shri madhyabhaarat hindi saahitya samiti, indaur

shri madhyabhaarat hindi saahitya samiti indaur, hindi ke prachaar, prasaar aur vikaas ke liye kaaryarat desh ki praacheenatam sansthaao me se ek hai. samiti ki sthaapana san 1910 mein mahaatma Gandhi ki prerana se hui thi. san 1918 me raashtrapita mahaatma gaaaindhi ne samiti ke indaur sthit parisar se hi sabse pehle hindi ko raashtrabhaasha banaane ka aavhaan kiya tha. yaha hue hindi saahitya sammelan ke dauraan hi poojya baapu ne ahindi bhaashi pradesho me hindi ke prachaar ke liye apne putr devadatt Gandhi sahit paanch logo ko hindi doot banaakar tatkaaleen Madras praant me bheja tha. isi adhiveshan me tatkaaleen Madras praant me "hindi prachaar sabha" ki sthaapana ka sankalp lekar is uddeshya ki poorti hetu dhan sangrah kiya gaya tha. vardha sthit raashtrabhaasha prachaar samiti ki sthaapana mein bhi hindi saahitya samiti ki aitihaasik bhoomika nibhaai hai. is tarah desh ke ahindi bhaashi raajyo me hindi ke prachaar ke pehle prayaas me shri madhyabhaarat hindi saahitya samiti ki bhoomika atyant ullekhaneeya aur prabhaavashaali rahi hai.

san 1935 me samiti me pun: hindi saahitya sammelan ka aayojan kiya gaya tha. is adhiveshan ki adhyakshata bhi Gandhiji ne ki. samiti dvaara prakaashit maasik patrika "veena" desh ki ekamaatr patrika hai jo san 1927 se nirntar prakaashit ho rahi hai. aachaarya raamachandr shukl, hajaareelaal Dwivedi, 'niraala','dinkar' sumitraanandan pant, mahaadevi varma, premachand, jayashankar prasaad, vrandaavan laal varma, amratalaal naagar tatha maakhanalaal chaturvedi sahit desh ke lagbhag sabhi sheershasth lekhak, kavi, nibndhakaar, kahaaneekaar aur aalochak niyamit roop se "veena" me likhte rahe hai. yahi kaaran hai ki vikhyaat kaviytri mahaadevi varma aksar ye kaha karti thi ki "hindi bhaasha aur saahitya ka itihaas samiti aur veena ke jikr ke bina sadaiv apoorn rahega".

samiti ki sthaapana ek pustakaalaya ke roop me hui thi. abhi bhi samiti ka pustakaalaya Madhya Pradesh ke sabse samraddh pustakaalayo me se ek hai. isame lagbhag 25 hajaar kitaabe sangrahit hai. is pustakaalaya ka kamputareekaran kar ise E laayabreri ke roop me viksit karne ke prayaas kiye ja rahe hai. hindi bhaasha aur saahitya me uchch stareeya shodh kaaryo ko badhaava dene ke uddeshya se samiti dvaara dau॰ pi.di.sharma shodh kendra ki sthaapana ki gayi hai. devi ahila vi.vi. se maanyata praapt is kendra se aprel 2010 tak 55 shodhaarthi apna shodh poora kar pi.H.di. ki upaadhi praapt kar chuke hai.

sanskrut ke vaigyaanik aayaamo par shodh ko protsaahit karne ke uddeshya se samiti ne sanskrut shodh sansthaan ki sthaapana ki hai. is shodh kendra ka shubhaarambh Bhaarat ke mahaamahim raashtrapati pratibha Patil ne Madhya Pradesh ke mukhyamantri shivraaj sinh chauhaan, raajyapaal balaraam jaakhad aur indaur ki saansad shreemati sumitra mahaajan ki upasthiti me kiya tha. .

samiti ke ek vibhaag "samasaamayik adhyayan kendra" dvaara gyaan-vigyaan, takaneek, saamaajik aur aarthik kshetr me aa rahe naye badalaavo ki jaankaari logo tak hindi me pahuchaane ka prayaas kiya jaata hai. kendra dvaara aayojit kaaryakramo me ab tak desh ke varishth vaigyaanik dau॰ sandeep Basu aur dau॰ maashelakar, nyaayamoorti shri, J.S.varma, shri vi. di. gyaani aur shri vi.S.kogaje, varishth patrakaar prabhaash ji, ved prataap vedik, shri bi.ji.vargeej aur shri Rahul Dave saansad shri naveen jindal, poorv pradhaanamantri, shri chandrashekhar, poorv uparaashtrapati shri, krashnakaant, shri bhairosinh shekhaavat, poorv Loksabha adhyaksh shri somanaath chatarji tatha poorv upapradhaanamantri shri laalakrashn Advani sahit desh ke kai ganamaanyajan samiti ke kaaryakramo me bhaag le chuke hai.

