sikh dharm

sikh dharm
par ek shreni ka bhaag

Om
sikh sataguru evam bhakt
sataguru naanak Dave · sataguru angad Dave
sataguru amar das · sataguru Ram das ·
sataguru arjan Dave ·sataguru hari gobind ·
sataguru hari rai · sataguru hari Krishna
sataguru teg bahaadur · sataguru gobind Singh
bhakt kabeer ji · shekh fareed
bhakt naamadev
dharm granth
aadi granth saahib · dasam granth
sambandhit vishay
guramat ·vikaar ·guroo
guradvaara · chandi ·amrut
nitnem · shabdakosh
langar · khande baate ki paahul


sikh dharm (sikhmat aur sikhi bhi kaha jaata hai; punjabi: ਸaaਿaaੱaaਖaaੀ) ek ekeshvaravaadi dharm hai. is dharm ke anuyaayi ko sikh kaha jaata hai. sikhon ka dhaarmik granth shri aadi granth ya gyaan guru granth saahib hai. aamtaur par sikhon ke 10 satagur maane jaate hain, lekin sikhon ke dhaarmik granth mein 6 guruon sahit 30 bhagaton ki baani hai, jin ki saamaan sikhyaaon ko sikh maarg par chalne ke liye mahattvapoorn maana jaata h. sikhon ke dhaarmik sthaan ko gurudvaara kehte hain.

1469 isvi mein Punjab mein janme naanak Dave ne guramat ko khoja aur guramat ki sikhyaaon ko desh deshaantar mein khud ja ja kar failaaya tha. sikh unhein apna pehla guru maanate hain. guramat ka parachaar baaki 9 guruon ne kiya. 10ve guru gobind Singh ji ne ye parachaar khaalasa ko sonpa aur gyaan guru granth saahib ki sikhyaaon par aml karne ka upadesh diya. sant kabeer, dhana, saadhana, raamaanand, paramaanand, naamadev itiyaadi, jin ki baani aadi granth mein darj hai, un bhagaton ko bhi sikh satguruon ke saamaan maanate hain aur un ki sikhyaaon par amal karne ki koshish karte hain. sikh ek hi ishvar ko maanate hain, jise ve ek-omkaar kehte hain. unka maanana hai ki ishvar akaal aur nirankaar hai.


anukram

parichay

bhaarateeya dharmon mein sikh dharm ka apna ek pavitra evam anupam sthaan hai sikhon ke pratham guru, gurunaanak Dave sikh dharm ke pravartak hain. unhonne apne samay ke bhaarateeya samaaj mein vyaapt kuprathaaon, andhavishvaason, jarjar roodhiyon aur paakhandon ko door karte hue jan-saadhaaran ko dharm ke thekedaaron, pandon, peeron aadi ke changul se mukt kiya. unhonne prem, seva, parishram, paropakaar aur bhaai-chaare ki drudh neev par sikh dharm ki sthaapana ki. taajjub naheen ki ek udaaravaadi drushtikon se gurunaanak Dave ne sabhi dharmon ki achhaaiyon ko samaahit kiya. unka mukhya upadesh tha ki ishvar ek hai, usi ne sabko banaaya hai. hindu musalmaan sabhi ek hi ishvar ki santaan hain aur ishvar ke liye sabhi samaan hain. unhonne yeh bhi bataaya hai ki ishvar satya hai aur manushya ko achhe kaarya karne chaahiye taaki paramaatma ke darbaar mein use lajjit na hona pade. gurunaanak ne apne ek sabad mein kaha hai ki pandit pothi (shaastr) padhte hain, kintu vichaar ko naheen boojhate. doosaron ko upadesh dete hain, isse unka maaya ka vyaapaar chalta hai. unki kathani jhoothi hai, ve sansaar mein bhatakate rahate hain. inhein sabad ke saar ka koi gyaan naheen hai. ye pandit to vaad-vivaad mein hi pade rahate hain.

pandit vaachahi pothiaa na boojhahi beechaar..

aan ko mati de chalahi maaiaa ka baamaaroo..

kahani jhoothi jagu bhavai rahani sabahu sabadu su saaroo.. 6..

