shukadev

shukadev santon ko katha sunaate hue

shukadev mahaabhaarat kaal ke muni the. ve vedavyaas ji ke putr the. ve bachapane me hi gyaan praapti ke liye van me chale gaye the. inhone hi pareekshit ko shreemadbhaagavat puraan sunaaya tha.[1] shuk Dave ji ne vyaas ji se mahaabhaarat bhi padha tha aur use devataao ko sunaaya tha. ye muni kam avastha me hi brahmaleen ho gaye the.[2]

shukadev ke janm ke baare mein yeh kaha jaata hai ki ye maharshi ved vyaas ke ayonij putr the aur yeh baarah varsh tak maata ke garbh mein rahe. katha kuchh is prakaar hai. Bhagwan Shiv, paarvati ko amar katha suna rahe the. paarvati ji ko katha sunate-sunate neend aa gayi aur unki jagah par vahaan baithe ek shuk ne hunkaari bharna praarambh kar diya. jab Bhagwan Shiv ko yeh baat gyaat hui, tab unhonne shuk ko maarane ke liye daude aur uske peechhe apna trishool chhoda. shuk jaan bachaane ke liye teenon lokon mein bhaagata raha, bhaagte-bhaagte vah vyaas ji ke aashram mein aaya aur sookshmaroop banaakar unki patni ke mukh mein ghus gaya. vah unke garbh mein rah gaya. aisa kaha jaata hai ki ye baarah varsh tak garbh ke baahar hi naheen nikle. jab Bhagwan shreekrushn ne swayam aakar inhein aashvaasan diya ki baahar nikalne par tumhaare oopar maaya ka prabhaav naheen padega, tabhi ye garbh se baahar nikle aur vyaasaji ke putr kahalaaye. garbh mein hi inhein ved, upanishd, darshan aur puraan aadi ka samyak gyaan ho gaya tha.

janm lete hi ye baalya avastha mein hi tap hetu van ki or bhaage, aisi unki sansaar se virkt bhaavanaaen thi. parantu vaatsalya bhaav se rote hue shri vyaas ji bhi unke peechhe bhaage. maarg mein ek jalaashaya mein kuchh kanyaaen snaan kar rahi theen, unhonne jab shukadev ji mahaaraaj ko dekha to apni avastha ka dhyaan na rakh kar shukadev ji ka aasheervaad liya. lekin jab shukadev ke peechhe moh mein pade shri vyaas vahaan pahunche to saari kanyaaen chhup gayeen. aisi saansaarik virkti se shukadev ji mahaaraaj ne tap praarambh kiya.

sandarbh

  1. Matchett, Freda (2001). Krishna, Lord or Avatara?: the relationship between Krishna and Vishnu. Routledge. ISBN 978-0-7007-1281-6.
  2. Sullivan, Bruce M. (1990). Kṛaṣaṇaa Dvaipāayana Vyāasa and the Mahāabhāarata: a new interpretation. BRILL. p. 40. ISBN 978-90-04-08898-6.