siddhidaatri

siddhidaatri
सिद्धिदात्री- नवदुर्गाओं में नवम
siddhidaatri- navadurgaaon mein navam
siddhiyaan
sambandhit hindu devi
astr-shastr kamal
jeevanasaathi Shiv
vaahan Singh

maaain durgaaji ki nauveen shakti ka naam siddhidaatri hain. ye sabhi prakaar ki siddhiyon ko dene waali hain. navaraatr-poojan ke nauvein din inki upaasana ki jaati hai. is din shaastreeya vidhi-vidhaan aur poorn nishtha ke saath saadhana karne vaale saadhak ko sabhi siddhiyon ki praapti ho jaati hai. srushti mein kuchh bhi uske liye agamya naheen rah jaata hai. brahmaand par poorn vijay praapt karne ki saamarthya usamein aa jaati hai.

anukram

siddhiyaan

maarkandeya puraan ke anusaar anima, mahima, garima, laghima, praapti, praakaamya, ishitv aur vashitv- ye aath siddhiyaaain hoti hain. brahmavaivart puraan ke shreekrushn janm khand mein yeh sankhya athaarah bataai gayi hai. inke naam is prakaar hain-

maaain siddhidaatri bhakton aur saadhakon ko ye sabhi siddhiyaaain pradaan karne mein samarth hain. deveepuraan ke anusaar Bhagwan Shiv ne inki krupa se hi in siddhiyon ko praapt kiya tha. inki anukampa se hi Bhagwan Shiv ka aadha shareer devi ka hua tha. isi kaaran ve lok mein 'arddhanaareeshvar' naam se prasiddh hue.

maaain siddhidaatri chaar bhujaaon waali hain. inka vaahan Singh hai. ye kamal pushp par bhi aaseen hoti hain. inki daahini taraf ke neeche vaale haath mein kamalapushp hai.

pratyek manushya ka yeh kartavya hai ki vah maaain siddhidaatri ki krupa praapt karne ka nirantar prayatn kare. unki aaraadhana ki or agrasar ho. inki krupa se anant dukh roop sansaar se nirlipt rahakar saare sukhon ka bhog karta hua vah moksh ko praapt kar sakta hai.

navadurgaaon mein

navadurgaaon mein maaain siddhidaatri antim hain. anya aath durgaaon ki pooja upaasana shaastreeya vidhi-vidhaan ke anusaar karte hue bhakt durga pooja ke nauvein din inki upaasana mein pravatt hote hain. in siddhidaatri maaain ki upaasana poorn kar lene ke baad bhakton aur saadhakon ki laukik, paaralaukik sabhi prakaar ki kaamanaaon ki poorti ho jaati hai. siddhidaatri maaain ke krupaapaatr bhakt ke bheetar koi aisi kaamna shesh bachati hi naheen hai, jise vah poorn karna chaahe. vah sabhi saansaarik ichhaaon, aavashyakataaon aur spruhaaon se oopar uthakar maanasik roop se maaain bhagavati ke divya lokon mein vichran karta hua unke krupa-ras-peeyoosh ka nirantar paan karta hua, vishay-bhog-shoonya ho jaata hai. maaain bhagavati ka param saannidhya hi usaka sarvasv ho jaata hai. is param pad ko paane ke baad use anya kisi bhi vastu ki aavashyakta naheen rah jaati. maaain ke charanon ka yeh saannidhya praapt karne ke liye bhakt ko nirantar niymanishth rahakar unki upaasana karne ka niyam kaha gaya hai. aisa maana gaya hai ki maaain bhagavati ka smaran, dhyaan, poojan, hamein is sansaar ki asaarata ka bodh karaate hue vaastavik param shaantidaayak amrut pad ki or le jaane wala hai. vishvaas kiya jaata hai ki inki aaraadhana se bhakt ko anima, ladhima, praapti, praakaamya, mahima, ishitv, sarvakaamaavasaayita, door shravan, parakaama pravesh, vaakasiddh, amaratv bhaavana siddhi aadi samast siddhiyon nav nidhiyon ki praapti hoti hai. aisa kaha gaya hai ki yadi koi itna kathin tap na kar sake to apni shaktinusaar jap, tap, pooja-archana kar maaain ki krupa ka paatr ban sakta hi hai. maaain ki aaraadhana ke liye is shlok ka prayog hota hai. maaain jagadambe ki bhakti paane ke liye ise kanthasth kar navaraatri mein navami ke din iska jaap karne ka niyam hai.

stuti

ya devi sarvabhoo‍aateshu maaain siddhidaatri roopen sansthita. namastasyai namastasyai namastasyai namo nam:.

arth

he maaain! sarvatr viraajamaan aur maaain siddhidaatri ke roop mein prasiddh ambe, aapko mera baar-baar pranaam hai. ya main aapko baaranbaar pranaam karta hooain. he maaain, mujhe apni krupa ka paatr banaao.