(aadigranth, pru. 55)

guru arjun Dave to yahaaain tak kehte hain ki paramaatma vyaapak hai jaise sabhi vanaspatiyon mein aag samaayi hui hai evam doodh mein ghi samaaya hua hai. isi tarah paramaatma ki jyoti ooainch-neech sabhi mein vyaapt hai paramaatma ghat-ghat mein vyaapt hai-

sagal vanaspati mahi baisantaru sagal doodh mahi gheeaa..

ooainch-neech mahi joti samaani, ghati-ghati maathau jeeaa..

(aadigranth, pru. 617)

sikh dharm ko majaboot aur maryaadaasampann banaane ke liye guru arjun-Dave ne aadi granth ka sanpaadan karke ek bahut bada aitihaasik evam shaashvat kaarya kiya. unhonne aadi granth mein paaainch sikh guruon ke saath 15 santon evam 14 rachanaakaaron ki rachanaaon ko bhi sasammaan shaamil kiya. in paaainch guruon ke naam hain- guru naanak, guru angadadev, guru amaradaas, guru raamadaas aur guru arjunadev. shekh fareed, jayadev, trilochan, sadhana, naamadev, veni, raamaanand, kabeer, ravidaas, peepa, saitha, dhanna, bheekhan, paramaanand aur sooradaas 15 santon ki vaani ko aadigranth mein sangraheet karke guruji ne apni udaar maanavataavaadi drushti ka parichay diya. itna hi naheen, unhonne haribans, balha, Mathura, gayand, nalh, bhall, salh bhikkha, keerat, bhaai maradaana, sundaradaas, raai balavand evam satta doom, kalasahaar, jaalap jaise 14 rachanaakaaron ki rachanaaon ko aadigranth mein sthaan dekar unhein uchch sthaan pradaan kiya. yeh adbhut kaarya karte samay guru arjun Dave ke saamane dharm jaati, kshetr aur bhaasha ki kisi seema ne avarodh paida naheen kiya.

unhein maaloom tha in sabhi guruon, santon evam kaviyon ka saanskrutik, vaichaarik evam chintanaparak aadhaar ek hi hai. ullekhaneeya hai ki guru arjunadev ne jab aadigranth ka sampaadan-kaarya 1604 E. mein poorn kiya tha tab usamein pehle paaainch guruon ki vaaniyaaain theen. iske baad guru govind Singh ne apne pita guru teg bahaadur ki vaani shaamil karke aadigranth ko antim roop diya. aadi-granth mein 15 santon ke kul 778 pad hain. inmein 541 kabeer ke, 122 shekh fareed ke, 60 naamadev ke aur 40 sant ravidaas ke hain. anya santon ke ek se chaar padon ka aadi granth mein sthaan diya gaya hai. gaurtalab hai ki aadi granth mein sangraheet ye rachanaaeain gat 400 varshon se adhik samay ke bina kisi parivartan ke poori tarah surakshit hain. lekin apne dehaavasaan ke poorv guru govind Singh ne sabhi sikhon ke aadhyaatmik maargadarshan ke liye guru granth saahab aur unke saansaarik disha-nirdeshan ke liye samooche khaalasa panth ko 'guru pad' par aaseen kar diya. us samay aadigranth guru saahab ke roop mein sveekaar kiya jaane laga.

