siddhivinaayak mandir, Mumbai

siddhivinaayak mandir, Mumbai
{{{varnan}}}

naam: shri sidghivinaayak mandir
nirmaan kaal :
devata: siddhivinaayak
vaastukala:
sthaan: Mumbai, Maharashtra, Bhaarat

sidghivinaayak ganesh ji ka sabse lokapriya roop hai. ganesh ji jin pratimaaon ki sood daain tarah mudi hoti hai, ve sidghapeeth se judi hoti hain aur unke mandir sidghivinaayak mandir kahalaate hain. kehte hain ki siddhi vinaayak ki mahima aparanpaar hai, ve bhakton ki manokaamana ko turant poora karte hain. maanyata hai ki aise ganapati bahut hi jaldi prasann hote hain aur utani hi jaldi kupit bhi hote hain.


anukram

chaturbhuji vigrah

siddhi vinaayak ki doosari visheshata yeh hai ki vah chaturbhuji vigrah hai. unke oopari daaen haath mein kamal aur baaen haath mein ankush hai aur neeche ke daahine haath mein motiyon ki maala aur baaen haath mein modak (ladduon) bhara katora hai. ganapati ke donon or unki dono patniyaan riddhi aur siddhi maujood hain jo dhan, aishvarya, safalta aur sabhi manokaamanaaon ko poorn karne ka prateek hai. mastak par apne pita Shiv ke samaan ek teesara netr aur gale mein ek sarp haar ke sthaan par lipta hai. siddhi vinaayak ka vigrah dhaai feet ooncha hota hai aur yeh do feet chaude ek hi kaale shilaakhand se bana hota hai.


Mumbai ka sidghivinaayak mandir

yoon to sidghivinaayak ke bhakt duniya ke har kone mein hain lekin Maharashtra mein inke bhakt sabse jyaada hain. samruddhi ki nagari Mumbai ke prabha devi ilaake ka siddhivinaayak mandir un ganesh mandiron mein se ek hai, jahaan sirf hindu hi naheen, balki har dharm ke log darshan aur pooja-archana ke liye aate hain. haalaanki is mandir ki na to Maharashtra ke 'ashtavinaayakon ' mein ginti hoti hai aur na hi 'siddh tech ' se iska koi sambandh hai, fir bhi yahaan ganapati pooja ka khaas mahatva hai. Maharashtra ke ahamadanagar jile ke siddh tech ke ganapati bhi siddhivinaayak ke naam se jaane jaate hain aur unki ginti ashtavinaayakon mein ki jaati hai. Maharashtra mein ganesh darshan ke aath siddh aitihaasik aur pauraanik sthal hain, jo ashtavinaayak ke naam se prasiddh hain. lekin ashtavinaayakon se alag hote hue bhi iski mahatta kisi siddh-peeth se kam naheen.

aamtaur par bhaktagan baain taraf mudi sood waali ganesh pratima ki hi pratishthaapana aur pooja-archana kiya karte hain. kehne ka taatparya hai ki daahini or mudi ganesh pratimaaen siddh peeth ki hoti hain aur Mumbai ke siddhivinaayak mandir mein ganesh ji ki jo pratima hai, vah daain or mude sood waali hai. yaani yeh mandir bhi siddh peeth hai.

itihaas

kinvadanti hai ki is mandir ka nirmaan sanvat 1692 mein hua tha. magar sarkaari dastaavejon ke mutaabik is mandir ka 19 November 1801 mein pehli baar nirmaan hua tha. siddhi vinaayak ka yeh pehla mandir bahut chhota tha. pichhle do dashakon mein is mandir ka kai baar punarnirmaan ho chuka hai. haal hi mein ek dashak pehle 1991 mein Maharashtra sarkaar ne is mandir ke bhavya nirmaan ke liye 20 hajaar vargafeet ki jameen pradaan ki. vartamaan mein siddhi vinaayak mandir ki imaarat paanch manjila hai aur yahaan pravachan grah, ganesh sangrahaalaya va ganesh viaapeeth ke alaava doosari manjil par aspataal bhi hai, jahaan rogiyon ki muft chikitsa ki jaati hai. isi manjil par rasoighar hai, jahaan se ek lift seedhe garbhagrah mein aati hai. pujaari ganapati ke liye nirmit prasaad va laddoo isi raaste se laate hain.


garbhagrah

navanirmit mandir ke 'gabhaara ' yaani garbhagrah ko is tarah banaaya gaya hai taaki adhik se adhik bhakt ganapati ka sabhaamandap se seedhe darshan kar sakein. pehle manjil ki gailariyaan bhi is tarah banaai gayi hain ki bhakt vahaan se bhi seedhe darshan kar sakte hain. ashtabhuji garbhagrah takareeban 10 feet chauda aur 13 feet ooncha hai. garbhagrah ke chabootare par svarn shikhar wala chaandi ka sundar mandap hai, jismein siddhi vinaayak viraajate hain. garbhagrah mein bhakton ke jaane ke liye teen darvaaje hain, jin par ashtavinaayak, ashtalakshmi aur dashaavataar ki aakrutiyaan chitrit hain.

vaise bhi siddhivinaayak mandir mein har mangalvaar ko bhaari sankhya mein bhaktagan ganapati bappa ke darshan kar apni abhilaasha poori karte hain. mangalvaar ko yahaan itni bheed hoti hai ki line mein chaar-paanch ghante khade hone ke baad darshan ho paate hain. har saal ganapati pooja mahotsav yahaan bhaadrapad ki chaturthi se anant chaturdashi tak vishesh samaaroh poorvak manaaya jaata hai.


inhein bhi dekhein