shukraachaarya

shukr grah ke roop mein shukraachaarya ki moorti

asuraachaarya, bhrugu rishi tatha hirnyakashipu ki putri divya ke putr jo shukraachaarya ke naam se adhik khyaat hein. inka janm ka naam 'shukr ushanas' hai. puraanon ke anusaar yaah daityon ke guroo tatha purohit the.

kehte hain, Bhagwan ke vaamanaavataar mein teen pag bhoomi praapt karne ke samay, yeh raaja bali ki jhaari ke mukh mein jaakar baith gaye aur bali dvaara darbhaagr se jhaari saaf karne ki kriya mein inki ek aaainkh foot gayi. iseeliye yeh "ekaaksh" bhi kahe jaate the. aarambh mein inhonne angirs rishi ka shishyatv grahan kiya kintu jab vah apne putr ke prati pakshapaat dikhaane lage tab inhonne shankar ki aaraadhana kar mrutasanjeevani vidya praapt ki jiske bal par devaasur sangraam mein asur anek baar jeete. inhonne 1,000 adhyaayonvaale "baarhaspatya shaastr" ki rachana ki. 'go' aur 'jayanti' naam ki inki do patniyaaain theen. asuron ke aachaarya hone ke kaaran hi inhein 'asuraachaarya' kehte hain.

sandarbh


inhein bhi dekhein