sikh dharm ko kaalajayi banaane ke liye guru govind Singh ne sabhi dharmon aur jaatiyon ke logon ko guru-shishya-parampara mein Dixit kiya. unhonne aane waali shataabdiyon ke liye is nae manushya ka srujan kiya. yeh naya manushya jaatiyon evam dharmon mein vibhkt na hokar dharm, maanav evam desh ke sanrakshan ke liye sadaiv katibddh rahane wala hai. sabko saath lekar chalne ki yeh sancharana, nissandeh, sikh maanas ki thaati hai. fir, sikh dharm ka param lakshya maanav-kalyaan hi to hai. kadaachit isi maanav-kalyaan ka sabak sikhaane ke liye guru govind Singh ne aurangajeb ko ek lamba patra (jfranaama) likha tha, jismein ishvar ki stuti ke saath-saath aurangajeb ke shaasan-kaal mein ho rahe anyaaya tatha atyaachaar ka maarmik ullekh hai. is patra mein nek karm karne aur maasoom praja ka khoon na bahaane ki naseehatein, dharm evam ishvar ki aad mein makkaari aur jhooth ke liye chetaavani tatha yoddha ki tarah maidaan jang mein aakar yuddh karne ke liye lalakaar hai. kaha jaata hai ki is patra ko padhkar aurangajeb ki rooainh kaaainp uthi thi aur iske baad vah adhik samay tak jeevit naheen raha. guru ji se ek baar bheint karne ki usaki andaruni ichha bhi poori na ho saki.

yeh koi shreya lene-dene waali baat naheen hai ki sikh guruon ka sahaj, saral, saada aur svaabhaavik jeevan jin moolyon par aadhaarit tha, nishchaya hi un moolyon ko unhonne paramparaagat bhaarateeya chetna se grahan kiya tha. desh, kaal aur paristhitiyon ki maaaing ke anusaar unhonne apne vyaktitv ko dhaalakar tatkaaleen raajanaitik, saamaajik, dhaarmik, aarthik evam saanskrutik jeevan ko gahre mein prabhaavit kiya tha. sikh guruon ne apne samay ke dharm aur samaaj-vyavastha ko prabhaavit kiya tha. sikh guruon ne apne samay ke dharm aur samaaj-vyavastha ko ek nai disha di. unhonne bhakti, gyaan, upaasana, adhyaatm evam darshan ko ek sankeern daayare se nikaalkar samaaj ko us tabake ke beech pahuaincha diya, jo isse poornat: vanchit the. isse logon ka aatmabodh jaaga aur unamein ek nai drushti evam jaagruti panapi, ve svaanubhoot anubhav ko maanyata dene lage. is prakaar nirgun niraakaar param shakti ka pravaah prakhar evam tvarit roop se praapt hua.

sikh dharm ki ek anya maarke ki vishishtata yeh hai ki sikh guruon ne manushya ko udyam karte hue jeevan jeene, kamaate hue sukh praapt karne aur dhyaan karte hue prabhu ki praapti karne ki baat kahi. unka maanana tha ki parishram karanevaala vyakti sabhi chintaaon se mukt rahata hai. guru naanak ne to yahaaain tak kaha hai ki jo vyakti mehnat karke kamaata hai aur usamein kuchh daan-punya karta hai, vahi sahi maarg ko pahachaanata hai. sikh guruon dvaara praarambh ki gayi 'langar' (muft bhojan) pratha vishvabandhutv, maanav-prem, samaanata evam udaarata ki anyatr na pai jaane waali misaal hai.

sikh guruon ne kabhi na murajhaane vaale saanskrutik evam naitik moolyon ki bhi sthaapana ki. unhonne apne daarshanik evam aadhyaatmik chintan se bhaaainp liya tha ki aane wala samay kaisa hoga. isliye unhonne andhi nakal ke khilaaf vaikalpik chintan par jor diya. shaareerik-abhyaas evam vinodasheelata ko jeevan ka aavashyak ang maana. Punjab ke lokageeton, lokanrutyon evam hola mahalla par shaastradhaariyon ke pradarshit karatabon ke mool mein sikh guruon ke prerana-beej hi hain. in lokageeton evam lok nrutyon ki jadein Punjab ki dharati se footati hain aur logon mein thirkan paida karti hain. bhaangada aur giddha Punjab ki saanskrutik shaan hain, jiski dhadkan desh-videsh mein praaya: suni jaati hai.