vartamaan sandarbho me samiti, hindi ke prasaar ke saath saath sabhi bhaarateeya bhaashaao ke beech samvaad prakriya aarambh kar bhaashaayi samanvayan tatha kamputar evam soochana takaneek ke kshetr me hindi ke prayog ko badhaava dene ki disha me kaam kar rahi hai. is uddeshya ki poorti hetu samiti ne hindi blaaging ke prashikshan hetu kai kaaryashaalaae aayojit ki hai. jinme shri ravi ratalaami aur shri prateek shreevaastav ne hindi me blaag banaane ki vidha ka prashikshan diya hai.

anukram

samiti ke vishisht aayojan

  • deshi riyaasaton mein hindi ke prayog ke liye abhiyaan, san‌ 1915 mein.
  • Gandhiji ki adhyakshata mein hindi saahitya sammalen ka 8va adhiveshan, san 1918 mein
  • hindi saahitya sammelan ka 24 vaaain adhiveshan, san‌ 1935 mein
  • hindi vidyaapeeth ki sthaapana, san‌ 1940 mein
  • hindi sammelan evam raashtrabhaasha abhiyaan samiti ka pehla raashtreeya sammelan, san‌ 1948 mein
  • aachaarya vinoba bhaave evam mahaadevi varma ke mukhya aatithya mein hindi ki vaigyaanik aur takaneeki pustakon ki raashtreeya pradarshini ka aayojan, san‌ 1958 mein.
  • dakshin bhaarateeya prachaarakon ka sammaan, san‌ 1966 (pratham baar)
  • veena ka svarn jayanti samaaroh, san‌ 1978 mein. raashtrakavi raamadhaari Singh dinkar, shri ashok Vajpayee, nyaayamoorti govardhanalaal ojha tatha pradesh ke tatkaaleen mukhyamantri shri veerendrakumaar sakalecha ki upasthiti mein.
  • dakshin bhaarateeya prachaarakon ka sammaan, san‌ 1988 (dviteeya baar)
  • bhaiyaaji shambhoonaathaji chaturvedi smruti vyaakhyaanamaala - san‌ 1991 se nirntar
  • saamayik vishyon par hindi mein jaagrukta viksit karne ke liye samiti ne "samasaamayik adhyayan kendra "ki sthaapana ki. is kendra ne varsh 2002 mein Madhya Pradesh ki swayamsevi sansthaaon ka ek vishaal sammelan aayojit kiya. iske alaava nimn likhit mahatvapoorn kaaryakram kiye.
  • kendreeya bajat par sangoshthi
  • kaupeeraait act par kaaryakram
  • baal naat‌aaya shivir ka aayojan
  • aam aadmi aur raashtradhvaj
  • jaiv vividhta, Madhya Pradesh mein krushi tatha mdhyapradesh mein pharma udyog par praadeshik semeenaar aayojit kar iske nishkarshon se raajya sarkaar ko avagat kara kar neetiyo nirdhakaaran mein mahatvapoorn yogadaan diya.
  • samiti ne varsh 2002 mein hindi saahitya sammelan ka 54 vaaain adhiveshan aayojit kiya. is adhiveshan mein vikhyaat saahityakaar shri nirmal varma, shri himaanshu Joshi, shri baalakavi bairaagi aur Madhya Pradesh ke tatkaaleen mukhyamantri shri digvijyasinh ke udbodhan yahaaain dekhe aur sune ja sakte hai.
  • veena amrutotsav varsh samaaroh, Hyderabad, varsh 2003
  • samiti ke sanskrut shodh kendra ka shubhaaranbh Bhaarat ke raashtrapati mahaamahim shreemati pratibha devi Singh Patil dvaara di. 28 June 2008 ko,mahaamahim raashtrapati ji dvaara samiti mein diya gaya bhaashan yahaaain dekha aur suna ja sakta hai.
  • raashtreeya pustak mele ka aayojan – national book trast, indiya evam samiti dvaara sanyukt roop se indaur me teen varsh tak lagaataar raashtreeya pustak mele ka aayojan, san 2009,2010evan fir 2011 mein.in pustak melon mein desh ke lagbhag sabhi vikhyaat prakaashakon ne bhaag liya.
  • samiti ki sthaapana ke shataabdi samaaroh ke tahat varsh 2011 evam varsh 2012 mein Madhya Pradesh ke saahityakaaron evam rachanaakaaron par keindrit vishisht kailendar ka prakaashan evam desh ke kai shaharon mein ni:shulk vitran.
  • July 2011 mein samiti ke shataabdi samaaroh mein Madhya Pradesh ke mukhyamantri shri shivraaj Singh chauhaan ne Madhya Pradesh mein hindi vishv vidyaalaya sthaapit karne ki ghoshana ki.

pata

shri madhyabhaarat hindi saahitya samiti

11, raveendranaath Tagore maarg, Indore- (m.pr)

fon: 0731-2516657,4279624,

faiks: 0731-2529511

E mel:samiti.indore@gmail.com

inhein bhi dekhein

  • veena (patrika)

baahari kadiyaaain