaaon ka sangrah hai jismein 32 putaliyaaain vikramaaditya ke vibhinn gunon ka katha ke roop mein varnan karti hain.

anukram

itihaas va rachana kaal

sinhaasan batteesi bhi bettaal pachcheesi ya vetaalapanyachavinshati ki bhaanti lokapriya hua. sambhavat: yeh sanskrut ki rachana hai jo uttari sanskaran mein sinhaasanadvaatrinshati tatha "vikramacharit ke naam se dakshini sanskaran mein upalabdh hai. pehle ke sanskarta ek muni kahe jaate hain jinka naam kshebhendr tha. Bengal mein vararuchi ke dvaara prastut sanskaran bhi isi ke samarup maana jaata hai. iska dakshini rup jyaada lokapriya hua ki lok bhaashaaon mein iske anuvaad hote rahe aur pauraanik kathaaon ki tarah bhaarateeya samaaj mein maukhik parampara ke rup mein rach-bas gaye. in kathaaon ki rachana "vetaalapanyachavinshati" ya "betaal pachcheesi" ke baad hui par nishchit rup se inke rachanaakaal ke baare mein kuchh naheen kaha ja sakta hai. itna lagbhag tay hai ki inki rachana dhaara ke raaja bhoj ke samay mein naheen hui. choonki pratyek katha raaja bhoj ka ullekh karti hai, at: iska rachana kaal 11veen shataabdi ke baad hoga. ise dvaatreenshatputtalika ke naam se bhi jaana jaata hai.

katha ki bhoomika

in kathaaon ki bhoomika bhi katha hi hai jo raaja bhoj ki katha kehti hai. 32 kathaaeain 32 putaliyon ke mukh se kahi gayi hain jo ek sinhaasan mein lagi hui hain. yeh sinhaasan raaja bhoj ko vichitr paristhiti mein praapt hota hai. ek din raaja bhoj ko maaloom hota hai ki ek saadhaaran-sa charavaaha apni nyaayapriyta ke liye vikhyaat hai, jabki vah bilkul anapadh hai tatha pushtaini rup se unke hi raajya ke kumhaaron ki gaayein, bhainse tatha bakariyaaain charaata hai. jab raaja bhoj ne tahakeekaat karaai to pata chala ki vah charavaaha saare faisale ek teele par chadhkar karta hai. raaja bhoj ki jijnyaaasa badhi aur unhonne khud bhesh badalkar us charavaahe ko ek jatil maamale mein faisala karte dekha. uske faisale aur aatmavishvaas se bhoj itna adhik prabhaavit hue ki unhonne usase usaki is adviteeya kshamata ke baare mein jaanana chaaha. jab charavaahe ne jiska naam chandrabhaan tha bataaya ki usamein yeh shakti teele par baithane ke baad svat: chali aati hai, bhoj ne sochavichaar kar teele ko khudavaakar dekhne ka faisala kiya. jab khudaai sampann hui to ek raajasinhaasan mitti mein daba dikha. yeh sinhaasan kaareegari ka abhootapoorv rup prastut karta tha. ismein battees putaliyaaain lagi theen tatha keemati ratn jade hue the. jab dhool-mitti ki safaai hui to sinhaasan ki sundarata dekhte banti thi. use uthaakar mahal laaya gaya tatha shubh muhoort mein raaja ka baithna nishchit kiya gaya. jyonhi raaja ne baithane ka prayaas kiya saari putaliyaaain raaja ka upahaas karne lageen. khilkhilaane ka kaaran poochhane par saari putaliyaaain ek-ek kar vikramaaditya ki kahaani sunaane lageen tatha boli ki is sinhaasan jo ki raaja vikramaaditya ka hai, par baithane wala usaki tarah yogya, paraakrami, daanaveer tatha vivekasheel hona chaahiye. ye kathaaeain itni lokapriya hain ki kai sankalanakarttaaon ne inhein apni-apni tarah se prastut kiya hai. sabhi sankalanon mein putaliyon ke naam diye gaye hain par har sankalan mein kathaaon mein kathaaon ke kram mein tatha naamon mein aur unke kram mein bhinnata pai jaati

battees putaliyon ke naam

ek sankalan mein (jo ki praamaanik naheen hai) naamon ka kram is prakaar hai-

sambandhit kadiyaaain

  1. panchatantr
  2. hitopadesh
  3. baitaal pacheesi
  4. kathaasaritsaagar
  5. panchatantr (vikisrot) (hindi mein)
  6. panyachatantram (vikisrot) (sanskrut mein)
  7. hitopadesham (vikisrot) (sanskrut mein)
  8. kathaasaritsaagar (vikisrot) (sanskrut mein)
  9. vetaalapanyachavinshati (vikisrot) (sanskrut mein)
  10. betaal pachcheesi (vikisrot) (hindi mein)
  11. sinhaasanadvaatrinshati (vikisrot) (sanskrut mein)
  12. sinhaasan batteesi (vikisrot) (hindi mein)

vaahya sootr