punjabi sanskruti raashtreeyata ka merudand hai. iske praan mein ekatv hai, iske rakt mein sahaanubhooti, sahayog, karuna aur maanav-prem hai. punjabi sanskruti aadmi se jodti hai aur usaki pehchaan banaati hai. vishv ke kisi kone mein ghoomta-firta punjabi swayam mein se ek laghu Punjab ka pratiroop hai. pratyek sikh ki apni svatantr chetna hai, jo jeevan-sambandhi samasyaaon ko apne hi prakaash mein sulajhaane ke uddeshya se gambheer roop se vichaar karti I hai. sikh guruon ka itihaas uthaakar dekh leejiye, unhonne saamraajyavaadi avadhaarana katai naheen banaai, ulte saanskruti, k dhaarmik evam aadhyaatmik saamanjasya ke maadhyam se maanavataavaadi sansaar ki drushti hi karte rahe. aajaadi ke poorv, Bhaarat-Pak vibhaajan evam iske baad kai dashakon mein Punjab mein samay-samay par aae hinsaatmak-jlajlon evam nirdayi vidhvanson ke baavajood is dharati ke logon ne apna shaantipoorn astitv banaae rakha hai. kaundh inka maargadarshan karti rahi hai.

vichaaradhaara

nirankaar

sikhmat ki shuruaat hi "ek" se hoti hai. sikhon ke dharm granth mein "ek" ki hi vyaakhya hain. ek ko nirankaar, paarabrahm aadik gunavaachak naamon se jaana jaata hain. nirankaar ka svaroop shri gurugranth saahib ke shuruaat mein bataaya hai jisko aam bhaasha mein 'mool mantr' kehte hain.

omkaar, satinaam, karataapurakh, nirbhaao, nirvair, akaalamoort, ajooni, svaibhang

is ki praapti gyaan dvaara hoti hai, is liye "gur parasaad" par mool mantr samaapt hota hai.

takareeban sabhi dharm isi "ek" ki aaraadhana karte hain, lekin "ek" ki vibhinn avasthaaon ka zikr va vyaakhya shri guru granth saahib ji mein di gayi hai vo apne aap mein niraali hai.

jeev aatma

jeev aatma jo niraakaar hai, us ke paas nirankaar ke sirf 4 hi gun vyaapt hai

aunkaar, satinaam, karta purakh, svaibhang

baaki chaar gun praapt karte hi jeev aatma vaapis nirankaar mein samaan jaati hai, lekin usako praapt karne ke liye jeev aatma ko khud ko guramat ke gyaan dvaara samajhna zaroori hai. ise sikh dharm mein "aatam chintan" kaha jaata hai.

aatma ka niraakaari svaroop man (aatm), chit (paraatm), surat, budhi, mati aadik ki jaankaari sikh dharm ke mool sikhyaaon mein di jaati hai. in ki gatividhion ko samajh kar insaan khud ko samajh sakta hai.

sikh dharm ki shuruaat hi aatam gyaan se hoti hai. aatma kya hai? kaha se I hai? vajood kyon hai? karna kya hai itihaadi roohaaniyt ke vishe sikh prachaar dvaara padhaaye jaate hain. aatma ke vikaar kya hain, kaise vikaar mukt ho. aatma svayam nirankaar ki ansh hai. iska gyaan karavaate karavaate nirankaar ka gyaan ho jaata hai.

paap punya dou ek saamaan

sikhmat kaarmik falasafe mein yakeen naheen rakhata. anya dharmo ka kehna hai ki prabhu ko achhe karm pasand hain aur bure karmo vaalon ke saath parameshvar bahut bura karta hai. lekin sikh dharm ke anusaar insaan khud kuchh kar hi naheen sakta. insaan sirf sochane tak seemit hai karta vahi hai jo "hukm" mein hai, chaahe vo kisi gareeb ko daan de raha ho chaahe vo kisi ko jaan se maar raha ho. yahi baat shri gurugranth saahib ji ke shuroo mein hi drudh karva di thi :

hukme andar sab hai baahar hukm na koe
jo hita hai hukam mein hi hota hai. hukm se baahar kuchh naheen hota.

isi liye guramat mein paap punya ko naheen man jaata. agar insaan koi kriya karta hai to vo antar aatma ke saath aavaaj mila kar kare. yahi karn hai ki guramat karm kaand ke viruddh hai. shri guru naanak Dave ji ne apne samay ke bhaarateeya samaaj mein vyaapt kuprathaaon, andhavishvaason, jarjar roodhiyon aur paakhandon ko door karte hue jan-saadhaaran ko dharm ke thekedaaron, pandon, peeron aadi ke changul se mukt karne ki koshish ki.

chaar padaarth

nimnalikhit chaar 'padaarth' maanav ko apne jeevanakaal mein praapt karna anivaarya hai :

(1) gyaan padaarth ya prem padaarth : yeh padaarth kisi se gyaan lekar praapt hota hai. kaheen se guramat ka gyaan padh kar ya samajh kar. bhakt lok ye padaarth dete hain. isame maaya mein rah kar maaya se tootane ka gyaan hai. sab vikaaron ko tyaagana aur nirankaar ko praapti karna hi vishye hai.

(2) mukt padaarth: gyaan ke baad hi mukt hai. maaya ki pyaas khtm ho gayi hai. man chit ek hai. jeev sirf naam ki aaraadhana karta hai. isko jeevit mukt kehte hain.

(3) naam padaarth: naam aaraadhana se praapt kiya hua niraakaari gyaan hai. isko dhur ki bani bhi kehte hain. ye bagair kaano ke suni jaati hai aur hrudaya mein pragat hoti hai. yeh naam hi jeevit karta hai. aaainkhein khol deta hai. 3 lok ka gyaan mil jaata hai.

(3)janm padaarth: ""naanak naam mile taan jeevaan"", yeh niraakaari janm hai. bas shareer mein hai lekin surat shabd ke saath jud gayi hai. shareer se prem naheen hai. du:kh sukh kuchh bhi naheen maanata, paap punya kuchh bhi naheen. bas jo hukam hota hai vo karta hai

dharm, arth, kaam, moksh ko chaar padaarthon mein naheen liya gaya. shri guru gobind Singh ji kehte hain:

gyaan ke viheen lobh moh mein paraveen, kaamna adheen kaise paanve bhagavant ko

vastu pooja ka khandan

sikhmat mein bhakton evam satguron ne nirankaar ko akaar rahit kaha hai. kyonki saansaarik padaarth to ek din khatm ho jaate hain lekin parabrahm kabhi naheen marata. isi liye use akaal kaha gaya hai. yahi naheen jeev aatma bhi aakar rahit hai aur is shareer ke saath kuchh samay ke liye bandhi hai. iska vajood shareer ke bagair bhi hai, jo aam manushya ki budhi se door hai.

yahi karn hai ki sikhmat moorti pooja ke sakht khilaaf hai. satguruon evam bhakton ne moorti poojakon ko aaindha, jaanavar itiyaadi shabdon se nivaaja hai. us ki tasveer bane naheen ja sakti. yahi naheen koi bhi sansaari padaarth jaise ki kabar, bhakto evam satguruon ke itihaasak padaarth, pratimaaen aadik ko poojana sikhon ke bunayaadi usoolon ke khilaaf hai. dhaarmik granth ka gyaan ek vidhi jo nirankaar ke desh ki taraf lekar jaati hai, jiske samaksh sikh natamastak hote hain, lekin dhaarmik granthon ki pooja bhi sikhon ke bunayaadi usoolon ke khilaaf hai.

avataaravaad aur paigambaravaad ka khandan

sikhmat mein har jeev ko avataar kaha gaya hai. har jeev us nirankaar ki ansh hai. sansaar mein koi bhi panchi, pashu, ped, itiyaadi avataar hain. maanush ki yoni mein jeev apna gyaan poora karne ke liye avatarit hua hai. vyakti ki pooja sikh dharm mein naheen hai "maanukh ki tech birthi sab jaanat, dene, ko AK Bhagwan". tamaam avataar ek nirankaar ki shart par poore naheen utarate koi bhi ajooni naheen hai. yahi kaaran hai ki sikh kisi ko parameshar ke roop mein naheen maanate. haaain agar koi avataar guramat ka upades karta hai to sikh us upadesh ke saath zaroor jude rahate hain. jaisa ki Krishna ne geeta mein kaha hai ki aatma marati naheen aur jeev hatya kuchh naheen hoti, is baat se to sikhmat sahamat hai lekin aage Krishna ne kaha hai ki karm hi dharm hai jis se sikh dharm sahamat naheen.

paigmbar vo hai jo nirankaar ka sandesh athva gyaan aam lokai mein baante. jaisa ki islaam mein kaha hai ki muhammad aakhri paigambar hai sikhon mein kaha gaya hai ki "har jug jug bhakt upaaya". bhakt same dar same paida hote hain aur nirankaar ka sandesh logon tak pahunchaate hain. sikhmat "illa il Allah" se sahamat hai lekin sirf muhammad hi rasool Allah hai is baat se sahamat naheen. arjun Dave ji kehte hain "dhur ki baani I, tin sagali chint mitaai", arthaat mujhe dhur se vaani I hai aur meri sagal chintaaen mit gayi hain kionki jiski taak mein main baitha tha mujhe vo mil gaya hai.

dhaarmik granth

mool roop mein bhakto avam satguruon ki vaani ka sangreh jo sataguru arjun Dave ji ne kiya tha jise aadi granth kaha jaata hai sikhon ke dhaarmik granth ke roop mein prasiddh hai | yeh granth 36 bhakton ka sacha upadesh hai aur aashcharyajanak baat ye hai ki 36 bhakton ne nirankaar ko sam drushti mein vyaakhyaan kiya hai | kisi shabd mein koi bhinnata naheen hai | sikh aadi granth ke saath saath dasam granth, jo ki sataguru gobind Singh ji ki vaani ka sangreh hai ko bhi maanate hain | yeh granth khaalase ke adheen hai | par mool roop mein aadi granth ka gyaan lena hi sikhon ke liye sarvopriya hai |

yahi naheen sikh har us granth ko sammaan dete hain, jisme guramat ka upadesh hai |

aadi granth

aadi granth/pothi saahib

aadi granth ya aadi guru granth ya guru granth saahib ya aadi guru darbaar ya pothi saahib, guru arjun Dave davaara sangruhit ek dhaarmik granth hai jisme 36 bhakton ke aatmik jeevan ke anubhav darj hain | aadi granth is liye kaha jaata hai kyonki ismein "aadi" ka gyaan bharpoor hai | jap bani ke mutaabik "sach" hi aadi hai | iska gyaan karavaane vaale granth ko aadi granth kehte hain | iske havaale svayam aadi granth ke bheetar hain | halaaki vidvaan tabaka kehta hai kyonki ye granth mein guru teg bahaadur ji ki bani naheen thi is liye yeh aadi granth hai aur sataguru gobind Singh ji ne 9vein mahale ki bani chadhaai is liye is aadi granth ki jaganh guru granth kaha jaane laga |

bhakto evam satguruon ki vaani pothion ke roop mein sataguru arjun Dave ji ke samay mojood theen | bhaai guradaas ji ne yeh granth likha aur sataguru arjun Dave ji disha nirdhaarak bane | unhon ne apni vaani bhi granth mein darj ki | yeh granth ki kai nakale bhi taiyaar hui |

aadi granth ke 1430 panne khaalasa davaara maanakit kiye gaye |

dasam granth

dasam granth, sikhon ka dharmagranth hai jo satagur gobind Singh ji ki pavitra vaani evam rachanaao ka sangrah hai.

guru gobind Singh ji ne apne jeevanakaal mein anek rachanaaeain ki jinki chhoti chhoti pothiyaaain bana Dean. un ki maut ke baad un ki dharm patni maata sundari ki aajnyaa se bhaai mani Singh khaalasa aur anya khaalasa bhaaiyon ne guru gobind Singh ji ki saari rachanaao ko ikatha kiya aur ek jild mein chadha diya jise aaj "dasam granth" kaha jaata hai. seedhe shabdon mein kaha jaaye to guru gobind Singh ji ne rachana ki aur khaalase ne sampaadana ki. dasam granth ka satkaar saari sikh kaum karti hai.

dasam granth ki vaaniyaaain jaise ki jaap saahib, tav parasaad savaiye aur chopaai saahib sikhon ke rojaana sajada, nitnem, ka hissa hai aur yeh vaaniyaaain khande baate ki pahol, jis ko aam bhaasha mein amrut chhakana kehte hain, ko banaate vakt padhi jaati hain. takhat hajoor saahib, takhat Patna saahib aur nihang Singh ke gurudvaaron mein dasam granth ka guru granth saahib ke saath parakaash hota hain aur roj hukaamnaame bhi liya jaata hai.

anya granth

sarabloh granth or bhaai guradaas ki vaarein shanka grast rachanaae hain | halaaki khaalasa mahima sarbloh granth mein susajit hai jo sataguru gobind Singh ki pramaanit rachana hai, baaki srbloh granth mein karm kaand, vyakti pooja itiyaadi vishe mojood hain jo sikhon ke bunayaadi usoolon ke khilaaf hain | bhaai guradaas ki vaaron mein moorti pooja, karm sidhaant aadik guramat viruddh shabd darj hain

sikh dharm ka itihaas ke liye koi bhi itihaasik srot ko poori taranh se prpakh naheen man jaata | shri gur sobha hi aisa granth man gaya hai jo gobind Singh ke nikat varteeya sikh dvaara likha gaya hai lekin ismein taareekhein naheen di gayi hain | sikhon ke aur bhi itihaasak granth hain jaise ki shri gur parataap sooraj granth, gurbilaas paatashaahi 10, shri gur sobha, manheema parakaash evam panth parakaash, janamasakhiyaaain itiyaadi | shri gur parataap sooraj granth ki vyaakhya guradvaaron mein hoti hai | kabhi gurbilaas paatashaahi 10 ki hoti thi | 1750 ke baad jyaadaatar itihaas likhe gaye hain | itihaas likhne vaale vidvaan jyaadaatar sanaatani the jis kaaran kuchh itihaasik pustakon mein sataguru evam bhakt chamatkaari dikhaae hain jo ki guramat falasafe ke mutaabik theek naheen hai | guru naanak ka hava mein udna, magaramach ki savaari karna, maata ganga ka Baba buddha dvaara garbvati karna itiyaadi ghatanaae jamsakhion aur gurbilaas mein susajit hain aur baad vaale itihaasakaaron ne inhi baaton ke oopar shrdhavaas masaala laga kar likha hua hai | kisi satagur evam bhakt ne apna sansaari itihaas naheen likha | sataguru gobind Singh ne bhi jitna likha hai vah sankshep aur took paramaan jitna likha hai | sikh dharm itihaas ko itna mahatva naheen deta, jo itihaas gurabaani samajhne ke kaam aae utana hi sikh ke liye zaroori hai |

aaj sikh itihaas ka shuddheekaran karne mein lage hain. aur puraatan granth ki madad ke saath saath guramat ko dhyaan mein rakhate hue itihaas likh rahe hain |

yeh bhi dekhein

kadiyaaain